| e-texts navigator |
| Wylie |
291a1 སེམས་གདོད་ནས་མ་སྐྱེས་པ། །སྟོང་པ་ཉིད་ཀྱི་རང་བཞིན་ནོ་ཞེས་གསུངས་སོ། །དེ་ནས་ཡང་ཆོས་ཀྱི་དབྱིངས་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ། །
291a2 ཨེ་མའོ་ངོ་མཚར་ཡ་མཚན་གྱི། །སངས་རྒྱས་ཀུན་གྱི་གསང་བའི་ཐུགས། །ཆོས་ཀུན་སྐྱེ་བ་མེད་པ་ལས། །སྐྱེ་བ་འདི་ནི་རབ་གྲགས་པ། །སྐྱེ་དང་མི་སྐྱེ་གཉིས་མེད་པ། །བྱང་ཆུབ་སེམས་འདི་བསྟན་པའོ་ཞེས་གསུངས་སོ། །དེ་ནས
291a3 ཡང་མེ་ལོང་ལྟ་བུ་གསལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ། །ེ་མའོ་ངོ་མཚར་ཡ་མཚན་གྱིས། །སངས་རྒྱས་ཀུན་གྱི་གསང་བའི་ཐུགས། །ཆོས་ཀུན་འགག་པ་མེད
291a4 པ་ལས། །འགག་བ་འདི་ནི་རབ་ཏུ་བསྒྲགས། །འགག་དང་མི་འགག་མེད་པ་སྟེ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་ཡང་ཆོས་ཐམས་ཅད་མཉམ་པ་ཉིད་ཅེས་བྱ་བའི་ཏིང་ངེ་འཛིན་ལ་སྙོམས་པར
291a5 ཞུགས་ནས་བྱང་ཆུབ་ཀྱི་སེམས་འདི་གསུངས་སོ། །ེ་མའོ་ངོ་མཚར་ཡ་མཚན་གྱི། །སངས་རྒྱས་ཀུན་གྱི་གསང་བའི་ཐུགས། །ཆོས་ཀུན་གནས་པ་མེད་པ་ལས། །གནས་པ་འདི་ནི་རབ་ཏུ་བསྒྲགས། །གནས་དང་མི
291a6 གནས་མེད་པ་སྟེ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་ཡང་ཆོས་ཐམས་ཅད་སོ་སོ་ཀུན་ཏུ་རྟོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ། །ེ
291a7 མའོ་ངོ་མཚར་ཡ་མཚན་གྱི། །སངས་རྒྱས་ཀུན་གྱི་གསང་བའི་ཐུགས། །ཆོས་ཀུན་དམིགས་པ་མེད་པ་ལས། །དམིགས་པ་འདི་ནི་རབ་ཏུ་བསྒྲགས། །དམིགས་དང་མི་དམིགས་མེད་པ་སྟེ། །བྱང་ཆུབ་ཚུལ་འདི་བསྟན་པའོ། །ཞེས
291a8 གསུངས་སོ། །དེ་ནས་ཡང་ཆོས་ཐམས་ཅད་བྱ་བ་ལ་ནན་ཏན་དུ་སྒྲུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ། །ེ་མའོ་ངོ་མཚར་ཡ་མཚན་གྱི། །སངས་རྒྱས་ཀུན་གྱི་གསང་བའི
iiif viewer powered by OpenSeadragon
