| e-texts navigator |
| Wylie |
294a1 མ་ལ་སོགས། །གཟུངས་འཛིན་དེ་ལ་བསྲུང་ཞིང་སྐྱོབ་ཏུ་གཞུག་།ངས་ནི་ལྷ་མ་ཡིན་དང་དྲི་ཟ་དང་། །ནམཁའ་ལྡིང་དང་མི་འམ་ཅི་དང་ནི། །ལྟོ་འཕྱེ་ཆེན་པོ་དང་ནི་གྲུལ་བུམ་གྱིས། །གཟུངས་འཛིན་དེ་ལ་བསྲུང་ཞིང་སྐྱོབ་དུ་གཞུག
294a2 ངས་ནི་ཆུ་དང་མེ་དང་རླུང་ལྷ་དང་། །འབྲུག་དང་གློག་གི་ལྷ་རྣམས་མཐུ་ཆེན་དང་། །འབྱུང་པོ་ཤ་ཟ་རྣམས་ཀྱིས་རྟག་པ་རུ། །གཟུངས་འཛིན་དེ་ལ་བསྲུང་ཞིང་སྐྱོབ་ཏུ་གཞུག་།དེ་དག་ཀུན་ཀྱང་སོ་སོ་ནས་འཁོར་ལྔ་བརྒྱ་དང
294a3 གནོད་སྦྱིན་སྟོབས་པོ་ཆེ་རྣམས་ཐུགས་རྗེ་ཆེན་པོའི་རིགས་སྔགས་འཆང་བ་དེ་ལ་བསྲུང་བ་དང་སྐྱོབ་པ་དང་། སྦ་བའི་ཕྱིར་དུས་ཐམས་ཅད་དུ་འབྲང་བར་བྱེད་དོ། །དེ་འབྲོག་དགོན་པ་ན་གཅིག་པུ་གནས་པའི་ཚེ། མགོན་པོ་དག་རེས
294a4 ཀྱིས་བསྲུང་བ་བྱེད་ཅིང་གདོན་དང་བགེགས་སེལ་བར་བྱེད་དོ། །དགོན་པ་ཆེན་པོར་བསླད་དམ་ལམ་འཚོལ་བར་གྱུར་ན། རིགས་སྔགས་འདི་བཟླས་པ་ཙམ་གྱིས་མགོན་པོ་དང་། ཀླུའི་རྒྱལ་པོ་ལ་སོགས་པ་མིར་སྤྲུལ་ཏེ།
294a5 ལམ་གང་ཡིན་པ་སྟོན་པར་བྱེད་དོ། །གལ་ཏེ་འབྲོག་དགོན་པ་འམ་མྱ་ངམ་འམ། ནགས་ཚལ་དག་དུ་འགྲོ་བའི་ཚེ། ཆུ་དང་མེས་འཕོངས་ན། རིགས་སྔགས་འདི་དྲན་པ་ཙམ་གྱིས། ཀླུ་རྣམས་ཀྱི་ཆུ་དང་མེ་མངོན་དུ
294a6 སྤྲུལ་ཅིང་འབྱུང་བར་བྱེད་དོ། །འཕགས་པ་སྤྱན་རས་གཟིགས་དབང་ཕྱུག་གིས་ཀྱང་སྔགས་འདིའི་ཡོན་ཏན་ཚིགས་སུ་བཅད་དེ་བརྗོད་པ། །གང་ཞིག་རི་བྲག་དགོན་པར་གནས་པའི་ཚེ། །གཅན་ཟན་སྟགས་དང་དོམ་དྲེད་སྤྱང་གི་དང
294a7 སྦྲུལ་གདུགས་ཅན་དང་བརླབས་པའི་འདྲེ་རྣམས་ལ། །སྔགས་འདི་བརྗོད་པ་ཙམ་གྱིས་གནོད་མི་ནུས། །གང་ཞིག་རྒྱ་མཚོ་འམ་ཆུ་ཀླུང་སར་འགྲོ་ན། །ཀླུ་གདུག་འཇོག་པོ་ཆུ་སྲིན་ཉ་རྣམས་དང་། །གནོད་སྦྱིན་སྲིན་པོ་འབར་བ་རུ་སྦལ
294a8 རྣམས། །སྔགས་འདི་ཐོས་པ་ཙམ་གྱིས་ལུས་སྦེད་འགྱུར། །ཕ་རོལ་དམག་ཚོགས་ཕྲད་དེ་དགྲས་བསྐོར་ཏམ། །སྡིག་པ་ཅན་གྱིས་ནོར་ཟས་འཇོམས་པའི་ཚེ། །བསམ་པ་ཐག་པས་ཐུགས་རྗེའི་སྔགས་བརྗོད་ན། །དེ་དག་བྱམས་སེམས
iiif viewer powered by OpenSeadragon
