| e-texts navigator |
| Wylie |
283a1 གཏུན་ཁུང་མ་ཞེས་བྱ་བ་དང་། གཏུམ་མོ་ཞེས་བྱ་བ་དང་། མདའ་སྙེམས་མ་ཞེས་བྱ་བ་དང་། སྒྲ་འབྱིན་མ་ཞེས་བྱ་བ་དང་། གསོད་མ་ཞེས་བྱ་བ་དང་། བསྐྱོད་མ་ཞེས་བྱ་བ་དང་། རླུང་འབྱིན་མ་ཞེས་བྱ་བ་ལ་སོགས་པ
283a2 རྡོ་རྗེ་གཞོན་ནུའི་འཁོར་རིགས་འཛིན་འབུམ་ཕྲག་བསམ་གྱིས་མི་ཁྱབ་པ་དང་། གཞན་ཡང་གསང་སྔགས་ཀྱི་འཐུ་དང་། སྟོན་པའི་ངོ་མཚར་རྨད་དུ་བྱུང་བའི་ཆོ་འཕྲུལ་གྱིས་རང་དབང་མེད་པར་འཁོར་དུ་འདུས་པའི་དབང་ཕྱུག་དང་།
283a3 དབང་ཕྱུག་མ་ཉི་ཤུ་རྩ་བརྒྱད་ལ་སོགས་པ་ཀུན་བྲན་དང་ཡང་བྲན། གཡོག་དང་ཡང་གཡོག་དང་བཅས་པ་རྫུ་འཕྲུལ་གྱི་ཤུགས་ཀྱི་འཁོར་འདུས་པ་རྣམས་ནི་བདག་དང་གཞན་གྱི་ཤེས་པའི་རྒྱུད་ནི་ཐམས་ཅད་ཞི་བ་དང་། རྒྱས་པ
283a4 དང་། དབང་དང་དྲག་པོ་དང་དགུག་པ་དང་བཅིང་བ་དང་གཏང་བ་དང་དགྲོལ་བ་དང་དྲང་བ་དང་རེངས་པ་དང་རྨུགས་པ་དང་དབྲལ་བ་དང་བཟའ་བ་དང་བཏུང་བ་དང་འཇིབ་པ་དང་ཉམས་པ་དང་གསད་པ་དང་གནོན་པ་དང་སྤར་བ་དང་ཕམ་པ
283a5 དང་། རྒྱལ་བ་ལ་སོགས་པ་བྱེད་ཅིང་ཐབས་གཅིག་ཏུ་རྡོ་རྗེ་གསང་བའི་གྲལ་དུ་འཁོད་དོ། །དེ་ནས་ཡང་དཔལ་འབར་ཡུམ་ཀྲོ་དྷིའི་རྒྱལ་མོ་ཡང་བཅོམ་ལྡན་འདས་གསང་བ་མཆོག་གི་བདག་པོའི་སྐུ་ལ་འཁྲིལ་ཏེ་བཞུགས་སོ། །
283a6 བཅོམ་ལྡན་འདས་བྱེད་པ་པོ་རྡོ་རྗེ་ཀུན་ཏུ་བཟང་པོ་དང་། བཙུན་མོ་བྱ་བ་མོ་ཀུན་ཏུ་བཟང་མོ་ཡང་གཉིས་སུ་མེད་པར་མདུན་གྱིས་བལྟས་ཏེ་བཀའ་ནོད་པའི་ཚུལ་དུ་གནས་སོ། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག
283a7 གི་འཁོར་ལོའི་མདོ་ཞེས་བྱ་བ་ལས་གླེང་གཞིའི་ལེའུ་སྟེ་དང་པོའོ། ། །། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དཔལ་ཀུན་ཏུ་བཟང་པོ་ཡེ་ཤེས་རྔམ་པའི་རྒྱལ་པོས་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར
283a8 གཟིགས་སོ། །འཁོར་གྱི་དཀྱིལ་འཁོར་ཐམས་ཅད་ལ་གཟིགས་ནས་ཕྱི་སྣོད་ཀྱི་ཁམས་ནམ་མཁའ་དང་ས་དང་། ཆུ་དང་། མེ་དང་། རླུང་དང་རི་དང་། ཚལ་ལ་སོགས་པ་ཐམས་ཅད་ལ་རྣམ་པར་གཟིགས་སོ། །དེ་དག་ཐམས་ཅད
iiif viewer powered by OpenSeadragon
