| e-texts navigator |
| Wylie |
287b1 དེ་ཉིད་དགོངས་ནས་མ་གསུངས་སོ། །འདུས་པའི་འཁོར་ཚོགས་རྣམས་དེ་བས་ན་མ་སྐྱེས་པའི་སྙིང་པོ་བྱང་ཆུབ་སེམས་ཚིག་ཏུ་སྤྲོས་པ་དང་བྲལ་གྱིས་ཀྱང་ཀུན་རྫོབ་ཀྱི་བདེན་པའི་དབང་དུ་མཚན་མའི་ཚིག་གི
287b2 རྣལ་འབྱོར་པ་རྣམས་ཚིག་གི་ཕྱིར་འབྲང་བའི་ཕྱིར་དོན་རྟོགས་པའི་བཀྲི་བའི་ཕྱིར་རྒྱལ་བ་རྣམས་ཀྱི་ཚིག་གི་སྒོ་ནས་གསུངས་པ་ཡིན་ནོ། །འདུས་པའི་འཁོར་ཚོགས་རྣམས་ཀྱིས་གསོལ་པ། སྨྲ་བའི་སེང་གེ
287b3 ད་ཨེ་ལྟར་ན་བདག་ཅག་དང་མ་འོངས་པའི་རྣལ་འབྱོར་པའི་ཚིག་གིས་རྗེས་སུ་འབྲང་བ་རྣམས་ཀྱི་དོན་དུ་རྡོ་རྗེ་ཚིག་གི་ལམ་དུ་བརྗོད་པས་དོན་གསལ་བར་བྱེད་པ་དེ་སྨྲ་བའི་སེང་གེ་ལས་ཀྱི་བཀའ་བ་ཁྱོད་ཉིད་ཀྱིས་ཞུ་བར
287b4 སྤོབས་ཤིག་། སྨྲ་བའི་སེང་གེ་དབང་བས་ན་བཅོམ་ལྡན་འདས་གསང་བ་མཆོག་གི་བདག་པོ་ལ་ཞུས་ཤིག་དང་། དེ་ནས་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་ཏུ་བཟང་པོས་འདུས་པའི་འཁོར་ཚོགས་རྣམས
287b5 ཀྱི་རྣམ་པར་རྟོག་པ་མཁྱེན་ནས་བཅོམ་ལྡན་འདས་གསང་བ་མཆོག་གི་བདག་པོ་ལ་ལན་སྟོང་དུ་བསྐོར་བ་བྱས་ཏེ་རྨད་དུ་བྱུང་བའི་མཆོད་པ་རྒྱས་པ་དེ་ཁོ་ན་ཉིད་ཀྱིས་མཆོད་ནས་འདི་སྐད་གསོལ་བ་བཏབ་བོ། །
287b6 ཨེ་མ་ཧོ་སྟོན་པའི་ངོ་མཚར་ཁྱོད། །ཕྱོགས་བཅུའི་སངས་རྒྱས་ཐམས་ཅད་ཀྱི། །བྱང་ཆུབ་སེམས་ཀྱི་མཚན་ཉིད་དེ། །ཚིག་ཏུ་བརྗོད་པ་མ་ལགས་ནའང་། །མཚན་མའི་རྗེས་འབྲང་རྣལ་འབྱོར་པ། །
287b7 དོན་ལ་རྩིང་ལ་ཚིག་ལ་ཞིབ། །ཚིག་གིས་བསམས་པ་རངས་བྱའི་ཕྱིར། །སྙིང་པོ་བྱང་ཆུབ་དོན་འདི་ལ། །དཔེས་མཚོན་ཚིག་གི་ལྡེ་མིག་གིས། །གསང་བ་དེ་ཉིད་བཤད་དུ་གསོལ་ཞེས་གསོལ་བ་བཏབ་པ
287b8 ལས་བཅོམ་ལྡན་འདས་གསང་བ་མཆོག་གི་བདག་པོ་སྨྲ་བའི་སེང་གེས་གསོལ་བ་བཏབ་པ་ཡང་མཁྱེན། འདུས་པའི་འཁོར་ཚོགས་རྣམས་ཀྱིས་སེམས་ཀྱི་རྟོག་པ་ཡང་མཁྱེན་བ་དང་ཚིག་གི་རྗེས་སུ་འབྲང་བའི་རྣལ་འབྱོར་ཡང་ཐུགས་སུ་ཆུད་ནས་རྣམ
iiif viewer powered by OpenSeadragon
