| e-texts navigator |
| Wylie |
289b1 ངེ་འཛིན་དང་། ཡོ་བྱད་ལ་བརྟེན་ནས་འབྱུང་ཡང་དམིགས་པ་དང་བྲལ་ལོ། །དྲི་ཟའི་གྲོང་ཁྱེར་ཞེས་བྱ་བའི་མཚན་ཉིད་ནི་བར་སྣང་ན་དྲི་ཟ་གང་ན་གནས་པ་དེར་གྲོང་ཁྱེར་ཡང་དེ་ན་གནས་ཏེ་དེ་བྱུང་མ་ཐག་ཏུ་རྟག་པ་མ་ཡིན་པ་དང་གསང་སྔགས
289b2 ཀྱི་གནས་ཀྱང་རྣལ་འབྱོར་པ་བདག་ཉིད་ཀྱིས་ཀྱང་བསྐྱེད་པར་འབྱུང་ལ། དེ་ཡང་ཐེར་ཟུག་མ་ཡིན་ནོ། །བྲག་ཆ་ཞེས་བྱ་བའི་མཚན་ཉིད་ནི་བྲག་གི་ངོས་ལ་སྒྲ་ཇི་སྐད་རྐྱེན་པ་སྐད་བྲག་ཆ་ལ་ཡང་དེ་བཞིན་དུ་འབྱུང་ངོ་། །འབྱུང་ཡང་སྒྲར
289b3 མི་དམིགས་པ་དེ་བཞིན་དུ་གསང་སྔགས་བཟླས་པའི་སྒྲ་ཡང་བཟླས་པ་ཙམ་ཉིད་ན་སྟོང་པའོ། །ཆུ་ཟླ་ཞེས་བྱ་བའི་མཚན་ཉིད་ནི་ཟླ་བའི་གཟུགས་བརྙན་ཆུའི་ནང་དུ་སྣང་ཡང་ཆུ་ལ་ཟླ་བ་མེད་དོ། །དེ་བཞིན་དུ་ཕྱག་རྒྱའི་དཀྱིལ་འཁོར
289b4 ལ་ཡང་གཟུང་འཛིན་གྱི་རྟོག་པ་མེད་དོ། །ཆུའི་ཆུ་བུར་ཞེས་བྱ་བའི་མཚན་ཉིད་ནི་ཆུའི་རླབས་ཆེན་གཅིག་ལས་ཆུ་བུར་མང་དུ་འབྱུང་ཞིང་སླར་ཡང་འདུ་བ་དེ་བཞིན་དུ་རྣལ་འབྱོར་པའི་ཏིང་ངེ་འཛིན་གྱི་རྣམ་པ་ཡང་གཅིག་ཏུ་མ་ཆད་དོ། །
289b5 མིག་འཁྲུལ་པ་ཞེས་བྱ་བའི་མཚན་ཉིད་ནི་མི་མིག་ནད་ཅན་གྱིས་བར་སྣང་ལ་བལྟས་ན་ཟླ་བ་གཉིས་སུ་སྣང་ཡང་ཟླ་བ་ལ་གཉིས་སུ་གྱུར་པ་མེད་དོ། །དེ་བཞིན་དུ་གསང་སྔགས་ཀྱི་ལྟ་བ་ཡང་འཛིན་རྟོག་གི་ལྟ་བ་ཅིར་རྣམ་པར་རྟོག་པ་རྣམ
289b6 མང་ཡོངས་སུ་གྲུབ་པར་ཡོངས་སུ་མི་ལྟའོ། །མགལ་མེ་བསྐོར་བ་ཞེས་བྱ་བའི་མཚན་ཉིད་ནི་གང་དག་ལག་ན་མགལ་མེ་ཐོགས་ནས་བསྐོར་ན་དབྱིབས་ཀྱི་རྣམ་པ་ཇི་ལྟར་ཡང་སྣང་སྟེ། དེ་ལ་དབྱིབས་མེད་དོ། །དེ་བཞིན་དུ་རྣལ་འབྱོར
289b7 པའི་སེམས་ཀྱི་ཆོ་འཕྲུལ་ཅིར་ཡང་སྣང་ཞིང་འབྱུང་ལ་དངོས་པོར་མ་གྲུབ་པའོ། །སྨྲ་བའི་སེང་གེ་དེ་ལྟར་ན་གསང་སྔགས་ཀྱི་སྤྱོད་པ་ནི་དེ་ལྟར་ཤེས་པར་བྱའོ། །སྨྲ་བའི་སེང་གེ་དེ་ལྟ་བས་ན་རྣལ་འབྱོར་པས་ཡང་དག་པར་ཀུན་རྫོབ་ཀྱི
289b8 བདེན་པ་ལ་བརྟེན་ནས་དོན་དམ་པའི་བདེན་པ་ཁོང་དུ་ཆུད་པར་བྱའོ། །འཕགས་པ་རྒྱུད་གྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་ཏིང་ངེ་འཛིན་གྱི་རིམ་པར་ཕྱེ་བའི་སྒོ་ནས་གླེང་བསླང་བ་དང་།
iiif viewer powered by OpenSeadragon
