| e-texts navigator |
| Wylie |
295a1 ཀུན་ཏུ་བཟང་པོའི་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་གྱི། །འདུས་བྱས་མ་བྱས་ཆོས་རྣམས་ཀུན། །ཆོས་ཀྱི་སྐྱེད་བྱེད་ཡིན་པར་གྲགས། །རྣམ་པར་ཤེས་པའི་ཡུལ་ཡིན་པས། །ཀུན་ཏུ་བཟང་མོའི་རང་བཞིན
295a2 ཡིན། །དེ་ལ་སོགས་ཏེ་མཐའ་ཡས་མཆོག་།ཆོས་དབྱིངས་མཉམ་དང་མི་མཉམ་པ། །ནམ་མཁའི་ཁམས་ཀྱི་མཐའ་ཀླས་པ། །ཇི་སྙེད་རྣམ་གྲངས་ཡོད་པའི་ཆོས། །ཀུན་ཀྱང་ཕྱག་རྒྱའི་རང་བཞིན་པས། །རང་བཞིན་དཀྱིལ
295a3 འཁོར་ཆེན་པོ་ཡི། །རྣམ་གྲངས་ཡིན་པར་རྒྱལ་བས་གསུངས། །ཤེས་ཆེད་དུ་བརྗོད་པ་གསུངས་སོ། །དེ་ནས་ཡང་བཅོམ་ལྡན་འདས་གསང་བ་མཆོག་གི་བདག་པོ་དེས་རང་བཞིན་ཀུན་རྫོབ་ཀྱི་དཀྱིལ་འཁོར་འདི་གསུངས
295a4 སོ། །ཀུན་རྫོབ་མཚན་མའི་གནས་ཆེན་ཀྱང་། །འོག་མིན་བླ་མིན་གནས་མཆོག་གམ། །ལྕང་ལོ་ཅན་ནམ་བདེ་བ་ཅན། །པད་མ་ཅན་ལ་སོགས་པ་ཡི། །རང་བཞིན་ལྷུན་གྲུབ་དཀྱིལ་འཁོར་དེ། །མཚན་མའི་རྣལ་འབྱོར་ངོ་ལ་སྣང་། །
295a5 དེ་ཡང་ཇི་ལྟ་བུ་ཞེ་ན། །མཁའ་འམ་ཡིད་ཀྱི་ནམ་མཁའ་ལ། །འབྱུང་ཆེན་བརྩེགས་པའི་ལྷུན་གྱིས་གྲུབ། །དེ་སྟེང་རིན་ཆེན་སྣ་བཞི་ལས། །ལྷུན་གྱིས་གྲུབ་པ་ཚད་དཔག་མེད། །དེ་ལ་བརྟེན་པའི་ས་གཞི་ནི། །རིན་ཆེན་སྣ
295a6 ཚོགས་གཅལ་དུ་བཀྲམ། །མནན་ནེམ་བཏེག་འཕར་མཛེས་པའི་གཞི། །དེ་ལ་ཕོ་བྲང་གཞལ་མེད་ཁང་། །གྲུ་བཞི་ལྷམ་པ་མཛེས་པར་སྣང་། །རིན་ཆེན་སྣ་བཞིའི་རྒྱུ་ལས་གྲུབ། །གློ་འབུར་བཞི་ཡང་མཁར་ཐབས་ཚུལ། །བུམ
295a7 པའི་རྩེ་མོ་ཆོས་ཀྱི་ཏོག་། རྨ་བྱའི་མདོངས་དང་ལྡན་པའོ། །སྒོ་བཞི་སྒོ་ཁྱུད་བཞི་དང་ལྡན། །རྟ་བབས་བརྒྱད་དང་ཡང་དག་ལྡན། །དབུས་ན་འཁོར་ལོ་རྩིབས་བཞི་པ། །ལྟེ་བར་བཅས་ཤིང་རྩིབས་རྟེན་ལྡན། །གྲུ་ཆད་པར་ཁྱམས
295a8 མཛེས་པར་ལྡན། །རིན་ཆེན་འོད་ཟེར་འབར་བས་འཁྲིགས། །སེམས་ཅན་པད་མ་ཉི་ཟླ་དང་། །རིན་ཆེན་འབར་བའི་གདན་མཆོག་ལྡན། །རིན་ཆེན་ཁྲི་རྐང་རྣམ་རྟེན་ལྡན། །ཕོ་བྲང་དེ་ཡི་གདན་མཆོག་ཀྱང་། །ཉི་ཟླ་ནོར་བུ་རིན་ཆེན་འབར། །
iiif viewer powered by OpenSeadragon
