| e-texts navigator |
| Wylie |
287a1 ཚོགས་ཀྱིས་སྨྲ་བའི་སེང་གེ་བྱེད་པ་པོ་ཀུན་ཏུ་བཟང་པོ་དེ་ལ་ལུགས་སུ་བཏུད་དེ་བརྐྱང་ཕྱག་བཙལ་ནས་རྨད་དུ་བྱུང་བའི་མཆོད་པ་སྣ་ཚོགས་བྱས་ནས་གསོལ་བ་བཏབ་པ། སྨྲ་བའི་སེང་གེ་བྱེད་པ་པོ
287a2 རྡོ་རྗེ་ཀུན་ཏུ་བཟང་པོ་ཁྱོད་ལ་བདག་ཅག་ཞུ་བར་སྤོབས་ན་གནང་བའི་སྐབས་དབྱེ་བར་གསོལ། སྨྲ་བའི་སེང་གེ་ཀུན་ཏུ་བཟང་པོས་བཀའ་སྩལ་པ། འདུས་པའི་འཁོར་ཚོགས་ཁྱོད་ཅི་དང་ཅི་འདོད་པ་བདག་ལ
287a3 ཞུས་ཤིག་། བདག་གིས་གནང་བའི་སྐབས་དབྱེའོ། །འདུས་པའི་འཁོར་རྣམས་ཀྱིས་གསོལ་པ། སྨྲ་བའི་སེང་གེ་བྱེད་པ་པོ་དང་ཀུན་ཏུ་བཟང་པོ་ཁྱོད་ནི་སངས་རྒྱས་ཐམས་ཅད་ཀྱི་ཡབ་བྱང་ཆུབ་སེམས
287a4 དཔའ་ཐམས་ཅད་ཀྱི་རྗེ་བཙན། རྣལ་འབྱོར་པ་ཐམས་ཅད་ཀྱི་ལྷ་ཕུད། ཆོས་ཐམས་ཅད་ཀྱི་མཛོད་ལགས་ན། །བཅོམ་ལྡན་འདས་གསང་བ་མཆོག་གི་བདག་པོས་བདག་ཅག་འཁོར་གྱི་དཀྱིལ་འཁོར
287a5 འདིར། གསང་བའི་ཚིག་ལམ་གྱིས་སྟོན་པར་མི་སྣང་བའི་རྒྱུ་དང་རྐྱེན་བདག་ཅག་རྣམས་ལ་བསྟན་དུ་གསོལ། སྨྲ་བའི་སེང་གེ་ལེགས་པར་བསྟན་དུ་གསོལ་ཞེས་ཞུས་པ་དང་། སྨྲ་བའི་སེང་གེས་བཀའ
287a6 སྩལ་པ། ཨོཾ་ཨཱཿཧཱུ~ཾ་ཨ་ལ་ལ་ཧོ། །རྒྱལ་བའི་སྲས་པོ་ཅང་མི་གསུང་། །མི་གསུང་བ་ཉིད་རྒྱ་ཆེར་བཤད། །བཤད་དུ་མེད་པའི་དོན་དེ་ནི། །རྒྱལ་བ་རྣམས་ཀྱིས་མ་བཤད་དེ། །དེ་ལྟར་སྟོན་པ་རྒྱལ
287a7 མཆོག་ཀྱང་། །རྣམ་པར་བརྗོད་པར་མི་མཛད་དེ། །བཀའ་མི་སྩལ་པར་དགོངས་པའོ། འདུས་པའི་འཁོར་རྣམས་ཉོན་ཅིག་།དེ་བས་ན་གསང་བ་དོན་དམ་པའི་བྱང་ཆུབ་ཀྱི་སྙིང་པོ་དེ་སྨྲ་བསམ་ལས
287a8 འདས་ཤིང་བརྗོད་དུ་མེད་པས་དེ་ལ་ཚིག་ཏུ་སྨྲ་བ་ལེགས་པ་མ་ཡིན་ཏེ། ཚིག་ཏུ་སྨོས་པའི་དུས་ཉིད་ན་གོལ་བ་ཡིན་པར་ཕྱོགས་བཅུ་དུས་བཞིའི་རྒྱལ་བ་རྣམས་ཀྱིས་ཀྱང་བཤད་དེ། ད་ལྟར་སྟོན་པ་ཉིད་ཀྱང་དོན
iiif viewer powered by OpenSeadragon
