| e-texts navigator |
| Wylie |
299a1 རྟེན་དུ་བཤད། །སྦྱིན་ཞིང་མཉེན་པའི་རྒྱུ་རྣམས་ལ། །ཕྱག་རྒྱའི་གཟུགས་སུ་ལེགས་བྱས་ན། །དེ་ཡང་མཚན་མའི་རྟེན་ཡིན་ནོ། །ས་སྟེང་དབྱིབས་ལེགས་མཛེས་པ་ལ། །རྡུལ་ཚོན་འདུས་བྱས་རྒྱུ་རྣམས་ཀྱིས། །བརྙན
299a2 མའི་དཀྱིལ་འཁོར་བྱས་ན་ཡང་། །དེ་ཡང་དངོས་གྲུབ་རྟེན་དུ་བཤད། །རེ་ཤིག་ལས་ཀྱི་དང་པོ་ལས། །ས་སྟེངས་དཀྱིལ་འཁོར་བྱས་པར་ཤིས། །ཞེས་གསུངས་སོ། །དེ་ལ་འདི་ནི་གནས་ཀྱི་མཚན་ཉིད་དེ། ས་སྟེགས་བྱ་བའི་གནས
299a3 མཆོག་ཀྱང་། །སྐྱོན་ཡོན་བྱེ་བྲག་ཤེས་པ་ལས། །སྤང་བླང་གཉིས་སུ་ཤེས་པར་བྱ། །རི་བོ་རི་བྲན་འདུས་པའི་སྤྱི། །གངས་རི་བྲག་དཀར་འདབ་རྩ་ནི། །སེང་གཅན་འཁྲ་བའི་གནས་ཞེས་བྱ། །ཞི་བའི་ལས་ལ་དེ་ཤིས་སོ། །ཕུག་ཆེན
299a4 དགོན་པ་ཆེན་པོ་དང་། །བྲག་ཆེན་རྡོ་རྗེ་གཏམས་པའི་དཀྱིལ། །གཅན་ཅན་འཁྲ་བའི་གནས་ཞེས་བྱ། །མངོན་པར་སྤྱོད་པ་སྒྲུབ་པའི་གནས། །དུར་ཁྲོད་གནས་དང་ངམ་གྲོག་དང་། །སུམ་མདོ་གྲོག་ལེ་བཤུང་བའི་གནས། །དུར
299a5 གཅན་འཁྲ་བའི་གནས་བྱའོ། །དབང་དུ་བསྡུ་བ་བསྒྲུབ་པའི་གནས། །ནགས་ཚལ་མང་པོ་བསྟིབས་པ་དང་། །ཤིན་ཏུ་བཙན་དང་འཇིགས་པའྀ་ངོས། །སྟག་གཟིག་འཁྲ་བའི་གནས་ཞེས་བྱ། །འདོད་པ་སྒྲུབ་པའི་གནས་ཡིན་ནོ། །
299a6 མཚོ་གླི་ཆུ་མདོ་རྒྱ་མཚོའི་འཇིངས། །ཆུ་ཡི་གླེ་མ་བཙན་པའི་གནས། །ཆུ་གཅན་འཁྲ་བའི་གནས་ཞེས་བྱ། །ལས་རྣམས་ཀུན་ལ་དེ་ཤིས་སོ། །རི་བོ་བདུན་པའི་རྩེ་རྣམས་དང་། །ཙན་དན་ནགས་ཚལ་མེ་ཏོག་ཚལ། །ཡིད་འོང
299a7 བཀྲ་ཤིས་ཉམས་དགའ་ཡི། །གནས་སུ་དཀྱིལ་འཁོར་བྲི་བར་ཤིས། །གནམ་དང་ས་དང་བར་སྣང་རྣམས། །ལེགས་པར་བརྟགས་ཏེ་དཀྱིལ་འཁོར་བྱ། །ཚོན་ཆ་ལྔ་ཡི་དབྱིབས་དག་ཏུ། །བརྟགས་ན་མངོན་པའི་ནམ་མཁའ
299a8 ཤིས། །བར་སྣང་ཁ་དོག་རྣམ་ལྔ་པོ། །སོ་སོར་མ་འདྲེས་གསལ་བ་ཤིས། །ས་གཞི་ཤིན་ཏུ་མ་ཉམས་དང་། །མ་གྲུམ་མཉམ་པར་གནས་པ་ལ། །ཚྭ་སྒོ་ས་སླན་བ་ཚྭ་མེད། །དེ་ལྟར་བརྟགས་པར་ལས་བྱའོ། །སྤང་བར་བྱ་བའི
iiif viewer powered by OpenSeadragon
