| e-texts navigator |
| Wylie |
298b1 གསལ་བར་བསྒོམ། །རྣལ་འབྱོར་རིག་པའི་ཁྱད་པར་རོ་ཞེས་གསུངས་པས་འདུས་པའི་འཁོར་ཚོགས་ཐམས་ཅད་ཀྱིས་ཆོས་ཐམས་ཅད་ཏིང་ངེ་འཛིན་གྱིས་དབང་བསྒྱུར་བར་མཐོང་ངོ་། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ
298b2 གློག་གི་འཁོར་ལོའི་མདོ་ཞེས་བྱ་བ་ལས་ཏིང་ངེ་འཛིན་གྱི་དཀྱིལ་འཁོར་རྣམ་པར་ཕྱེ་བའི་ལེའུ་སྟེ་དྲུག་པའོ། ། །། དེ་ནས་བཅོམ་ལྡན་འདས་གསང་བ་མཆོག་གི་བདག་པོས་གཟུགས་བརྙན་ལྟ་བུ་རྣམ་པར་འཕྲོ་བ་ཞེས་བྱ་བའི་ཏིང
298b3 ངེ་འཛིན་ལ་སྙོམས་པར་ཞུགས་ནས་ལས་དང་པོ་པའི་རྣལ་འབྱོར་པ་ཡིད་ཆེས་པར་བྱ་བའི་ཕྱིར་འདས་པའི་འཁོར་ཚོགས་རྣམས་ལ་བཀའ་སྩལ་པ། འདུས་པའི་འཁོར་ཚོགས་རྣམས་ཆོས་ཐམས་ཅད་ནི་གཟུགས་བརྙན་ལྟ་བུའི
298b4 རྣམ་པ་ཡིན་པར་ཤེས་པར་བྱའོ། །དེ་ཅིའི་ཕྱིར་ཞེ་ན། ཆོས་ཐམས་ཅད་ནི་གཟུགས་བརྙན་ལྟ་བུའི་རྣམ་པར་སྣང་ཞིང་དེ་ལས་མ་འདས་པའི་ཕྱིར་རོ། །དེ་བས་ན་གཟུགས་བརྙན་གྱི་དཀྱིལ་འཁོར་ཅི་འདྲ་བར་བྱ་ཡིས་ཉོན་ཅིག་།དེ་ལ
298b5 འདི་ནི་རྒྱུད་ཀྱི་རྣམ་གྲངས་སོ། །མི་ཤེས་པ་ཡི་འགྲོ་བ་ལ། །མཚོན་པས་གསལ་བའི་དོན་སྟོན་ཕྱིར། །གཟུགས་བརྙན་དཀྱིལ་འཁོར་བཤད་པར་བྱ། །དེ་ཡང་ཇི་ལྟ་བུ་ཞེ་ན། །བརྟན་ཞིང་མཛེས་པའི་ཁང་བུ་ལ། །འཇམ་པོར་ཞལ
298b6 ཞལ་བྱས་ནས་ནི། །ཁ་དོག་ལྔ་ཡི་གཟུགས་བྲིས་པ། །དེ་ཡང་དངོས་གྲུབ་རྟེན་དུ་བཤད། །རས་སམ་གྲོ་གམ་ཤིང་ཤུན་ནམ། ཏ་ལའི་ལོ་མའམ་དུར་ཁྲོད་རས། །ཞིང་ཆེན་རས་ལ་སོགས་པ་ལ། །ཕྱག་རྒྱའི་གཟུགས་སུ
298b7 བྲིས་ན་ཡང་། །མཚན་མ་འབྱུང་བའི་རྟེན་དུ་བཤད། །རྡོ་དང་ཤེལ་རྡོ་ལ་སོགས་དང་། །དུང་ངམ་བ་སོའི་རྒྱུ་ལས་ནི། །ཕྱག་རྒྱ་འམ་གཟུགས་སུ་འབུར་བཏོད་ནས། །དེ་ཡང་དངོས་གྲུབ་འབྱུང་བའི་རྟེན། །གསེར་དངུལ་ཟངས་ཁར་ལ་སོགས
298b8 ལ། །མཁས་པས་ལེགས་པར་ལུགས་བྱས་ཏེ། །ཡན་ལག་མ་ཉམས་གཟུགས་བྱས་ན། །དེ་ཡང་མཚན་མའི་རྟེན་དུ་བཤད། །བླག་ཤ་བྱང་ཆུབ་ཤིང་བུ་འམ། །རྒྱུ་ཤིང་མཉེན་ལ་གཟུགས་བྱས་ན། །དེ་རྣམས་མཚན་མའི
iiif viewer powered by OpenSeadragon
