| e-texts navigator |
| Wylie |
295b1 བླ་རེ་རྒྱལ་མཚན་ན་བཟའ་གདུགས། །དར་དང་བ་ར་མུ་ཏིག་ཕྲེང་། །དྲིལ་བུ་དང་ནི་རྔ་ཡབ་སོགས། །རོལ་མོའི་ཆ་བྱད་སྣ་ཚོགས་བརྒྱན། །འཇིག་རྟེན་ལྷ་ཚོགས་མཛེས་པ་དང་། །དེ་ལ་སོགས་ཏེ་རྒྱན་རྣམས་ཀྱང་། །བསམ
295b2 གྱིས་མི་ཁྱབ་མཐའ་ཡས་མཆོག་། གཞལ་ཡས་དེ་ཡི་སྒོ་བཞི་ན། །གླང་སེང་རྣམས་ཀྱིས་མཛེས་པར་བྱས། །རྟ་བབས་རྣམས་ཀྱི་ཙོང་ཙོང་དང་། །གསེར་གྱི་དྲིལ་བུ་འབར་བ་དག་།དཀོན་མཆོག་གསུམ་གྱི་མཚན་ཡང
295b3 སྒྲོགས། །སྒོ་དྲུང་དེ་དག་རེ་རེ་ན། །ཏ་ལའི་སྐྱེད་ཤིང་ཙོང་ཙོང་འཁྲིལ། །དྲི་དང་གཟུགས་དང་འོད་དུ་ལྡན། །ཏ་ལའི་སྐྱེད་ཤིང་དེ་དག་ལ། །ཁུ་བྱུག་ལ་སོགས་བཀྲ་ཤིས་པའི། །བྱ་རྣམས་སྙན་པ་སྐད་ཀྱང་འབྱིན། །སྒོ་དྲུང
295b4 དེ་དག་རེ་རེ་ན། །ཁྲུས་ཀྱི་རྫིང་བུ་དབྱིབས་ལེགས་པ། །དྲོ་མཆོག་ཡན་ལག་ལྡན་པའི་ཆུ། །གྲངས་མེད་དེ་དག་རེ་རེ་ན། །ལྷ་དང་ལྷ་མོ་བསམ་མི་ཁྱབ། །ཕྱི་རོལ་ཁོ་ར་ཁོར་ཡུག་ན། །རྩེ་ས་འཆག་ས་བརྗོད་མི་ལང་། །དེ་ལ་སོགས
295b5 པ་བསམ་ཡས་མཆོག་། མ་བཙལ་ཡེ་ནས་ལྷུན་གྱིས་གྲུབ། །ལྷ་མཆོག་རྣམས་ཀྱི་བསོད་ནམས་ཀྱིས། །རྒྱུ་ལས་གྲུབ་པར་རྒྱལ་བས་གསུངས། །ཕོ་བྲང་དེ་ན་གནས་པ་ཡི། །ཡེ་ཤེས་ལྷ་ཚོགས་མང་པོ་རྣམས། །གཙོ་གཟུངས
295b6 ཟུང་དུ་འཁྲིལ་བ་སྟེ། །དབུས་ཀྱི་ཕོ་བྲང་སྙིང་པོ་ལ། །རྣམ་པར་སྣང་མཛད་སྙིང་པོ་ཆེ། །འཛམ་བུ་ན་ཏའི་གསེར་འོད་འདྲ། །རང་རྟགས་ལག་ན་འཁོར་ལོ་བསྣམས། །དཔའ་བོ་དེ་ཡི་སྤྱན་སྔ་ན། །རྡོ་རྗེ་སེམས་དཔའི་རྒྱ་ཆེན་ཡང་། །
295b7 དུང་དང་ཤེལ་གྱི་ཁ་དོག་འདྲ། །རང་རྟགས་ལག་ན་རྡོ་རྗེ་འཛིན། །གཡས་སུ་རིན་ཆེན་འབྱུང་ལྡན་ཏེ། །བཻ་དཱུརྱ་ཡི་ཁ་དོག་འདྲ། །རང་རྟགས་རིན་ཆེན་ཟུང་བརྒྱད་འཛིན། །རྒྱབ་སྣ་སྣང་བ་མཐའ་ཡས་གཙོ། །པད་མ་རཱ་གའི
295b8 མདོག་འདྲ་ཞིང་། །རང་རྟགས་པད་མ་དམར་པོ་འཛིན། །གཡོན་དུ་དོན་ཡོད་གྲུབ་པ་སྟེ། །ིན་ཏྲ་ནཱི་ལ་ལྗང་ཁུའི་མདོག་།རང་རྟགས་ཕྱག་ན་རལ་གྲི་འཛིན། །ཀུན་ཀྱང་ཞི་བའི་ཆ་ལུགས་ཏེ། །ཐོར་ཚུགས་རིགས་ལྔ་དབུ་ལ
iiif viewer powered by OpenSeadragon
