| e-texts navigator |
| Wylie |
234a1 ལྟེ་བའི་ཁུང་ནས་ཉི་མ་འཆར་བ་ནི། །སྡུག་བསྔལ་རྒྱ་མཚོ་གཏིང་ནས་སྐེམས་པའི་རྟགས། །སྤྱི་བོ་གཙུག་ནས་ཟླ་བ་འཆར་བ་ནི། །དུག་གསུམ་མ་རིག་མུན་པ་སེལ་བའི་རྟགས། །ཞབས་ལ་དབང་གི་ལྕགས
234a2 སྒྲོག་འཁྲིལ་བ་ནི། །ཐབས་དང་ཤེས་རབ་ཟུང་དུ་འབྲེལ་བའི་རྟགས། །ཕྱག་གཡས་ཤང་ལང་ནག་པོ་བསྣམས་པ་ནི། །སྡུག་བསྔལ་སྐྱེ་ཤི་རྩད་ནས་གཅོད་པའི་རྟགས། །ཕྱག་གཡོན་ཐོད་རློན་དམར་ཆེན་འཐུང་བ་ནི། །
234a3 འཁོར་བའི་སྡུག་བསྔལ་ཁྲག་ལྟར་འཐུང་བའི་རྟགས། །བོང་བུ་གྭ་པ་ཕྱིན་ཕྱོགས་ཞོན་པ་ནི། །ལོག་པར་ལྟ་བའི་སེམས་ཅན་སྒྲོལ་བའི་རྟགས། །སྲིན་པོའི་ཨག་མས་སྔ་རུ་བྱས་པ་ནི། །སྲིན་ཡུལ་ལང་ཀ་པུ་ར
234a4 འདུལ་བའི་རྟགས། །སྦྲུལ་ནག་ཆུན་པོས་གོང་སྨེད་བྱས་པ་ནི། །ཞེ་སྡང་དབང་གིས་བགེགས་རིགས་འཇོམས་པའི་རྟགས། །རུ་སྦལ་ནག་པོའི་ཕོག་བུ་བཏང་བ་ནི། །ཀླུ་བདུད་ནག་པོ་དམ་ལ་བཏགས་པའི་རྟགས། །
234a5 སྔ་ཤ་གཡས་པ་བདུད་ཀྱི་ཁྲམ་བས་ནི། །དམ་ཚིག་ཉམས་པ་ཁྲམ་ལ་འདེབས་པའི་རྟགས། །ཕྱི་ཤར་ནད་ཀྱི་རྐྱལ་པ་བཏགས་པ་ནི། །བསྟན་པ་འདི་ལ་གནོད་པའི་དགྲ་བོ་ལ། །ནད་ཀ་འབེབས་ཤིང་དལ་ཁ་བསྒྱུར
234a6 བའི་རྟགས། །དོན་དམ་བཅུད་ཀྱི་རྟགསུ་ཞག་གི་ཟོར་རིས་བཏང་། །ཐུགས་རྗེ་ཆགས་པའི་རྟགསུ་རག་ཏའི་ཐིག་ལེས་བརྒྱན། །འདུལ་བྱེད་ཕྲིན་ལས་རྟགསུ་ཐལ་བའི་མཚན་མས་བཏབ། །མ་མོ་འབུམ་ཕྲག་བྲན
234a7 དུ་འཁོལ་བ་ནི། །ཁམས་གསུམ་ཁྱབ་པར་ཕྲིན་ལས་མཛད་པའི་རྟགས། །མ་གཅིག་ཁ་ནས་མེ་འབར་རྒྱ་མཚོ་སྐེམས། །ལག་ན་རྡོ་རྗེ་འཕྱར་བས་རི་རབ་ཚོགས་པོར་འཕེན། །བདག་གིས་བརྩོན་པར་ལྷ་མོ་ཁྱོད
234a8 ལ་བསྟོད། །དེ་ནས་ཡང་གཤིན་རྗེ་ནག་པོས་དཔལ་ལྷ་མོ་ལ་ཆེ་བའི་ཡོན་ཏན་གྱི་སྒོ་ནས་བསྟོད་པ། ལྷ་མོ་དཔལྡན་མཁའགྲོ་ནག་མོ་ཁྱོད་ལ་ནི། །རྒྱུན་དུ་ཏིལ་མར་གྱིས་བྱུགས་ལན་བུ་གཅིག་མ་སྟེ། །རོ་ཉེ་རྣ་ཆས་བསྒྱིངས
iiif viewer powered by OpenSeadragon
