| e-texts navigator |
| Wylie |
250b1 ཀྱང་སྟོན་ཏོ། །འཇམ་དཔལ་གཞོན་ནུར་གྱུར་པ་ཉོན་ཅིག་།འཛམ་བུའི་གླིང་འདིའི་མི་རྣམས་ནི་ཚེ་ཐུང་བ་ལས་ཚེ་ལོ་བརྒྱ་ཐུབ་པ་ཤ་སྟག་སྟེ། དེ་དག་ལས་ཀྱང་ཕལ་ཆེར་དུས་མ་ཡིན་པར་འཆི་བར་བསྟན་ཏོ། །འཇམ
250b2 ད་པལ་སེམས་ཅན་གང་དག་དེ་བཞིན་གཤེགས་པ་ཚེ་དཔག་ཏུ་མེད་པ་དེའི་ཡོན་ཏན་དང་བསྔགས་པ་ཡོངས་སུ་བརྗོད་པ་ཞེས་བྱ་བའི་ཆོས་ཀྱི་རྣམ་གྲངས་འདི་ཡི་གེར་འདྲི་འམ་ཡི་གེར་འདྲིར་འཇུག་གམ་མིང་ཙམ་ཡང
250b3 ཉན་ཏམ་ཀློག་པ་ནས་གླེགས་བམ་ལ་བྲིས་ཏེ་ཁྱིམ་ན་འཆང་བར་བྱེད་དམ། མེ་ཏོག་དང་བདུག་པ་དང་སྤོས་དང་ཕྲེང་བ་རྣམས་ཀྱིས་མཆོད་པར་འགྱུར་བ་དེ་དག་གི་ཚེ་ཡོངས་སུ་ཟད་པ་ལས་ཚེ་ལོ་བརྒྱ་ཐུབ་པར
250b4 འགྱུར་རོ། །འཇམ་དཔལ་སེམས་ཅན་གང་དག་ཚེ་དང་ཡེ་ཤེས་དཔག་ཏུ་མེད་པ་ཤིན་ཏུ་རྣམ་པར་ངེས་པ་གཟི་བརྗིད་ཀྱི་རྒྱལ་པོའི་མཚན་བརྒྱ་རྩ་བརྒྱད་ཐོས་པར་གྱུར་པ་དེ་དག་གི་ཚེ་ཡང་འཕེལ་བར་འགྱུར་རོ། །སེམས
250b5 ཅན་གང་དག་ཚེ་ཟད་ཀར་མཚན་འཆང་བར་འགྱུར་བ་དེ་དག་གི་ཚེ་ཡང་རྣམ་པར་འཕེལ་བར་འགྱུར་རོ། །འཇམ་དཔལ་དེ་ལྟ་བས་ན་རིགས་ཀྱི་བུ་འམ་རིགས་ཀྱི་བུ་མོ་ཚེ་རིང་བར་འདོད་པ་དེ་དག་དེ་བཞིན་གཤེགས་པ
250b6 ཚེ་དཔག་ཏུ་མེད་པ་དེའི་མཚན་བརྒྱ་རྩ་བརྒྱད་ཉན་ཏམ་ཡི་གེར་འདྲི་འམ་ཡི་གེར་འདྲིར་འཇུག་ན་དེ་དག་གི་ཡོན་ཏན་དང་ལེགས་པར་འགྱུར་བ་ནི་འདི་དག་གོ། ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི
250b7 ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་ས~ཾ་མྱཀ་ས~ཾ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨ་ཡུར་པུ་ཎྱ་ཛྙཱ་ན་ས~ཾ་བྷ་རོ་པ་ཙི་ཏེ། ཨོཾ་སརྦ་ས~ཾ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ
250b8 སྭ་བྷ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། འཇམ་དཔལ་དེ་བཞིན་གཤེགས་པའི་མཚན་བརྒྱ་རྩ་བརྒྱད་པོ་འདི་དག་གང་ལ་ལ་ཞིག་ཡི་གེ་འདྲི་འམ་ཡི་གེ་འདྲིར་འཇུག་གམ་གླེགས་བམ་ལ་བྲིས་ཏེ་ཁྱིམ་ན
iiif viewer powered by OpenSeadragon
