| e-texts navigator |
| Wylie |
293a1 ཀུན། །མ་འདྲེས་དབྱིངས་ལ་སྣང་བས་ན། །ཤེས་རབ་རླབས་ཀྱི་འདོད་ཆགས་པས། །སྣང་བ་མཐའ་ཡས་རང་བཞིན་ནོ། །སྲིད་གསུམ་སེམས་ཅན་ཐམས་ཅད་ཀྱི། །དགེ་དང་མི་དགེ་གཉིས་ག་མིན། །སེམས་ལས་བྱུང
293a2 དང་མ་བྱུང་བའི། །འདུ་བྱེད་ཕུང་པོ་ཐམས་ཅད་ཀུན། །སྤྲོ་བསྡུ་དབྱིངས་ལས་བྱུང་བས་ན། །རྣམ་པར་གྲོལ་བའི་ཕྲག་དོག་པས། །དོན་ཡོད་གྲུབ་པའི་རང་བཞིན་ཡིན། །སྲིད་གསུམ་སེམས་ཅན་ཐམས་ཅད་ཀྱི། །རྣམ་སྨིན་རང་སེམས
293a3 རྣམ་རིག་པའི། །ཤེས་བརྒྱད་རྣམ་ཤེས་ཕུང་པོ་ཀུན། །རིག་པའི་དབྱིངས་ལ་ཤར་བས་ན། །ཞེ་སྡང་ཆེན་པོའི་ཡེ་ཤེས་པས། །རྡོ་རྗེ་སེམས་དཔའི་རང་བཞིན་ཡིན་ཞེས་གསུངས་སོ། །དེ་ལ་འདི་ནི་ཆེན་པོ་ལྔ་དབྱིངས་ཕྱུག་ལྔའི་རང
293a4 བཞིན་དུ་གསུངས་པ། །སྣོད་བཅུད་འགྲོ་བ་ཐམས་ཅད་ཀྱི། །གསལ་སྟོང་མི་སྒྲིབ་གོ་འབྱེད་པའི། །སྣང་སྟོང་ནམ་མཁའི་ཁམས་རྣམས་ཀུན། །སྟོང་ཉིད་དབྱིངས་ལ་ཤར་བས་ན། །ཐམས་ཅད་གནས་པའི་ཀློང་ཡིན་པས། །
293a5 བདེ་གཤེགས་དབྱིངས་ཕྱུག་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །སྲ་བརྟན་སྐྱེད་སྐྲུན་རྟེན་རྣམས་ཀུན། །ས་ཡི་ཁམས་སུ་གྲགས་པ་རྣམས། །མི་འགྱུར་དབྱིངས་ལ་ཤར་བས་ན། །ཐམས་ཅད་སྐྱེད་པའི
293a6 རྟེན་ཡིན་པས། །རྡོ་རྗེ་དབྱིངས་ཕྱུག་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །གྱེས་སྡུད་གཤེར་བའི་མཚན་ཉིད་ཀུན། །ཆུ་ཡི་ཁམས་སུ་གྲགས་པ་སྟེ། །ཀུན་སྡུད་དབྱིངས་སུ་ཤར་བས་ན། །ཡོན་ཏན་ཚོགས་ཆེན་ཀུན་སྡུད
293a7 པས། །རིན་ཆེན་དབྱིངས་ཕྱུག་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །གསལ་དྲོའི་ངོ་བོ་ཐམས་ཅད་ཀུན། །མེ་ཡི་ཁམས་སུ་གྲགས་པ་རྣམས། །སྣང་གསལ་དབྱིངས་ལ་ཤར་བས་ན། །གསལ་དྲོ་སྲེག་པའི
293a8 རང་བཞིན་པས། །པད་མའི་དབྱིངས་ཕྱུག་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །ཡང་གཡོ་འདེགས་བསྐྱོད་ཐམས་ཅད་ཀུན། །རླུང་གི་ཁམས་སུ་གྲགས་པ་སྟེ། །བསྐྱོད་ཆེན་དབྱིངས་ལ་ཤར་བས་ན། །ཐོགས་མེད་ཤུགས
iiif viewer powered by OpenSeadragon
