| e-texts navigator |
| Wylie |
248a1 བྱ་བ་དང་། མེད་ན་ཞེས་བྱ་བ་དང་། མ་བྱིན་ཅིག་ཅེས་བྱ་བ་དང་། སྟེར་ན་ཡང་མཆེ་ཆེས་པར་འོང་ངོ་ཞེས་བྱ་བ་དང་། དེ་ཙམ་ཆེས་ཀྱིས་ཕྲི་ལ་བྱིན་ཞེས་བྱ་བ་དང་ལྔ་བརྗོད་པ། སྐྱི་ཟིང་བྱེད་པ་ཅིག་དང་ཕྲད་ནས། བདག་ཅག
248a2 གཉིས་ཀྱིས་བསམས་པས་དགོན་པ་བས་གྲོང་ཡུལ་ཐག་ཉེ་ལ་ཟས་མོད་པས་གྲོང་ཁྱེར་དུ་ཕྱིན་ཏེ་བསླངས་པས་དཀར་གསུམ་དང་། མངར་གསུམ་དང་། འབྲས་དང་། ནས་ཀྱི་ཟན་ལ་སོགས་པ་བཟའ་བ་དང་བཏུང་བ་མང་དུ
248a3 རྙེད་ནས་ཡི་དགས་མོ་དེའི་དྲུང་དུ་ཁྱེར་ནས་བསྟབས་པས། ཁ་ནས་གོང་གི་སྒྲ་རྣམ་པ་ལྔ་བརྗོད་ཅིང་གང་བྱིན་པ་མི་ལེན་པར་བྲོས་ཏེ་ཐལ་ན་འདི་ཅི་ལས་གྱུར་པ་དང་། འདི་ལ་སྨན་པའི་ཐབས་ཅི་མཆིས་ཞུ་རུ་མཆིས་པ
248a4 ལགས་སོ། །བཀའ་སྩལ་པ། རིགས་ཀྱི་བུ་དག་དེ་ནི་ཤིན་ཏུ་ལེགས་སོ། །ངས་བཤད་ཀྱིས་ལེགས་པར་ཉོན་ལ་ཡིད་ལ་ཟུང་ཤིག་།དེ་ཅི་ལས་གྱུར་ན་ལུས་སྔོ་ལ་སྐམས་པ་ནི་རང་གིས་ཟ་མ་ཕོད་པ་ལས་གྱུར་པའོ། །
248a5 སྐེ་ཕྲ་བ་ནི་གཞན་ཟ་ཞིང་སྤྱོད་པ་ལ་བདག་གིས་སེར་སྣ་བྱས་པ་ལས་གྱུར་ཏོ། །ཡན་ལག་ཕྲ་ལ་སོར་མོས་ཐད་ཀར་ཕུག་པ་ནི་གཞན་ལ་སྦྱིན་པ་དག་ལ་ཆེས་ཀྱིས་ཕྲི་ལ་བྱིན་ཅེས་བྱས་པ་དང་། རང་གིས་ཀྱང་སྤྱོད
248a6 མི་ཕོད་པ་ལས་གྱུར་ཏོ། །སྐྲ་འཛིངས་པ་ནི་ཀུན་གྱི་ཡིད་དུ་མི་འོང་བ་བྱས་པ་ལས་གྱུར་ཏོ། །མིག་དམར་བ་ནི་འདོད་ཆགས་ཀྱིས་ཡོངས་སུ་རྒྱས་པ་ལས་གྱུར་ཏོ། །གཡོན་དུ་ཡོ་བ་ནི་མིག་མི་ལེགས་པར་གཞན་ལ
248a7 བལྟས་པ་ལས་གྱུར་ཏོ། །མ་མཆུ་རིང་ལ་གཡས་སུ་ཡོ་བ་ནི་སྟེར་ན་ཡང་ཆེས་པར་འོང་ངོ་ཞེས་བྱས་པ་ལས་གྱུར་ཏོ། །ཁ་ནས་སྒྲ་རྣམ་པ་ལྔ་སྒྲོགས་པ་ནི་བྱེད་པ་རྒྱུ་མཐུན་པའི་འབྲས་བུ་སྟེ། སྔོན་བརྗོད་པའི་བག
248a8 ཆགས་བརྟས་པ་ལས་གྱུར་ཏོ། །དེ་ལྟ་བུའི་ལས་ཀྱི་དབང་གིས་གཞན་ཅི་བྱིན་ཡང་ཕན་པར་མི་འགྱུར་ཏེ། ཆུ་གཅིག་པུ་ལས་རང་གིས་སྦྱིན་ནུས་པ་མ་ཡིན་ཏེ། གཞན་གྱི་ཆུ་ལ་འཇུར་འགེགས་མ་བྱས་པས་ད་ལྟ་ཡང་ཆུ་གཙང་མ
iiif viewer powered by OpenSeadragon
