| e-texts navigator |
| Wylie |
237a1 མིང་བརྒྱ་རྩ་བརྒྱད་གང་འཛིན་པ། །ཡོན་ཏན་བརྒྱ་རྩ་བརྒྱད་ཀྱང་འཐོབ། །དམྱལ་བའི་སྡུག་བསྔལ་མྱོང་མི་འགྱུར། །ཡི་དགས་གནས་སུ་མི་སྐྱེ་ཞིང་། །བྱོལ་སོང་སྐྱེ་བས་ཐོགས་མི་འགྱུར། །ལུས་འཕགས་གནས་སུ་སྐྱེས
237a2 པ་ན། །ཐོག་ལས་སོགས་པ་མི་འབབ་ཅིང་། །སྒྲ་མི་སྙན་དུ་རླུང་གིས་མིན། །དེ་བཞིན་བ་ལང་སྤྱོད་དུ་ཡང་། །ཆུ་དང་རླབས་ཀྱིས་ཁྱེར་མི་ནུས། །འཛམ་བུའི་གླིང་དུ་གང་སྐྱེས་པ། །སྣ་ཚོགས་གནོད་པས་ཉེན་མི་འགྱུར། །འདོད་པའི་ལྷ
237a3 རྣམས་གནས་སུ་ཡང་། །སྐྱེས་ནས་ཆོས་ལ་དགའ་བར་འགྱུར། །བསམ་གཏན་བཞི་ཡི་སྐྱེ་གནས་སུ། །ཚད་མེད་བཞི་ནི་འཕེལ་བར་འགྱུར། །གཟུགས་མེད་གནས་ནི་བཞི་པོར་ཡང་། །དོན་མེད་ན་ནི་མི་སྐྱེ་སྟེ། །འདུ་ཤེས་མེད
237a4 པར་ནམ་ཀྱང་མིན། །འཕགས་པ་བཞུགས་པའི་གནས་རྣམས་སུ། །ཁམས་གསུམ་ཚུལ་གྱིས་བདག་དོན་སྤྱོད། །རྟག་ཏུ་ཡུལ་ལ་ཆགས་མི་འགྱུར། །སེམས་ལ་འཛིན་པར་མི་བྱེད་དེ། །ཉོན་མོངས་རྩ་བ་དྲུག་པོ་དང་། །དེ་བཞིན་ཉེ་བ
237a5 ཉི་ཤུ་དང་། །མཚམས་མེད་ལྔ་ཡང་བྱང་བར་འགྱུར། །བསྐལ་པ་གྲངས་མེད་མང་པོར་ཡང་། །མི་ཁོམ་བརྒྱད་དུ་སྐྱེ་མི་འགྱུར། །མུ་སྟེགས་རྩོད་པ་བཟློག་པ་དང་། །མཐུ་སྟོབས་ཕུན་སུམ་ཚོགས་ལྡན་ཞིང་། །ཚེ་རིང་ནད་མེད་དཔལ་དང
237a6 ལྡན། །སྡུག་བསྔལ་བསྐལ་པ་མང་པོར་ཡང་། །ནམ་ཀྱང་འཁོར་བར་མི་ལྟུང་ཞིང་། །མྱ་ངན་འདས་པ་ཐོབ་བྱའྀ་ཕྱིར། །ཉན་ཐོས་ས་རྣམས་ནོན་པ་དང་། །རྟེན་འབྲེལ་བཅུ་གཉིས་ཤེས་པར་བྱ། །བྱང་ཆུབ་སེམས་དཔའི
237a7 ས་རྣམས་ནྀ། །རབ་དགའ་དྲི་མེད་འོད་བྱེད་འཕྲོ། །སྦྱང་དཀའ་མངོན་འགྱུར་རིང་དུ་སོང་། །མི་གཡོ་ལེགས་པ་ཆོས་ཀྱི་སྤྲིན། །སངས་རྒྱས་ས་ཆེན་བླ་ན་མེད། །བཅུ་གཉིས་པོ་ཡང་ཐོབ་འགྱུར་ཏེ། །ཀུན་དུ་འོད་དང་བདུད་རྩི
237a8 འོད། །ནམ་མཁའི་འོད་དང་རྡོ་རྗེའི་འོད། །རིན་ཆེན་འོད་དང་པད་མའི་འོད། །ལས་ཀྱི་འོད་དང་དཔེ་མེད་ས། །དཔལ་ལྡན་ས་དང་ཤེས་རབ་འོད། །ཐམས་ཅད་མཁྱེན་དང་རང་རིག་སྟེ། །བཅུ་གཉིས་སངས་རྒྱས་ས་རྣམས་ཀྱང་། །འདི་ཚེ་བྱུང་ན
iiif viewer powered by OpenSeadragon
