| e-texts navigator |
| Wylie |
199a1 ལྕགས་ཀྱིའོ། །གདོན་གཞན་ལ་ནི་སེང་ལྡེང་དཔལ་དང་ཚེ། །ནད་མེད་ནོར་རྫས་ལ་ནི་བིལ་བའོ། །གནོད་སྦྱིན་མོ་བསྒྲུབ་པ་ལ་མ་དུའི་ཤིང་། །ཆོས་ཀྱི་དོན་དུ་ཨ་ཤྭད་ལས་བྱས་ཤིས། །གསལ་ཤིང་རྩེ་མོའི་དགྲ་རྣམས་གཞིག
199a2 པ་ལ། །མི་རྣམས་བསད་པ་ལ་ནི་མི་རུས་ཀྱི། །ཤེལ་ལས་བྱས་པ་མིག་འཕྲུལ་ཆེན་པོ་ལ། །དབྱེ་ཕྱིར་ནིམ་པ་ལས་བྱས་རབ་ཏུ་ཤིས། །གསད་ཅིང་བསྐམ་པ་ལ་ནི་བ་རུའི་ཤིང་། །ཤ་ཟ་བསྒྲུབ་པ་ལ་ཡང་རབ་ཏུ་ཤིས། །ལྷ་དང
199a3 གནོད་སྦྱིན་དྲི་ཟ་བསྒྲུབ་པ་ལ། །སྒྲོན་ཤིང་ལས་ནི་བྱས་པའི་རྡོ་རྗེའོ། །ཅི་སྟེ་ཀླུ་ནི་དབང་དུ་བྱེད་འདོད་ན། །དེ་ཚེ་ཀླུ་ཤིང་རྩ་བ་ལས་བྱས་པའོ། །གཟུགས་བསྒྱུར་བ་ལ་ས་ལས་བྱས་པ་སྟེ། །རོ་ལངས་བསྒྲུབ་པ་ལ་ནི་ཀ་ཏམ་པཱི། །
199a4 པུན་ད་ཀ་དང་ར་ཛ་ཨརྐ་དང་། ། ཤྭད་ཤིང་གི་རྡོ་རྗེ་ནོར་གྱི་ཕྱིར། །གླ་བ་ཨ་མྲ་ཤྲི་བར་རྣ་བ་ཡི། ། རྫུ་ལ་སོགས་པ་ལས་བྱས་པ་དག་།མི་རྣམས་གཡུལ་ལས་རྒྱལ་བར་བྱ་ཕྱིར་རོ། །ཡིད་དུ་འོང་བའི་འདོད་པ་ཐོབ་བྱའི་ཕྱིར། །
199a5 ཙན་དན་དཀར་པོ་དང་ནི་དམར་པོ་སྟེ། །དབྱིབས་ལེགས་འཇམ་ཞིང་མ་ཉམས་རྨ་མེད་པའི། །རྡོ་རྗེ་རྩེ་ལྔ་སྲ་བ་བཅང་བར་བྱ། །དང་པོ་ཟློས་ཚེ་དེ་ནི་ཐོགས་ནས་སུ། །བཟླས་བརྗོད་ཟིན་ནས་མྱུར་བ་ཁོ་ནར་ཡང་། །དད་པའི་སེམས
199a6 ཀྱིས་ཕྱག་བྱས་དྲི་སོགས་ཀྱིས། །མཆོད་ནས་རྡོ་རྗེ་རྒྱལ་བའི་ཞབས་དྲུང་བཞག་།ང་ཡི་རིགས་ཀྱི་གསང་སྔགས་སྒྲུབ་པ་པོས། །རྡོ་རྗེ་མེད་ན་འགྲུབ་པར་མི་འགྱུར་རོ། །དེ་ལས་གཅིག་ཀྱང་རྙེད་པར་མ་གྱུར་ན། །ཁུ་ཚུར་བཅངས་ནས
199a7 རྩེ་གཅིག་སེམས་ཀྱིས་བཟླས། །ལྡོང་རོས་གིའུ་ཝང་རལ་གྲི་ཨཉྫ་ན། །སྤངས་མ་བབ་ལ་ཞགས་པ་ལི་ཀྲི་བཙག་།མར་དང་ཤུ་དག་འཁོར་ལོ་རྡོ་རྗེ་མདུང་། །ལྤགས་པ་གོ་ཆ་མདུང་ནི་རྩེ་གསུམ་པ། །རྫས་ནི་བཅུ་བདུན་བསྒྲགས
199a8 པ་དེ་རྣམས་ཀྱིས། །གྲུབ་པ་རྣམ་པ་གསུམ་རྣམས་ཐོབ་པར་བྱེད། །རང་སྔགས་ཆོ་ག་ལྷག་པར་བཤད་པ་གང་། །དེར་ཡང་གྲུབ་པ་རྣམ་པ་གསུམ་དུ་མཐོང་། །བགེགས་དང་ལོག་འདྲེན་གྲུབ་པར་མི་དགའ་བ། །རིག་པའི་ཚོག
iiif viewer powered by OpenSeadragon
