| e-texts navigator |
| Wylie |
297b1 དུ་སྟེ། །མཁའ་དབྱིངས་རྡོ་རྗེ་པད་མོར་ལྡན། །དེ་ནི་བསྒོམ་པའི་དཀྱིལ་འཁོར་ཡིན། །སྐྱེད་པ་ཡང་ནི་འདི་ལྟ་སྟེ། །ལྷ་ཚོགས་བདག་གི་སྲས་སུ་སྐྱེད། །དེ་ནས་བསྐྱེད་པའི་དཀྱིལ་འཁོར་ཡིན། །དེ་ཡང་ཇི་ལྟར་བསྐྱེད་ཅེ་ན། །ཐོག་མར
297b2 ཡབ་ཡུམ་མཁའ་རྣམ་གཉིས། །རྡོ་རྗེ་པད་མར་བྱིན་གྱིས་བརླབ། །གཉིས་མེད་དགྱེས་པར་འཁྲིལ་པ་ལས། །བྷ་གའི་དཀྱིལ་དུ་ལིང་ག་ཨ། །འཕྲོ་འདུ་དབྱིངས་སུ་ཐིམ་པ་ལས། །དབང་ཆེན་ས་བོན་འབྲུ་ལྔར་གྱུར། ། ཡ~ཾ་བ~ཾ་སུ་བྲུ~ཾ།
297b3 ཨ་ཉིད་འདུས་པས་ནམ་མཁར་གསལ། །ཡ~ཾ་ལས་རླུང་གི་དཀྱིལ་འཁོར་བསྐྱེད། །བ~ཾ་ལས་བདུད་རྩིའི་རྒྱ་མཚོར་བསྐྱེད། །སུ་ལས་གསེར་གྱི་བྲིས་མར་བསྐྱེད། །བྲུ~ཾ་ལས་རི་རབ་གཞལ་མེད་ཁང་། །དབྱིབས་དང་ཁ་དོག་ཚད་དཔག
297b4 མེད། །འཁོར་ལོའི་གདན་དང་རོལ་མོའི་ཚོགས། །རང་བཞིན་ཀུན་རྫོབ་ཅི་འདྲ་བའོ། །དེ་རུ་ལྷ་ཚོགས་བསྐྱེད་པ་ནི། །བརྟན་འབྱུང་མཁའ་ཡི་ཡི་གེ་ཨ། །འཕེལ་འགྲིབ་མེད་པར་གནས་པ་སྟེ། །གཉིས་མེད་དགྱེས་པའི་འཕྲོ
297b5 འདུ་ལ། །བཞི་བཅུ་རྩ་གཉིས་འོད་དུ་ཤར། །ཀ་ཁ་ག་གྷ་ང་། །ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ཝ་ར་ལ། ཤ་ཥ་ས་ཧ། ཀྵ། ཨི་ཨཱི་ཨུ་ཨཱུ་ཨེ་ཨཻ་ཨོ་ཨཽ། །གསུང་གི་དཀྱིལ་འཁོར་བཞི་བཅུ་གཉིས། །
297b6 སྤྲོ་བསྡུ་གསལ་བར་གྱུར་པ་ལས། །ཐུགས་མཚན་བཞི་བཅུ་རྩ་གཉིས་འབར། །དེ་ལས་མངོན་རྫོགས་སྐུར་གསལ་བ། །ཐ་ལ་སོགས་པའི་ཡིག་འབྲུ་ལྔ། །ཕུང་པོ་ལྔ་ཡི་ས་བོན་ཡིན། །ཐ་ལ་སོགས་པ་འབྱུང་བ་ལྔ། །བསྐྱེད
297b7 པའི་ས་བོན་ཡིན་པར་གྲགས། །ཀ་ལ་སོགས་པའི་ཡིག་འབྲུ་ལྔ། །རྣམ་ཤེས་ལྔ་ཡི་ས་བོན་ཡིན། །ཙ་ལ་སོགས་པའི་ཡིག་འབྲུ་ལྔ། །མིག་གི་ཁམས་ལ་སོགས་པ་ལྔ། །པ་ལ་སོགས་པའི་འབྱུང་བ་ལྔ། །གཟུགས
297b8 སོགས་སྐྱེ་མཆེད་རྣམ་ལྔའི་ཡིན། །ཡ་ལ་སོགས་པའི་ཡིག་འབྲུ་བཞི། །དུས་བཞིའི་ས་བོན་རབ་ཏུ་གྲགས། །ཤ་ལ་སོགས་པའི་ཡིག་འབྲུ་བཞི། །ཕྱིན་ཅི་མ་ལོག་དུས་བཞིར་བཤད། །ི་ལ་སོགས་པའི་ཡིག་འབྲུ་དྲུག་།
iiif viewer powered by OpenSeadragon
