| e-texts navigator |
| Wylie |
294b1 བའི་བདག་ཉིད་དེ། །ལུས་ཀྱི་ཁམས་ཤེས་བྱ་བར་གྲགས། །རེག་བྱེད་བྱ་བ་བྱེད་པས་ན། །གཤིན་རྗེ་འཇོམས་པའི་རང་བཞིན་ནོ། །སྣོད་བཅུད་འགྲོ་བ་ཐམས་ཅད་ཀྱི། །རེག་བྱ་ཀུན་ལ་སྤྱོད་པ་ཀུན། །ལུས་ཀྱི་རྣམ་ཤེས་ཞེས་སུ་གྲགས། །
294b2 རེག་པའི་ཡེ་ཤེས་ཡིན་པའི་ཕྱིར། །རྣམ་པར་རྒྱལ་བའི་རང་བཞིན་ཡིན། །སྲིད་གསུམ་སེམས་ཅན་ཐམས་ཅད་ཀྱི། །བྱུང་དང་འབྱུང་འགྱུར་རེག་བྱ་རྣམས། །རེག་བྱའི་སྐྱེ་མཆེད་ཉིད་དུ་གྲགས། །རེག་པར་བྱ་བའི་ཡུལ་ཡིན་པས། །
294b3 རྟ་མཆོག་དཔལ་གྱི་རང་བཞིན་ནོ། །སྲིད་གསུམ་སེམས་ཅན་ཐམས་ཅད་ཀྱི། །ཚོགས་དྲུག་འགགས་པའི་དེ་མ་ཐག་།གོ་འབྱེད་གསལ་བའི་བདག་ཉིད་དེ། །ཡིད་ཀྱི་ཁམས་ཞེས་བྱ་བར་གྲགས། །དེས་སྤྱོད་བྱ་བ་བྱེད
294b4 པའི་ཕྱིར། །བདུད་རྩི་འཁྱིལ་པའི་རང་བཞིན་ཡིན། །ཞེས་གསུངས་སོ། །དེ་ལ་འདི་ནི་ཕྱིན་ཅི་མ་ལོག་པ་བཞི་ལྷ་མོ་བཞིའི་རང་བཞིན་དུ་གསུངས་པ། སྣོད་བཅུད་འགྲོ་བ་ཐམས་ཅད་ཀྱི། །འཇིག་དང་སྐད་ཅིག་མི་རྟག་པ། །
294b5 རྟག་པར་མ་ཡིན་ཞེས་སུ་གྲགས། །སྒྱུ་མ་ལྟ་བུ་ཡིན་པའི་ཕྱིར། །ལྕགས་ཀྱུ་མ་ཡི་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །ཀུན་རྟོག་གཞན་དབང་མེད་མིན་པ། །ཆད་པར་མ་ཡིན་ཞེས་སུ་གྲགས། །རྨི
294b6 ལམ་ལྟ་བུར་སེམས་སྣང་ཕྱིར། །ཞགས་པ་མ་ཡི་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །གཟུང་འཛིན་དངོས་པོར་མ་གྲུབ་པ། །མཚན་མར་མ་ཡིན་ཞེས་སུ་གྲགས། །སྨིག་རྒྱུ་ལྟ་བུར་སེམས་སྣང་ཕྱིར། །ལྕགས
294b7 སྒྲོག་མ་ཡི་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །སྐྱེས་བུ་བྱེད་པ་མ་གྲུབ་པ། །བདག་ཏུ་མ་ཡིན་ཞེས་སུ་གྲགས། །སྒྲ་བརྙན་ལྟ་བུའི་སེམས་སྣང་ཕྱིར། །དྲིལ་བུ་མ་ཡི་རང་བཞིན་ཡིན། །ཞེས་གསུངས་སོ། །
294b8 དེ་ལ་འདི་ནི་ཡིད་དང་ཆོས་གཙོ་གཟུངས་གཉིས་ཀྱི་རང་བཞིན་དུ་བསྟན་ཏེ། སྲིད་གསུམ་སེམས་ཅན་ཐམས་ཅད་ཀྱི། །ཆོས་རྣམས་ཀུན་ལ་ངེས་སྤྱོད་པའི། །ཡིད་ཀྱི་རྣམ་ཤེས་ཞེས་སུ་གྲགས། །རྟོག་པའི་ཡེ་ཤེས་ཡིན་པའི་ཕྱིར། །
iiif viewer powered by OpenSeadragon
