| e-texts navigator |
| Wylie |
236a1 འདི་བསྲུང་བར་བྱེད་དོ། །སྐྱོབ་པར་བྱེད་དོ། །ཅི་འདོད་པའི་དངོས་གྲུབ་སྟེར་རོ་ཞེས་བཀའ་སྩལ་པ་དང་། འཁོར་དེ་རྣམས་རབ་དུ་དགའ་ནས་བཅོམ་ལྡན་འདས་ཕྱག་ན་རྡོ་རྗེ་ལ་རྒྱན་གྱི་ཆར་ཆེན་པོ་ཕབ་ནས
236a2 སོ་སོའི་གནས་སུ་འཁོད་དོ། །བསྟོད་པའི་རྒྱལ་པོའི་རྒྱུད། རྫོགས་སྷོ།། །། @#། །རྒྱ་གར་སྐད་དུ། ཤྲཱི་དེ་བི་ཀཱ་ལི་ཨཥྚ་ཤ་ཏ་ཀ་།བོད་སྐད་དུ། དཔལ་ལྷ་མོ་ནག་མོའི་མཚན་བརྒྱ་རྩ
236a3 བརྒྱད་པ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅྡོཾས་བྱ་རྒོད་ཀྱི་ཕུང་པོའི་རི་ལ་བཞུགས་ཏེ། རྒྱུ་དང་འབྲས་བུའི་བྱང་ཆུབ་སེཾས
236a4 དཔའ་ཐ~ཾད་ལ་བདེན་པའི་མཚན་རྣམས་སྟོན་པར་མཛད་དོ། །དེའི་ཚེ་དཔལ་ལྷ་མོ་ནག་མོ་ཆེན་མོ་ཡང་བཅོམ་ལྡན་འདས་ཀྱི་ཐད་དུ་སོང་སྟེ་ལན་གསུམ་བསྐོར་བ་བྱས་ནས་བཅྡོཾས་ཀྱི་སྤྱན་སྔར་ཕྱོགས་གཅིག་ཏུ་འདུག་གོ། དེ་ནས་བྱང
236a5 ཆུབ་སེམས་དཔའ་སེང་གེའི་བརྩོན་འགྲུས་ཀྱིས་བཅྡོཾས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སྲིན་མོའི་ཆ་ལུགས་ཀྱིས་འཇིག་རྟེན་པའི་དོན་མཛད་པའི་མཚན་གྱི་རྣམ་གྲངས་ཇི་ལྟ་བུ
236a6 ལགས་ཞེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེང་གེ་བརྩོན་འགྲུས་ལ་དགོངས་ནས་དཔལ་ལྷ་མོ་ནག་མོ་ལ་གཟིགས་ཏེ་འདི་སྐད་ཅེས་གསུངས་སོ། །ཐོས་བསམ་སྒོམ
236a7 ལ་ཆེར་གནས་པའི། །རྒྱུ་འབྲས་རྐྱེན་གྱི་བདག་ཉིད་ཅན། །འགྲོ་ལ་ཕན་མཛད་མཁས་པའི་མཆོག་།དཔལ་ལྡན་ལྷ་མོ་ནག་མོ་འཕགས། །བྱང་ཆུབ་སེམས་དཔའ་སྤྲུལ་པ་སྟེ། །ས་ལྟར་བརྟེན་པའི
236a8 གཞིར་གྱུར་པ། །ཡོན་ཏན་བསྡུད་བྱེད་ཆུ་དང་འདྲ། །བྱང་ཆུབ་སྨིན་བྱེད་མེ་ལྟ་བུ། །དགེ་བའི་འདུ་བྱེད་རླུང་ལྟར་གཡོ། །ཤེས་རབ་རྣམ་དག་ནམ་མཁའ་སྟེ། །ཁྱོད་ནི་འབྱུང་བ་ཆེན་པོ་འདྲ། །འབྱུང་པོ
iiif viewer powered by OpenSeadragon
