| e-texts navigator |
| Wylie |
281b1 རག་ཏའི་ཁྲག་ཞག་གི་ནུ་འབབ་པ། འབར་བའི་འཕྲོ་བ་མང་པོ་འཁྲུག་པའི་གནས་ན་དྲེགས་པ་ཁྱོ་ཤུག་དང་། སེམས་ཅན་ཆེན་པོའི་གདན་དང་བཅས་པའི་གནས་ཀུན་ཏུ་བཟང་པོའི་བསོད་ནམས་དང་ཡེ་ཤེས་ཀྱི་ཚོགས་གྲུབ
281b2 པ། རྣལ་འབྱོར་གྱི་དབང་ཕྱུག་ཆེན་པོའི་རྡོ་རྗེ་གསང་བའི་གྲལ་དུ་གྱུར་པ་ན་རྣལ་འབྱོར་གྱི་དབང་ཕྱུག་གི་འཁོར་ཚོགས་བརྗོད་པ་ལས་འདས་པའི་ཡང་བརྗོད་པ་ལས་འདས་པ། སངས་རྒྱས་ཀྱི་ཞིང་གི་རྡུལ་ཕྲ་རབ་སྙེད་འཁོད་པ་ནི་རྣལ་འབྱོར་གྱི
281b3 དབང་ཕྱུག་ཆེན་པོ་དང་། ཁྲག་འཐུང་རོལ་པའི་ཚོགས་དང་། དད་པས་འདུས་པའི་ཚོགས་རྣམས་དང་ཐབས་གཅིག་ཏུ་བཞུགས་པ་འདི་ལྟ་སྟེ། ནམ་མཁའི་དབྱིངས་དང་མཉམ་པའི་དེ་བཞིན་གཤེགས་པ་བཙུན་མོ་དང་བཅས་པ་དེ་བཞིན་གཤེགས
281b4 པ་རྣམ་པར་སྣང་མཛད་དང་། དེ་བཞིན་གཤེགས་པ་མི་བསྐྱོད་པ་དང་། དེ་བཞིན་གཤེགས་པ་རིན་ཆེན་འབྱུང་ལྡན་དང་། དེ་བཞིན་གཤེགས་པ་སྣང་བ་མཐའ་ཡས་དང་། དེ་བཞིན་གཤེགས་པ་དོན་ཡོད་གྲུབ་པ་དང་། བཙུན་མོ་དམ་པ
281b5 དབྱིངས་ཕྱུག་མ་དང་། བཙུན་མོ་དམ་པ་སངས་རྒྱས་སྤྱན་དང་། བཙུན་མོ་དམ་པ་མཱ་མ་ཀཱི་དང་། བཙུན་མོ་དམ་པ་གོས་དཀར་མོ་དང་། བཙུན་མོ་དམ་པ་སྒྲོལ་མ་དང་། གཞན་ཡང་རིགས་ཀྱི་རྣལ་འབྱོར་གྱི་འཁོར་བཙུན་མོའི་ཚོགས་དང་བཅས
281b6 པ་ནམ་མཁའ་དང་མཉམ་པ་རྣལ་འབྱོར་ཆེན་པོ་སེམས་དཔའི་རྡོ་རྗེ་དང་། རྣལ་འབྱོར་ཆེན་པོ་རིན་ཆེན་རྡོ་རྗེ་དང་། རྣལ་འབྱོར་ཆེན་པོ་ཆོས་རྡོ་རྗེ་དང་། རྣལ་འབྱོར་ཆེན་པོ་ལས་རྡོ་རྗེ་དང་། རྣལ་འབྱོར་ཆེན་མོ་རྡོ་རྗེ་སེམས་མ་དང་། རྣལ་འབྱོར་ཆེན་མོ
281b7 རིན་ཆེན་སེམས་མ་དང་། རྣལ་འབྱོར་ཆེན་མོ་ཆོས་ཀྱི་སེམས་མ་དང་། རྣལ་འབྱོར་ཆེན་མོ་ལས་ཀྱི་སེམས་མ་དང་། གཞན་ཡང་ནམ་མཁའ་དང་མཉམ་པའི་བྱང་ཆུབ་སེམས་དཔའ་ཆེན་པོའི་འཁོར་བཙུན་མོ་དང་བཅས་པ་བྱང་ཆུབ་ཆེན་པོ
281b8 སའི་སྙིང་པོ་དང་། བྱང་ཆུབ་ཆེན་པོ་ནམ་མཁའི་སྙིང་པོ་དང་། བྱང་ཆུབ་ཆེན་པོ་སྤྱན་རས་གཟིགས་དབང་ཕྱུག་དང་། བྱང་ཆུབ་ཆེན་པོ་ལག་ན་རྡོ་རྗེ་དང་། བྱང་ཆུབ་ཆེན་པོ་འཇམ་དཔལ་གཞོན་ནུ་དང་། བྱང་ཆུབ་ཆེན་པོ་སྒྲིབ་པ་རྣམ་པར་སེལ་བ
iiif viewer powered by OpenSeadragon
