| e-texts navigator |
| Wylie |
235a1 ཐོགས་ཤིང་རྒྱ་མཚོ་བསྐོར་ཞིང་ས་གཞི་གནོན་པ་ས་སྟེང་གི། ཕྱོགས་ནས་རྒྱུ་བའི་ཉི་མ་ཟླ་བ་ལྷ་མོ་ཁྱོད་ཀྱི་ལྟེ་ནས་འཆར་ཞིང་སྲིད་གསུམ་ཟིལ་གྱིས་གནོན། །རྒྱ་མཚོ་ཀློང་ནས་མེ་འབར་ཆུ་རྣམས་སྐེམས་པར་བྱེད་པར་ནུས་པའི
235a2 བུད་མེད་ཐ~ཾད་ཞི་མཛད་མ། །ལྷ་ཆེན་སྐུ་དང་འཚམ་པར་བཞུགས་པའི་དཀའ་བཟློག་ནག་མོ་མི་ནད་ཕྱུགས་ནད་ཀུན་ལ་འཇིགས་པ་མེད། །མ་གཅིག་ཁྱོད་ཉིད་ལ་ནི་བདག་ནི་གུས་པར་ཕྱག་འཚལ་མཆོད་ཅིང་བསྟོད་པར་བགྱི། །དེ་ནས
235a3 དཔལ་ལྷ་མོ་ནག་མོ་ལ་བྲམ་ཟེ་མཆོག་སྲིད་ཀྱིས་ཀུན་རྫོབ་ཀྱི་བདེན་པ་བརྟེན་པར་བསྟོད་པ། མ་ཅིག་ལྷ་མོ་དཔལ་ལྷ་མོ། །རྡོ་རྗེ་ལྷ་མོ་ནག་མོ་ཆེ། །མཐུ་ཆེན་ཁྱོད་ལ་ཕྱག་འཚལ་བསྟོད། །བདག་གིས་བཙུན་པར་ཁྱོད་བསྟོད་ཀྱིས། །
235a4 བཀྲ་ཤིས་མཆོག་གྲུབ་སེམས་གཏེར་གནས། །ཡིད་མྱུར་གཟུགས་ཆེན་ཀུན་དུ་གྲགས། །མ་མོར་གྲགས་ཤིང་འཇིག་རྟེན་སྐྱོང་། །དཔའ་བརྟུལ་དྲག་སྤྱོད་བརྩོན་འགྲུས་ཆེ། །འཐབ་མོ་གཡུལ་ལས་རྟག་ཏུ་རྒྱལ། །གཤིན་རྗེའི་སྲིང་མོ
235a5 ཡིན་པར་བསྟོད། །གོས་སུ་དར་གོས་སྔོན་པོ་གསོལ། །སྡུག་དང་མི་སྡུག་ཆ་ལུགས་འཆང་། །སྤྱན་མིག་མཐོང་ན་མི་སྡུག་ཀུན་དུ་སྡང་། །དད་ཅིང་ཚོགས་པའི་མི་རྣམས་སྡུད། །རེས་འགའ་རི་བྲག་ཟབ་མོར་གནས། །རེས་འགའ
235a6 ཚལ་དང་ཤིང་ལ་གནས། །རེ་འགའ་དུར་ཁྲོད་དབུས་ན་གནས། །ལྷ་མོའི་གནས་རྟེན་དེ་རུ་འཆའ། །གནས་དེ་རི་དང་ཚལ་དགོན་དུ། །རྟག་ཏུ་ལྷ་མོ་ཁྱོད་བསྟོད་ན། །དེ་ཡིས་དགོངས་པ་སྐོངས་བར་བྱེད། །བདག་གིས་རྟག་ཏུ་བསྟོད
235a7 བྱས་ན། །བདག་གི་བསམ་པ་འགྲུབ་པར་མཛོད། །རྨ་བྱའི་སྒྲོ་ལ་རྒྱལ་མཚན་བྱས། །གང་ཞིག་རྟག་བསྟེན་བསུང་བར་བྱེད། །གནག་ལུག་ཕྱུགས་རྣམས་འཕེལ་བར་བྱེད། །སེང་གེ་སྟག་དང་སྤྱང་གི་ཡིས། །རྟག་ཏུ་ཀུན་ནས
235a8 བསྐོར་ནས་ཀྱང་། །རྡོ་རྗེ་དྲིལ་ཆེན་སྙན་པར་སྒྲོགས། །བྱིན་ཏེ་དྲིལ་ཆེན་སྙན་པར་སྒྲོགས། །ལན་འགའ་ལག་ན་ཏྲི་ཤ+འུལ་ཐོགས། །ལན་འགའ་ཉི་ཟླའི་རུ་མཚོན་ཕྱར། །མར་གྱི་ཚེས་དགུ་བཅུ་གཅིག་ན། །དེ་ཡི་དུསུ་མཆོད་བྱས་ན། །ལྷ་མོ་ཁྱོད་ལས་ལྷག་པ་མེད། །བདུད་འདུལ་ལྷ་མིན
iiif viewer powered by OpenSeadragon
