| e-texts navigator |
| Wylie |
283b1 ལ་རྣམ་པར་གཟིགས་ནས་ཡང་ནང་བཅུད་ཀྱི་ཁམས་སེམས་དང་སེམས་ལས་བྱུང་བའི་གཡོ་བ་དང་། འགུལ་བ་དང་། དམྱལ་བ་དང་། ཡི་དགས་དང་། བྱོལ་སོང་དང་། མི་དང་། ལྷ་མ་ཡིན་དང་། ལྷའི་རིགས་སོ་སོའི་ཁམས
283b2 དང་། བསམ་གཏན་བཞི་དང་། ཚད་མེད་པ་བཞི་དང་། གཟུགས་མེད་པའི་ཁམས་དང་། མུ་སྟེགས་ཀྱི་ཁམས་དང་། བདུད་ཆེན་པོ་དང་། ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། ནམ་མཁའ་ལྡིང་དང་། མི་འམ་ཅི་དང་།
283b3 རུ་ཏྲ་དང་། རུ་ཏྲ་ཅན་ལ་སོགས་པའི་ཁམས་ལ་རྣམ་པར་གཟིགས་སོ། །དེ་དག་ཐམས་ཅད་ལ་རྣམ་པར་གཟིགས་ནས་ཡང་ཉན་ཐོས་ཀྱི་ས་དང་། རང་སངས་རྒྱས་ཀྱི་ས་དང་། བྱང་ཆུབ་སེམས་དཔའ་རྣམས་ཀྱི་ས་དང་། རིག་འཛིན
283b4 ས་པའི་བསྟི་གནས་དང་། ཕྱོགས་བཅུ་དུས་བཞིའི་སངས་རྒྱས་ཐམས་ཅད་ས་ལ་རྫུ་འཕྲུལ་གྱི་སྤྱན་གྱིས་རྣམ་པར་གཟིགས་ནས་སྨྲ་བསམ་ལས་འདས་པ་དེ་བཞིན་ཉིད་སྟོང་པ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ
283b5 ཅང་མི་མཛད། རྣམ་པར་མི་མཛད། མཛད་པ་མི་འགོག་། མཛད་པ་རྣམ་པར་ཡང་མི་འགོག་།མི་མཛད་པ་ཡང་མི་གནས། ཅང་མི་གསུང་། རྣམ་པར་མི་གསུང་མི་སྒྲོགས། གསུངས་པ་ཡང་མི་འགོག་། གསུངས
283b6 བ་རྣམ་པར་ཡང་མི་འགོག་། མི་གསུང་མི་འགོག་པ་ལ་ཡང་མི་གནས། འཁོར་གྱི་དཀྱིལ་འཁོར་དང་། སྣོད་ཀྱི་ཁམས་ཐམས་ཅད་དང་། སའི་ཁྱད་པར་ཐམས་ཅད་ལ་ཡང་མི་གཟིགས་མི་དགོངས། གཟིགས
283b7 ཤིང་དགོངས་པ་ལ་ཡང་མི་འགོག་། རྣམ་པར་ཡང་མི་འགོག་།མི་འགོག་པ་ལ་ཡང་མི་གནས་སོ། །དེ་ནས་ཏིང་ངེ་འཛིན་ལ་སྙོམས་པར་ཞུགས་མ་ཐག་ཏུ་འཁོར་གྱི་དཀྱིལ་འཁོར་དེ་དག་དང་། སྣོད་ཀྱི་ཁམས
283b8 དེ་དག་དང་། བཅུད་ཀྱི་ཁམས་དེ་དག་དང་། སའི་ཁྱད་པར་དེ་དག་ཐམས་ཅད་ཀྱང་སྒྱུ་མའི་མཚན་ཉིད་ཙམ་དུ་ཡང་དམིགས་སུ་མེད་དོ། །དཔེར་ན་ནམ་མཁའ་ནི་ཆོས་ཐམས་ཅད་ཀྱི་རྗེས་སུ་ཡང་སོང་ལ་ཇི་ལྟ
iiif viewer powered by OpenSeadragon
