| e-texts navigator |
| Wylie |
293b1 བསྐྱོད་རང་བཞིན་བས། །ལས་ཀྱི་དབྱིངས་ཕྱུག་རང་བཞིན་ཡིན། །ཞེས་གསུངས་སོ། །དེ་ལ་འདི་ནི་རྣམ་པར་ཤེས་པ་བཞི་བྱང་ཆུབ་སེམས་དཔའ་བཞིའི་རང་བཞིན་དུ་གསུངས་པ། སྲིད་གསུམ་སེམས་ཅན་ཐམས་ཅད་ཀྱི། །ཁ་དོག
293b2 དབྱིབས་ལ་སྤྱོད་པ་ཀུན། །མིག་གི་རྣམ་ཤེས་ཞེས་སུ་གྲགས། །མཐོང་བའི་ཡེ་ཤེས་ཡིན་པའི་ཕྱིར། །ས་ཡི་སྙིང་པོའི་རང་བཞིན་ཡིན། །སྲིད་གསུམ་སེམས་ཅན་ཐམས་ཅད་ཀྱི། །སྒྲ་རྣམས་ཀུན་ལ་སྤྱོད་པ་ཀུན། །རྣ་བའི་རྣམ
293b3 ཤེས་ཞེས་སུ་གྲགས། །ཐོས་པའི་ཡེ་ཤེས་ཡིན་པས་ན། །ལག་ན་རྡོ་རྗེའི་རང་བཞིན་ཡིན། །སྲིད་གསུམ་སེམས་ཅན་ཐམས་ཅད་ཀྱི། །དྲི་རྣམས་ཀུན་ལ་སྤྱོད་པ་ཀུན། །སྣ་ཡི་རྣམ་ཤེས་ཞེས་སུ་གྲགས། །ཚོར་བའི་ཡེ་ཤེས་ཡིན་པས
293b4 ན། །ནམ་མཁའི་སྙིང་པོའི་རང་བཞིན་ཡིན། །སྲིད་གསུམ་སེམས་ཅན་ཐམས་ཅད་ཀྱི། །རོ་རྣམས་ཀུན་ལ་སྤྱོད་པ་ཀུན། །ལྕེ་ཡི་རྣམ་ཤེས་ཞེས་སུ་གྲགས། །མྱོང་བའི་ཡེ་ཤེས་ཡིན་པའི་ཕྱིར། །སྤྱན་རས་གཟིགས་ཀྱི་རང་བཞིན་ཡིན། །
293b5 ཞེས་གསུངས་སོ། །དེ་ལ་ཡུལ་བཞི་བྱང་ཆུབ་སེམས་མ་བཞིའི་རང་བཞིན་དུ་གསུངས་པ། །སྣོད་བཅུད་འགྲོ་བ་ཐམས་ཅད་ཀྱི། །ཁ་དོག་དབྱིབས་དང་མཚན་མ་ཀུན། །གཟུགས་ཀྱི་སྐྱེ་མཆེད་ཉིད་དུ་གྲགས། །མཐོང
293b6 བར་བྱ་བའི་ཡུལ་ཡིན་པས། །གཟུགས་མཛེས་ལཱ་སྱཻའི་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །ཟིན་དང་མ་ཟིན་གཉིས་ག་ལས། །བྱུང་བའི་སྒྲ་ཡི་ཁམས་སུ་གྲགས། །ཐོས་པར་བྱ་བའི་ཡུལ་ཡིན་པས། །
293b7 ནརྀར་ཏྱ་མ་ཡི་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །ལྷན་ཅིག་སྐྱེས་དང་སྦྱར་དང་གྱུར། །ཞིམ་དང་ང་དང་དེ་བཞིན་གཞན། །དྲི་ཡི་ཁམས་དང་སྐྱེ་མཆེད་དེ། །མནམ་པར་བྱ་བའི་ཡུལ་ཡིན་པས། །མཱ་ལཻ་ཉིད་ཀྱི
293b8 རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །ཁ་མངར་ལ་སོགས་རོ་རྣམས་ཀུན། །རོ་ཡི་སྐྱེ་མཆེད་ཉིད་དུ་གྲགས། །མྱང་བར་བྱ་བའི་ཡུལ་ཡིན་པས། །གཱིར་ཏི་ཉིད་ཀྱི་རང་བཞིན་ཡིན། །ཞེས་གསུངས་སོ། །དེ་ལ་འདི་ནི
iiif viewer powered by OpenSeadragon
