| e-texts navigator |
| Wylie |
294a1 དབང་པོ་བཞི་བྱང་ཆུབ་སེམས་དཔའ་བཞིའི་རང་བཞིན་དུ་གསུངས་པ། སྲིད་གསུམ་སེམས་ཅན་ཐམས་ཅད་ཀྱི། །མཐོང་བྱེད་དང་བའི་བདག་ཉིད་དེ། །མིག་གི་ཁམས་ཞེས་བྱ་བར་གྲགས། །མཐོང་པའི་བྱ་བ
294a2 བྱེད་པའི་ཕྱིར། །བྱམས་པ་མཻ་ཏྲི་རང་བཞིན་ཡིན། །སྲིད་གསུམ་སེམས་ཅན་ཐམས་ཅད་ཀྱི། །ཐོས་པར་བྱེད་པའི་བདག་ཉིད་དེ། །རྣ་བའི་ཁམས་ཞེས་བྱ་བར་གྲགས། །ཐོས་པའི་བྱ་བ་བྱེད་པའི་ཕྱིར། །སྒྲིབ་པ་ཀུན་སེལ་རང་བཞིན
294a3 ཡིན། །སྲིད་གསུམ་སེམས་ཅན་ཐམས་ཅད་ཀྱི། །མནོམ་བྱེད་དང་བའི་བདག་ཉིད་དེ། །སྣའི་ཁམས་ཞེས་བྱ་བར་གྲགས། །ཚོར་བར་བྱ་བ་བྱེད་པའི་ཕྱིར། །འཇམ་དཔལ་ཉིད་ཀྱི་རང་བཞིན་ཡིན། །སྲིད་གསུམ་སེམས་ཅན་ཐམས་ཅད་ཀྱི། །
294a4 མྱོང་བྱེད་དག་པའི་བདག་ཉིད་དེ། །ལྕེ་ཡི་ཁམས་ཞེས་བྱ་བར་གྲགས། །མྱོང་བའི་བྱ་བ་བྱེད་པའི་ཕྱིར། །ཀུན་ཏུ་བཟང་པོའི་རང་བཞིན་ཡིན། །ཞེས་གསུངས་སོ། །དེ་ལ་དུས་བཞི་མཆོད་པའི་ལྷ་མོ་བཞིའི་རང་བཞིན་དུ་གསུངས
294a5 པ། སྣོད་བཅུད་འགྲོ་བ་ཐམས་ཅད་ཀྱི། །རྒྱུ་འབྲས་ཀུན་ཏུ་རྣམ་པར་སྤྱད། །སྔོན་འདས་དུས་སུ་རྣམ་པར་གྲགས། །སྔོན་འདས་དཔྱིད་ཀྱི་རང་བཞིན་ཡིན། །སྤོས་མེའི་རང་བཞིན་ཉིད་ཡིན་ནོ། །སྣོད་བཅུད་འགྲོ་བ་ཐམས་ཅད་ཀྱི། །རྒྱུ་སྤྱད
294a6 འབྲས་བུ་མ་སྤྱད་ཀུན། །ད་ལྟར་དབྱར་གྱི་རང་བཞིན་ཡིན། །མེ་ཏོག་ཉིད་ཀྱི་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །རྒྱུ་འབྲས་ཡོངས་ཀྱིས་མ་སྤྱད་པ། །མ་འོངས་དུས་སུ་རྣམ་པར་གྲགས། །འོང་མ་རག་སྟོན་རང
294a7 བཞིན་ནི། །ཱ་ལོ་ཀེ་ཡི་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །རྒྱུ་འབྲས་ངེས་པར་མ་ཚོགས་པ། །འབྱུང་བར་མ་ངེས་དུས་ཤེས་གྲགས། །མ་འོངས་དགུན་གྱི་རང་བཞིན་ནི། །གན་དྷེའི་རང་བཞིན་ཡིན་པར་ངེས། །
294a8 ཤེས་གསུངས་སོ། །དེ་ལ་འདི་ནི་ལུས་ཀྱི་དབང་པོ་དང་། །རྣམ་པར་ཤེས་པ་དང་། ཡང་དེའི་ཡུལ་དང་དེ་ལས་བྱུང་བའི་བྱང་ཆུབ་སེམས་ཁྲོ་བོ་བཞིའི་རང་བཞིན་དུ་གསུངས་པ། སྲིད་གསུམ་སེམས་ཅན་ཐམས་ཅད་ཀྱི། །རེག་བྱེད་དང
iiif viewer powered by OpenSeadragon
