| e-texts navigator |
| Wylie |
233b1 ཞིང་གསོལ་བཏབ་ནས། །དགེ་བ་འདི་ཡིས་ངན་སོང་སྟོངས་གྱུར་ཏེ། །ཐམས་ཅད་ཚོགས་རྫོགས་བྱང་ཆུབ་ཆེན་པོར་བསྔོ། །དེ་ནས་དཔལྡན་ལྷ་མོ་ནག་མོ་ལ། ནམཁའི་ལྷ་བྲན་རྣམས་ཀྱིས་བསྟོད་པ། བསྐལ་པ་མེ་ལྟར་འབར་བའི
233b2 ཀློང་དཀྱིལ་ན། །རླུང་ནག་དགུ་པའི་ཀློང་འཁྱིལ་ཕོ་བྲང་ནས། །མ་ཅིག་འདོད་པའི་ཁམས་ཀྱི་དབང་ཕྱུག་མ། །བདུད་ཀྱི་ཡུམ་ལ་གཤིན་རྗེའི་ལྕམ་ཅིག་མ། །དཔལྡན་ལྷ་མོ་ནག་མོ་རེ་མ་ཏི། །ནག་མོ་ཟ་བྱེད་རྔམ་པའི་མཆེ་བ་ཅན། །
233b3 མཐིང་ནག་གཅེར་བུ་ཁྲག་གི་རལ་པ་ཅན། །ཁྱོད་ཀྱི་སྐུ་མདོག་ནག་མོར་བཞུགས་པ་ནི། །དོན་དམ་དབྱིངས་ཀྱིས་བསྐྱོད་པ་མེད་པའི་རྟགས། །དབུ་སྐྲ་གཡས་ནས་གཡོན་དུ་འཁྱིལ་པ་ནི། །ཡུམ་གྱི་མཁའ་ལ་སྤྲུལ་པ་འགྱེད
233b4 པའི་རྟགས། །དབུ་གཙུག་རལ་པ་གཅིག་ཏུ་འཁྱིལ་པ་ནི། །དོན་དམ་དགོངས་སྤྱོད་གཅིག་ཏུ་མཛད་པའི་རྟགས། །རལ་པའི་གསེབ་ནས་མེ་སྟག་འཕྲོ་བ་ནི། །ཐུགས་ཀྱི་སྤྲུལ་པ་ཕྱོགས་བཅུར་འགྱེད་པའི་རྟགས། །དབུ་ལ་ཐོད
233b5 རློན་ཕྲེང་བ་བཅིངས་པ་ནི། །ཐུགས་རྗེས་སྤྲུལ་སྐུས་འགྲོ་དོན་མཛད་པའི་རྟགས། །སྙན་ཆ་གཡས་ན་སེང་གེ་མཆོང་བ་ནི། །སྨན་མོ་ཐམས་ཅད་ཟིལ་གྱིས་གནོན་པའི་རྟགས། །གཡོན་ན་སྦྲུལ་མགོའི་གདེངས་ཀ་འཕྱར་བ་ནི། །ཞེ་སྡང
233b6 མ་སྤངས་དབྱིངསུ་དག་པའི་རྟགས། །སྙན་ཆ་གསེར་གྱི་དྲིལ་བུ་འཁྲོལ་བ་ནི། །སངས་རྒྱས་ཀུན་ལ་བསྙེན་སྒྲུབ་བྱེད་པའི་རྟགས། །སྤྱན་ཙ་དམར་ལ་སྡང་མིག་བགྲད་པ་ནི། །སྲིད་གསུམ་རྣལ་འབྱོར་དམ་ཚིག་བྱ་ར་བྱེད། །
233b7 ཞལ་གྱི་དྲག་པོ་ཧོམ་ཁུང་གདེངས་པ་ནི། །བསྟན་པ་འཇིག་པའི་རུ་ཏྲ་སྒྲོལ་བའི་རྟགས། །རྣོ་གདུག་མཆེ་བ་ཟུར་གསུམ་གཙིགས་པ་ནི། །བསྒྲལ་བའི་ཞིང་བཅུ་ས་ལ་སྒྲོལ་བའི་རྟགས། །སྐུ་ལ་ཞིང་ལྤགས་གཡང་གཞི་གསོལ
233b8 བ་ནི། །ཡང་དག་ཆོས་དང་དོན་དང་ལྡན་པའི་རྟགས། །གླང་ཆེན་ཀོ་རློན་སྣམ་ཕྱེད་དཀྲིས་པ་ནི། །ཐེག་པ་མཆོག་གི་དོན་དང་ལྡན་པའི་རྟགས། །རེ་ལྡེ་ནག་པོ་སྣམ་ཕྱེད་དཀྲིས་པ་ནི། །འཇིག་རྟེན་འདི་ན་ཆེ་བཙན་ལྡན་པའི་རྟགས། །
iiif viewer powered by OpenSeadragon
