| e-texts navigator |
| Wylie |
292b1 བུ། ཁ་ཅིག་ནི་ལན་ཅིག་ཕྱིར་འོང་བ། ཁ་ཅིག་ནི་ཕྱིར་མི་འོང་བ། ཁ་ཅིག་ནི་དགྲ་བཅོམ་པའི་འབྲས་བུ། ཁ་ཅིག་ནི་ས་དང་པོ་དང་། ས་གཉིས་པ་དང་། ས་གསུམ་པ་དང་ས་བཞི་པ་དང་། ས་ལྔ་པ་དང་། ས་བཅུ་པའི་བར་གྱི་འབྲས
292b2 བུ་ཐོབ་པ། སེམས་ཅན་མང་པོ་ཞིག་ཀྱང་དེའི་ཚེ། བྱང་ཆུབ་ཏུ་སེམས་བསྐྱེད་དོ། །དེ་ནས་ཚངས་པ་ཆེན་པོ་སྟན་ལས་ལངས་ཏེ། གོས་ཚགས་བཅོས་ནས་ཐལ་མོ་སྦྱར་ཅིང་བསྙེན་བཀུར་གུས་པའི་ཚུལ་དུ་བྱང་ཆུབ
292b3 སེམས་དཔའ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །སྐྱེས་བུ་ཆེན་པོ་ལེགས་སོ། །བདག་སྔོན་སངས་རྒྱས་གྲངས་མ་མཆིས་པ་ནས་ཆོས་ཀྱི་རྣམ་གྲངས་མང་པོ་ཞིག་ཐོས་ཀྱིས་ཀྱང་འདི་ལྟ་བུའི
292b4 ཐུགས་རྗེ་ཆེན་པོ་དང་ལྡན་པ་ཐོགས་པ་མི་མངའ་བའི་གཟུངས་ཀྱི་སྙིང་པོ་ཚིགས་ཐོས་མ་མྱོང་སྟེ། སྐྱེས་བུ་ཆེན་པོའི་གཟུངས་འདིའི་མཚན་ཉིད་ཇི་ལྟ་བུ་ལགས་པ་བདག་ལ་བསྟན་དུ་གསོམ། །བདག་ཅག་ཕལ་མང་པོ་ཡང་།
292b5 ཐོས་པར་སྨོན་ཏོ། །དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གིས་ཚངས་པ་ཆེན་པོ་ལ་སྨྲས་པ། ཁྱེད་ཐབས་ལ་མཁས་པས་སེམས་ཅན་ཐམས་ཅད་ལ་ཕན་པ་དང་། བདེ་བར་བྱ་བའི
292b6 ཕྱིར་འདི་སྐད་དུ་འདྲི་ན། ལེགས་པར་ཉོན་ཅིག་དང་། ངས་ཁྱེད་རྣམས་ལ་མདོ་ཙམ་ཞིག་བཤད་དོ། །གཟུངས་འདིའི་མཚན་ཉིད་ནི་འདི་ལྟ་སྟེ། བྱམས་པ་ཆེན་པོ་དང་སྙིང་རྗེ་ཆེན་པོའི་སེམས་སོ། །
292b7 འདུས་མ་བྱས་པའི་སེམས་སོ། །ཆགས་པ་མེད་པའི་སེམས་སོ། །སྟོང་པ་ཉིད་དུ་རྟོགས་པའི་སེམས་སོ། །རི་མོ་གུས་པའི་སེམས་སོ། །བདག་དམན་པའི་སེམས་སོ། །འཁྲུག་པ་མེད་པའི་སེམས་སོ། །
292b8 བླ་ན་མེད་པའི་བྱང་ཆུབ་ཀྱི་སེམས་སོ། །དེ་ལྟ་བུའི་སེམས་ནི་གཟུངས་ཀྱི་མཚན་ཉིད་ཅེས་བྱས་ཏེ། ཁྱོད་ཀྱང་དེ་བཞིན་དུ་སྦྱོང་ཅིག་།ཚངས་པ་ཆེན་པོས་སྨྲས་པ། བདག་ལ་སོགས་པ་ཕལ་མང་པོས་གཟུངས་འདིའི
iiif viewer powered by OpenSeadragon
