| e-texts navigator |
| Wylie |
286b1 བར་བྱིན་གྱིས་བརླབ་པའི་ཕྱིར་ལས་ཀྱི་འཁོར་ལོ་དང་ཆོས་ཀྱི་འཁོར་ལོ་རྣམ་པ་བཅུ་གཉིས་ཀྱི་ཚུལ་དུ་བསྐོར་ཏེ་ཆོ་འཕྲུལ་འདི་དག་རྣམ་པར་བསྟན་ཏེ། ཞིང་ཁམས་མཐའ་དག་ཀྱང་གཡོས། རབ་ཏུ་གཡོས། འགུལ།
286b2 རབ་ཏུ་འགུལ། ལྡེག་རབ་ཏུ་ལྡེག་།འཁྲུགས། རབ་ཏུ་འཁྲུགས། ཡན་མན་དང་སྣརེལ་གཞིའི་ཞིང་ཁམས་མཐའ་དག་ཀྱང་ལིང་ལོང་ཕྱད་པར་གྱུར་ཏོ། །དེ་ནས་བྱང་ཆུབ་སེམས་ཀྱི་མཚན་མས་འདུས་པའི་འཁོར་རྣམས
286b3 ཀྱི་གནས་ལྔར་རེག་པར་བྱས་སོ། །ཧཱུ~ཾ་བཛྲ་ས་མ་ཡ། གུ་ཧྱ་ས་མ་ཡ་ཀྲོ་དྷ་ས་མ་ཡ། རྡོ་རྗེ་འདུ་བར་འདུས་པ་ཡི། །འདུས་པ་ཆེན་པོའི་རིག་འཛིན་རྣམས། །གོང་འོག་རིམ་པ་ཇི་བཞིན་དུ། །རྡོ་རྗེ་གསང་བའི
286b4 གྲལ་དུ་གནོས། །སྐལ་བཟང་དམ་ཚིག་ཆེན་པོ་སྟེ། །དེ་ལས་འདས་ན་བརླག་པར་འགྱུར། ཞེས་བསྒོ་བས་འདུས་པའི་འཁོར་ཚོགས་རྣམས་རང་རང་གི་སེམས་རངས་པར་བྱས་ཏེ་དམ་ཚིག་ཐོབ་ནས་རྡོ་རྗེ་གསང
286b5 བའི་གྲལ་དུ་འཁོད་རྣམ་པར་འཁོད་དོ། །དེ་ནས་བྱེད་པ་པོ་ཀུན་ཏུ་བཟང་པོ་ལས་ཀྱི་བཀའ་བ་དེས་བཅོམ་ལྡན་འདས་གསང་བ་མཆོག་གི་བདག་པོ་ལ་གཙུག་གི་འདུད་ཕྱག་རྣལ་འབྱོར་གྱི་ལུགས་སུ་བྱས་ཏེ་ཕྱི་དང་།
286b6 ནང་དང་། གསང་བ་མཆོད་པ་དེ་ཁོ་ན་ཉིད་ཀྱིས་མཆོད་དེ་གསོལ་བ་བཏབ་པོ། །འདི་ལྟར་རྨད་བྱུང་ངོ་མཚར་ཁྱོད། །སངས་རྒྱས་ཡབ་གྱུར་རྒྱལ་བའི་སྲས། །ཡ་མཚན་ཆེན་པོ་སྟོན་པར་སྤྱོད། །བཀའ
286b7 ཡི་འཁོར་ལོ་དམ་པ་དེ། །སྨྲ་བརྗོད་ཡུལ་ལས་རབ་འདས་ཀྱང་། །ངག་གི་ལམ་ནས་རབ་བརྗོད་ཅིང་། །དཔེས་མཚོན་ཚིག་གི་ལྡེ་མིག་གིས། །གསལ་བར་མཚོན་ཏེ་གོ་བར་མཛོད། ། ལ་ལ་ཧོ་ཞེས་གསོལ
286b8 བ་བཏབ་བོ། །དེ་ནས་གསང་བ་མཆོག་གི་བདག་པོ་དེས་གསོལ་བ་བཏབ་པར་མཁྱེན་ནས་བརྗོད་དུ་མེད་པའི་ཏིང་ངེ་འཛིན་ལ་སྙོམས་པར་ཞུགས་ནས་ཅང་མི་གསུང་བར་བཞུགས་སོ། །དེ་ནས་འདུས་པའི་འཁོར
iiif viewer powered by OpenSeadragon
