| e-texts navigator |
| Wylie |
195b1 ཤིན་ཏུ་གཙང་བ་དང་། །གང་ན་སྟག་གཟིག་སེང་གེ་མེད་པ་དང་། །ཡིད་འོང་མཉམ་ཞིང་ཚེར་མ་མེད་པ་དག་།མི་ཡི་དངོས་གྲུབ་གནས་སུ་བསྒྲགས་པ་ཡིན། །གྲོག་པོ་གྲོག་མཁར་ཐལ་བ་སྐྲ་ཤད་དང་། །
195b2 ཉལ་ཉིལ་སོལ་བ་ཚ་སྒོའམ་རྩོག་ཅན་སྤང་། །དེར་ནི་ས་བརྐོས་སྦྱངས་ནས་གནས་བརྩིགས་པ། །དྲོ་ལ་བརྟན་ཞིང་འཇིམ་པས་ཞལ་ཞལ་བྱ། །ཤར་རམ་བྱང་ངམ་ནུབ་དུ་སྒོ་གཏོད་ཅིང་། །ལྷོ་ཕྱོགས་སུ་ནི་ནམ
195b3 ཡང་སྒོ་མི་གཏོད། །དྲི་གཙང་ཁང་པ་དེ་ཡི་ཕྱོགས་གཅིག་ཏུ། །རྒྱལ་བ་ལམ་མཆོག་རྣམ་པར་སྟོན་པ་ཡི། །རས་ཀྱི་སྐུ་གཟུགས་ལས་ཕྱིར་བརྟན་པར་གདགས། །ཡང་ན་ཤིང་གཟུགས་ལེགས་པ་མཆོད་ཕྱིར
195b4 བཞག་། ཐ་ག་པས་བཏགས་འཇམ་ལ་སྙོམས་པ་དང་། །ཐགས་བཟང་དེ་བཞིན་སྐྲ་ཤད་མེད་པ་དང་། །ཁོ་ལག་ཆེ་ཞིང་མ་ཉམས་ཁ་ཚར་བཅས། །རས་ཀྱི་གཟུགས་དེ་མི་ལ་དངོས་གྲུབ་སྟེར། །གཙང་མ་སྤོས
195b5 ཆུས་བཏབ་པ་དེ་ལ་ནི། །ཚོན་རྩི་སྤྱིན་མེད་སྣོད་གསར་བླུགས་པ་ཡིས། །ཁྲུས་བྱས་གཙང་ལ་གསོ་སྦྱོང་གཟུང་བའི་མི། །མཁས་པས་བ་ལང་སྤུ་ཡིས་བྲི་བར་བྱ། །ཕྲེང་བ་བདུག་སྤོས་མར་མེ་ལྷ་བཤོས
195b6 དང་། །བྱུག་པ་དག་གིས་སྐུ་གཟུགས་ཆེར་མཆོད་དེ། །ནུབ་ཕྱོགས་ཞལ་བསྟན་མི་གཡོ་བརྟན་པར་གདགས། །དེ་ཡི་སྤྱན་སྔར་དངོས་གྲུབ་བརྩམ་པར་བྱ། །གཙུག་ཕུད་བཞག་སྟེ་སྐྲ་ནི་བྲེགས་ནས་སུ། །
195b7 འབྱུང་ཁུང་ཚོན་གྱིས་གོས་ཀྱི་ཁ་དོག་བསྒྱུར། །གོས་དཀར་དག་གམ་ཤིང་ལོའམ་གསོ་མ་འམ། །ཟར་མའམ་ཤིང་ཤུན་རྣམས་ཀྱི་གོས་བགོའོ། །ཀུ་བའམ་ལྕགས་སམ་འཇིམ་པ་ལས་བྱས་པའི། །
195b8 དབྱིབས་ནི་ལེགས་ཤིང་མི་རྩུབ་འཇམ་པ་དང་། །མ་ཆགས་ཟླུམ་ཞིང་མ་གས་རྨ་མེད་པ། །ཡིད་དུ་འོང་བའི་ལྷུང་བཟེད་བཅང་བར་བྱ། །ཧ་ཅང་མི་ཉེ་ཧ་ཅང་མི་རིང་ལ། །བཟའ་བཏུང་མོད་ཅིང་རྨངས་རིགས
iiif viewer powered by OpenSeadragon
