| e-texts navigator |
| Wylie |
205b1 གྱུར་པ་འམ། །མཁའ་ལས་མེ་ཏོག་ཆར་རམ་རྫི་ཆར་འབབ། །ས་ནི་མྱུར་དུ་གཡོ་བར་གྱུར་པ་འམ། །ལུས་ནི་མི་སྣང་མཁའ་ལས་ཚིག་དུ་ནི། །བུ་གཅིག་དམ་པ་ཅི་འདོད་སློངས་ཤིག་ཅེས། །ལྷ་ཡི་རྔ་སྒྲས་ལུས་ཀྱི་བ་སྤུ་ལྡང་། །
205b2 རྒྱན་གྱི་ཆར་ཆེན་རབ་ཏུ་འབབ་པ་འམ། །ཅི་སྟེ་མཁའ་ལ་ལྷ་དང་ལྷ་མིན་དང་། །གསང་སྔགས་གཟུགས་ནི་མངོན་དུ་མཐོང་ན་འགྲུབ། །མ་ཉམས་མེ་ཏོག་དབྱིག་དང་ཆུར་བསྲེས་ཤིང་། །བསྟོད་དང་བཅས་པར་མཆོད་ཡོན
205b3 རྒྱུན་སྦྲིང་ནས། །རྩེ་གཅིག་སེམས་ཀྱིས་མགོ་བཏུད་ཕྱག་བྱས་ཏེ། །དད་དང་འབད་པའི་རྗེས་འཐུན་མཆོག་སླང་ངོ་། །མཆོག་ཐོབ་ནས་ནི་དགའ་བས་ཕྱག་བྱས་ཏེ། །དད་པས་བསྟོད་ཅིང་མཆོད་ཡོན་ཕུལ་ནས་སུ། །གསང
205b4 སྔགས་བརྗོད་ཅིང་སླར་ཡང་གཤེགས་སུ་གསོལ། །གསང་སྔགས་ཀུན་ལ་ཚུལ་ནི་འདི་ཡིན་ནོ། །གང་ཞིག་སེམས་སྟོབས་མཆོག་དང་ལྡན་པ་དེས། །འདིར་ནི་འཇིགས་དང་བཅས་པའི་ལས་ཀྱང་བྱ། །སེམས་སྟོབས་ཆུང
205b5 བའི་མི་ལ་ཤ་ཟ་ཡིས། །གླགས་མཐོང་ནས་ནི་ཕུང་བར་བྱེད་པར་འགྱུར། །དཔའ་བོས་གོ་བགོས་མཚོན་ཆའི་ཐབས་མཁས་པས། །ཆས་པའི་གླང་ཆེན་མཆོག་ཞོན་གཞུ་ཐོགས་ཏེ། །མདའ་འཕེན་མཐུ་དང་ལྡན་པ
205b6 གཅིག་པུས་ཀྱང་། །དགྲ་བོའི་ཚོགས་ཀུན་ལས་ནི་རྒྱལ་བར་ནུས། །དེ་བཞིན་སེམས་སྟོབས་ཆེན་པོའི་ཚུལ་ཁྲིམས་ཀྱི། །གོ་བགོས་ལེགས་བསྲུངས་གླང་ཆེན་ཞོན་ནས་སུ། །གསང་སྔགས་གཞུ་ཐོགས་བཟླས
205b7 བརྗོད་མདའ་འཕེན་པས། །འབྱུང་པོ་ལ་སོགས་མཚན་མོ་རྒྱུ་ལས་རྒྱལ། །སྒུར་པོ་ཡན་ལག་ལྷག་ཆད་ཐུང་ངུ་དང་། །དེ་བཞིན་རིང་པོ་ཡང་ན་སྦོམ་པོ་འམ། །སྨད་པའི་མངལ་ནས་སྐྱེས་པ་མ་ནིང་ངམ། །རྣམ་པ་དེ
205b8 འདྲའི་རོ་དག་སྤང་བར་བྱ། །མ་ཞུ་བ་དང་རིམས་དྲག་ཚད་པ་དང་། །འཁྲུ་སྐྱུག་བཅིངས་དང་ཆུ་དང་གསལ་ཤིང་དང་། །སྦྲུལ་གྱིས་གསད་དམ་དུག་གིས་ཤི་བ་འམ། །བད་ཀན་སྦྲུལ་སོགས་མཐོང་དམིགས་བསད་པ་ལ། །
iiif viewer powered by OpenSeadragon
