| e-texts navigator |
| Wylie |
206a1 ཡན་ལག་ཚང་ཞིང་ཁ་བཞིན་མ་སྨད་པ། །ལུས་ལ་རྨ་མེད་སྐྱེས་པའི་རོ་མཐོང་ན། །རལ་གྲི་བེ་ཅོན་ལག་ན་ཐོགས་པ་ཡིས། །ཉིན་པར་ཐོག་ཐག་དུ་ནི་བསྲུང་བར་བྱ། །དུར་ཁྲོད་ཁང་སྟོང་དང་ནི་ཤིང་གཅིག
206a2 དང་། །བཞི་མདོ་འབབ་ཆུ་དག་གམ་ཆུ་ཀླུང་ངམ། །མཚོ་འམ་རྒྱ་མཚོ་འམ་ནི་རི་བོ་ལ། །སྐད་ཅིག་གིས་ཀྱང་རོ་ལངས་འགྲུབ་པར་འགྱུར། །གང་ཡང་རུང་བའི་གནས་གཅིག་བརྟགས་ནས་ནི། །ས་དང་ལྕི་བ་ལ་སོགས་བྱུག
206a3 པར་བྱ། །གཙང་མ་དེར་ནི་དཀར་ནག་དམར་པོ་འམ། །ཚོན་རྩི་སྣ་ཚོགས་རྣམས་ཀྱིས་དམ་ཚིག་བྲི། །གོང་དུ་སྨོས་པའི་དཀྱིལ་འཁོར་དེ་རྣམས་ལས། །བསམས་ནས་འདོད་པ་གང་ཡང་རུང་བ་གཅིག་།དད་པ་ཆེན་པོས
206a4 རིགས་ཀྱི་ཡུམ་གྱི་མཆོག་། ཟློས་ཤིང་རབ་ཏུ་བསྒྲིམས་ཏེ་བྲི་བར་བྱ། །འཇིགས་པ་མེད་པའི་གཡོག་གིས་དེ་བླངས་ནས། །ཁྱེར་ནས་འོངས་ཏེ་ཀུ་ཤའི་སྟེང་བཞག་སྟེ། །སྐྲ་དང་ཁ་སྤུ་རྣམས་ཀྱང་བྲེགས་ནས་སུ། །
206a5 དེ་ཡི་མོད་ལ་འབྲུ་མར་དག་གིས་བསྐུ། །དེ་ནས་བུམ་པ་ཞབས་མི་གནག་པ་བཞི། །གཙང་མའི་ཆུས་བཀང་ཁྲུས་རྩིས་སྦྱར་ཏེ་བཀྲུ། །དེ་ནས་གོས་དཀར་ཕྲུགས་ཅིག་བསྐོན་ནས་སུ། །དེ་ནས་དཀྱིལ་འཁོར་དབུས་སུ
206a6 རྩཝ་སྟན་དང་། །མ་ཉམས་མེ་ཏོག་སྟེང་དུ་རོ་བཞག་ཅིང་། །རོ་ཡི་མགོ་བོ་ཤར་རམ་བྱང་དུ་བསྟན། །དྲི་ཡིས་བྱུག་ཅིང་བདུག་པས་བདུག་པར་བྱ། །ཕྲེང་བས་གདགས་ཤིང་མེ་ཏོག་སིལ་མས་གཏོར། །ཤ་དང་ཉ་ཤ་མར་ཁུ
206a7 ཏིལ་བསྲེས་པའི། །ཁུར་བ་ལ་སོགས་ཅི་སྙེད་བུངས་བསྐྱེད་དེ། །འབྱུང་པོ་ཀླུ་དང་ཤ་ཟ་གནོད་སྦྱིན་དང་། །འདྲེ་ལ་བླ་འོག་ཕྱོགས་སུ་སྦྱིན་པར་བྱ། །གྲོགས་པོ་མཆོག་ལྡན་བདག་ཉིད་བསྲུང་བྱ་སྟེ། །རྩེ་གཅིག་སེམས
206a8 ཀྱིས་གསང་སྔགས་བཟླས་བརྗོད་བྱ། །རོ་ནི་ལྡང་དུ་ཉེ་བའི་ཚེ་ན་ནི། །འཇིགས་པའི་གཟུགས་ཅན་བགེགས་ནི་སྣ་ཚོགས་འབྱུང་། །གཙུག་ཏོར་རྒྱལ་པོའི་སྔགས་ཀྱིས་ཐལ་བ་འམ། །མ་གྲུགས་ཡུངས་ཀར
iiif viewer powered by OpenSeadragon
