| e-texts navigator |
| Wylie |
206b1 སོགས་ལ་བསྔགས་ནས་སུ། །གཏོར་མ་ཕྱོགས་བཞི་དག་ནས་འོང་བའི་བགེགས། །གསང་སྔགས་མཐུ་ཡིས་དེ་དག་འབྱེར་བར་འགྱུར། །དེ་དག་ཞི་བར་བྱ་ཕྱིར་ཁྲོ་བོ་ནི། །བདུད་རྩི་ཐབ་སྦྱོར་དྲག་ཤུལ་ལས་ཅན་སྦྱར། །
206b2 བགེགས་རྣམས་བཅོམ་པས་དེ་ནས་རོ་དེ་ཡང་། །གསང་སྔགས་མཐུ་ཡིས་མྱུར་དུ་ལྡང་བར་འགྱུར། །གང་ཞིག་གསང་སྔགས་ཆོ་ག་ཞིབ་མོ་ལས། །མཐོང་བ་དེ་ནི་ཐོགས་མེད་ངེས་པར་འགྲུབ། །གལ་ཏེ་རོ་དེ་ལངས་པར་གྱུར
206b3 པ་ལས། །དེ་ཡི་གསང་སྔགས་ཆོ་ག་མི་ཤེས་ནའང་། །གསང་སྔགས་གཞན་དུ་བསྟན་པའི་ཆོ་ག་ཡིས། །ལངས་པ་དེ་ལ་རང་གིས་དངོས་གྲུབ་བླངས། །གཏེར་གྱི་ཕྱོགས་དང་ཕུག་དུ་འགྲོ་བ་དང་། །རལ་གྲི་ཨན་ཛ་བཞོན་པ
206b4 མངག་གཞུག་དང་། །འབྱུང་ཁུང་གསེར་འགྱུར་རྩི་དང་བཅུད་ཀྱིས་ལེན། །མཁའ་ལ་འགྲོ་བའི་དངོས་གྲུབ་རབ་ཏུ་སྟེར། །བསྲུང་བའི་སྟོབས་མེད་སྔགས་ཀྱི་སྟོབས་མེད་དང་། །དཀའ་ཐུབ་སྟོབས་མེད་སེམས་སྟོབས
206b5 མེད་པ་ཡི། །བློ་ཞན་གང་ཞིག་རོ་ལངས་དངོས་གྲུབ་ཚོལ། །དེ་ནི་མཚན་མོ་རྒྱུ་བ་རྣམས་ཀྱིས་བསད། །འཕགས་པ་དཔུང་བཟང་གིས་ཞུས་པའི་ལེའུ་དྲུག་པའོ།། །། མི་གང་མི་ཡི་ཤ་ནི་འཚོང་འདོད་དེས། །མར་གྱི་ངོ་ལ
206b6 དུར་ཁྲོད་སོང་ནས་སུ། །ཤིང་རྡོ་མཚོན་དང་དུག་དང་དབྱུག་ཏོ་སྨན། །བགེགས་ལ་སོགས་པས་ཤི་བར་གྱུར་པ་ཡི། །བྱིན་པ་བརླ་དང་སྐེ་དང་མགོ་བོ་དག་།འཇིགས་པ་མེད་པས་མཚན་མོ་བླངས་ནས་སུ། །གཏུབས་ཏེ
206b7 ཀོང་བུའམ་གྱོ་དུམ་གསར་པ་དང་། །གཙང་མ་དེར་ནི་མི་ཉུང་བཞག་བྱས་ལ། །ལུས་ལ་ཁྲག་གི་ལག་རྗེས་བྲིས་ནས་སུ། །རྒྱུ་མས་མགོ་དང་མགྲིན་པ་དཀྲི་བར་བྱ། །ལུས་ལ་མི་ལྤགས་སར་པ་བགོས་ནས་ཀྱང་། །
206b8 ལག་གཡོན་ཤས་བཀང་གྱོ་མོ་ཐོགས་ནས་སུ། །ཁྲག་གིས་བསྐུས་པའི་རལ་གྲི་ལག་གཡས་ཀྱིས། །རབ་ཏུ་བསྒྲིམས་ནས་དེ་ནི་ཐོགས་ནས་ཀྱང་། །སྒྲ་ཆེར་བོད་ཅིང་ཚིག་ཏུ་ཤ་འདི་དག་།ཁྱེད་ཅག་སུ
iiif viewer powered by OpenSeadragon
