| e-texts navigator |
| Wylie |
293a1 མཚན་ཉིད་ནི་གདོད་འཚལ་ཏེ། དེར་ཕྱིན་ཅད་གཟུངས་སུ་གཟུངས་ཞིང་མིང་སྐྱུད་པར་བགྱིའོ། །སྤྱན་རས་གཟིགས་དབང་ཕྱུག་གིས་སྨྲས་པ། རིགས་ཀྱི་བུ་འམ་རིགས་ཀྱི་བུ་མོ་གང་ལ་ལས་བྱང་ཆུབ་ཀྱི་སེམས་རྒྱ
293a2 ཆེར་བསྐྱེད་དེ། སེམས་ཅན་ཐམས་ཅད་མྱ་ངན་ལས་བཟླ་བའི་ཕྱིར། ཚུལ་ཁྲིམས་འཛིན་ཅིང་སེམས་ཅན་ཐམས་ཅད་ལ་སྙོམས་པའི་སེམས་བསྐྱེད་དེ། སྔགས་འདི་རྟག་ཏུ་རྒྱུན་མི་འཆད་པར་ཁང་པ་དབེན་པ་ཞིག
293a3 ཏུ་ཁྲུས་བྱས་ཏེ་གོས་གཙང་མ་བགོ་ཞིང་རྒྱལ་མཚན་དང་། བ་དན་དང་། མར་མེ་དང་། བདུག་སྤོས་དང་། བྱུག་པ་དང་། མེ་ཏོག་དང་། ཞལ་ཟས་རྣམས་ཀྱིས་མཆོད་ཅིང་དོན་གཞན་བཏང་སྟེ་སེམས་རྩེ་གཅིག་ཏུ་ཆོ་ག་བཞིན
293a4 བཟླས་བརྗོད་བྱས་ན། དེའི་ཚེ་བྱང་ཆུབ་སེམས་དཔའ་ཉི་འོད་དང་། བྱང་ཆུབ་སེམས་དཔའ་ཟླ་འོད་དང་། རིག་འཛིན་གྲངས་མེད་པ་དག་དང་ལྷན་ཅིག་ཏུ་དེར་འོངས་ཏེ། དེ་ལ་ཕན་པར་བྱེད་པའི་རྟགས་དང་མཚན་མ་སྟོན
293a5 པར་འགྱུར་རོ། །ངས་ཀྱང་དེའི་ཚེ་དེའི་དུས་ན་མིག་སྟོང་གིས་བརྟག་ཅིང་ལག་སྟོང་གིས་བསྐྱབ་པར་བྱའོ། །མུ་སྟེགས་ཀྱི་གཙུག་ལག་ཐམས་ཅད་ལ་མཁས་ཤིང་ཁོང་ངུ་ཆུད་པར་བྱའོ། །གང་གིས་གཟུངས་སྔགས
293a6 འདི་གཟུངས་སུ་གཟུང་ཞིང་བཟླས་བརྗོད་བྱས་ན་འཇིག་རྟེན་གྱི་འདྲེ་གདོན་གྱི་ནད་བརྒྱད་ཁྲི་བཞི་སྟོང་ཀུན་གསོ་བར་ནུས་ཏེ་མི་འཚོ་བ་མེད་དོ། །གཅིག་ཏུ་ན་ལྷ་མ་སྲིན་ཐམས་ཅད་བཀོལ་པ་དང་ལྷའི་བདུད་ཐམས་ཅད་ཕམ
293a7 པར་བྱེད་པ་དང་། མུ་སྟེགས་ཅན་ཐམས་ཅད་ཐུལ་བར་འགྱུར་རོ། །གལ་ཏེ་གང་ལ་ལས་དགོན་པ་ན་གནས་ཤིང་བསམ་གཏན་བྱེད་དམ། མདོ་སྡེ་ཀློག་པ་འམ། ཁ་ཏོན་བྱེད་པ་ལས་འབྱུང་པོ་དང་ཡི་དགས
293a8 ལ་སོགས་པས་བགེགས་བྱས་ཏེ། སེམས་མི་བདེ་ན། སྔགས་དེ་ལན་གཅིག་བཏོན་པ་ཙམ་གྱིས་བགེགས་བྱེད་པ་རྣམས་འཆིང་བར་འགྱུར་རོ། །དེ་ཆོ་ག་བཞིན་དུ
iiif viewer powered by OpenSeadragon
