| e-texts navigator |
| Wylie |
290a1 སྔགས་ཀྱི་སྤྱོད་པ་བསྟན་པའི་ལེའུ་སྟེ་གཉིས་པའོ།། །། དེ་ནས་སྨྲ་བའི་སེང་གེ་བྱེད་པ་པོ་ཀུན་ཏུ་བཟང་པོས་བཅོམ་ལྡན་འདས་གསང་བ་མཆོག་གི་རྒྱལ་པོ་ལ་ལན་བརྒྱ་སྟོང་དུ་བསྐོར་བ་བྱས་ནས་རྨད་དུ་བྱུང་བའི
290a2 མཆོད་པ་རྒྱས་པ་དེ་ཁོ་ན་ཉིད་ཀྱིས་རབ་ཏུ་མཆོད་དེ་ཀུན་ཏུ་རབ་ཏུ་མཆོད་ནས་གཙུག་གི་འདུད་པས་ཕྱག་རྣལ་འབྱོར་གྱི་ལུགས་སུ་བྱས་ཏེ་འདི་སྐད་ཅེས་གསོལ་བ་བཏབ་བོ། །ེ་མའོ་བདེ་བར་གཤེགས་པ་ཀུན་ཏུ་བཟང་། །ེ་མའོ་ཡེ
290a3 ནས་དག་པའི་དོན། །ེ་མའོ་གསང་བ་མཆོག་གི་བདག་།ེ་མའོ་ཡེ་ཤེས་རྔམ་པའི་གློག་།ེ་མའོ་གཉིས་མེད་དགྱེས་ཆེན་པོ། །ེ་མའོ་བདེ་བ་བདེ་ཆེན་མཆོག་།ེ་མའོ་རྣམ་དག་དཔལ་ཁྱོད་ལ། །ེ་མའོ་བདག
290a4 ཅག་གསོལ་བ་འདེབས། །བྱང་ཆུབ་སེམས་འདི་ཇི་ལྟར་སྐྱེད། །དཀྱིལ་འཁོར་རྣམས་ནི་ཇི་ལྟར་ལགས། །ཕྱག་རྒྱ་རྣམས་ཀྱི་མཚན་ཉིད་ཅི། །བསྙེན་སྒྲུབ་རྣམ་བཞི་ཇི་ལྟར་ལགས། །དངོས་གྲུབ་སྒྲུབ་པའི་རྣམ་གྲངས་ཅི། །
290a5 སྔགས་ཀྱི་སྡོམ་པ་ཇི་ལྟར་བསྲུང་། །རྣལ་འབྱོར་བརྟུལ་ཞུགས་ཇི་ལྟར་སྤྱད། །དྲེགས་པའི་ཚོགས་ནི་ཇི་ལྟར་གདུལ། །རྣམ་བཞིའི་ལས་ནི་ཇི་ལྟར་བགྱི། །བརྣག་པའི་ནན་ཏུར་ཇི་ལྟར་བགྱི། །རྣལ་འབྱོར་རྣམས་ལ་བརྩེ་བ་དང་། །
290a6 བདག་ཅག་རྣམས་ལ་སྨན་སླད་དུ། །བཅོམ་ལྡན་སྙིང་པོས་བཤད་དུ་གསོལ། ། ལ་ལ་ཧོ་ཞེས་གསོལ་པ་ལས་བཅོམ་ལྡན་འདས་གསང་བ་མཆོག་གི་བདག་པོས་གསོལ་བ་བཏབ་པ་ཐུགས་སུ་ཆུད་ནས་འདི་སྐད་ཅེས་བཀའ
290a7 སྩལ་ཏོ། །སྨྲ་བའི་སེང་གེ་གསང་སྔགས་མདོའི་དོན་རྣམས་ཕྱི་རབས་ཀྱི་རྣལ་འབྱོར་པ་ལ་ཕན་གདགས་པ་དང་། དད་པ་ཅན་གྱི་འགྲོ་བ་རྣམས་ཡིད་ཆེས་པར་བྱ་བའི་ཕྱིར་ང་ལ་ཞུ་བ་ལེགས་སོ། །སྨྲ་བའི་སེང་གེ་ལེགས་སོ། །
290a8 ཕྱོགས་བཅུ་དུས་བཞིའི་སངས་རྒྱས་སྔར་འདས་པ་རྣམས་ཀྱིས་གསུངས་པ་དང་། ད་ལྟར་བཞུགས་པ་རྣམས་ཀྱིས་གསུངས་པ་དང་། སླད་ཀྱིས་བྱོན་པ་རྣམས་ཀྱིས་གསུང་བར་འགྱུར་བ་རྣམས་ཀྱི་དོན་ཐོག་མར་དགེ་བ། བར་དུ
iiif viewer powered by OpenSeadragon
