| e-texts navigator |
| Wylie |
232b1 དབང་གི་ཕྲིན་ལས་ཐམས་ཅད་གྲུབ་པར་མཛོད། །སྐུ་གསུང་ཐུགས་ལྡན་སྤྲུལ་པ་རྒྱ་མཚོ་མ། །དྲག་པོ་འཇོམས་མཛད་བདུད་དཔུང་ཟིལ་གྱིས་གནོན། །འགྲོ་དྲུག་སྒྲོལ་མཛད་སེམས་ཅན་ཀུན་གྱི་མ། །བསྟན་པ་རྒྱས་མཛད
232b2 མ་ལ་ཕྱག་འཚལ་བསྟོད། །བདག་གི་ལུས་ངག་ཡིད་གསུམ་བྱིན་གྱིས་རློབས། །དེ་ནས་དཔལ་ལྷ་མོ་ལ་ལྷ་མ་ཡིན་གྱི་རྒྱལ་པོ་ཐག་ཟངས་རིས་ཀྱིས་དོན་དམ་པའི་སྒོ་ནས་བསྟོད་པ། སྤྲོས་བྲལ་འོད་གསལ་ཡང་དག་ཞི་བའི
232b3 ངང་། །ཐུགས་ཀྱི་ཐུགས་མཆོག་རྣམ་དག་བདེན་པའི་ཡུམ། །གདོད་ནས་གཉིས་མེད་ནམཁའི་སྙིང་པོ་ནི། །དཔལ་ལྡན་ཁྱོད་ཀྱི་རང་བཞིན་ཁྱད་པར་གསལ། །འདི་ལྟར་རྣམ་དག་བརྗོད་མེད་ངོ་བོ་ལ། །བྱིས་པ་རྣམས་ཀྱིས་བསྟོད་པ
232b4 བྱེད་པ་ལྟུང་། །བླུན་པོ་རྣམས་ཀྱིས་དངོས་པོར་རབ་བརྟགས་ནས། །གཟུགས་ཅན་ཚུལ་དུ་གང་ཞིག་བསྟོད་པའི་ཚིག་།རྒྱལ་བའི་དོན་སྤངས་ཐུགས་ཆུད་ཁྱོད་ཉིད་ལ། །ཚིག་དང་ཡི་གེའི་སྒོ་ནས་བསྟོད་པ་རྣམས། །ནམ་ཀྱང་གྲོལ
232b5 བར་འགྱུར་བའི་ཆོས་ཉིད་མིན། །གདོད་ནས་གཉིས་མེད་བདེ་ཆེན་མ་རྟོགས་པར། །ཁྱོད་ཀྱི་སྨོན་ལམ་རྟགས་ཀྱི་ཆོ་འཕྲུལ་ལ། །དོན་དུ་བཟུང་ནས་གང་ཞིག་བསྟོད་པ་རྣམས། །ཁྱོད་ལ་བརྟེན་ནས་ཐ~ཾད་ལྟུང་བར་འགྱུར། །གང་ཞིག
232b6 སྐྱེ་བ་མེད་པར་ཤེས་པ་དང་། །གདོད་ནས་གཉིས་མེད་སྙིང་པོ་བསྒོམས་ནུས་ན། །གང་ཟག་དེས་ནི་ཁྱོད་ཉིད་བསྟོད་པ་ཡིན། །ཁྱོད་ཀྱི་གཟུགས་དང་ཁ་དོག་འཛིན་པ་ཡིས། །བསྐལ་པ་གྲངས་མེད་འདས་པར་རབ་བལྟས་ཀྱང་། །
232b7 ཁྱོད་ཀྱི་གཟུགས་དང་ཁ་དོག་མཐོང་མི་ནུས། །གང་ཞིག་གཟུགསུ་མི་འཛིན་རྣམས་ཀྱི་མཐོང་། །སྒྲ་དང་ཚིག་དང་བརྗོད་པ་ཐམས་ཅད་ཀྱིས། །ཁྱོད་ནི་བོས་ཀྱང་བསྐལ་པར་མི་ཐོས་ཏེ། །འདི་དག་སྤངས་པའི་རྣལ་འབྱོར
232b8 དེ་ཡིས་ནི། །ཁྱོད་ཀྱང་ཐོས་ལ་དེ་ཡང་ཁྱོད་ཀྱིས་ཐོས། །གང་ཞིག་ལུས་ངག་དགེ་བས་ཁྱོད་བསྒྲུབ་པའི། །བླུན་པོ་དེ་ཡིས་ནཾ་ཀྱང་ཁྱོད་ཉིད་སྤངས། །ལུས་ངག་སྤངས་པའི་སེཾས་ཀྱིས་ཁྱོད་མཆོད་ནས། །མཆོད་ན་དངོས་གྲུབ་དེ་ཡིས་སྟེར་ཐོབ་འགྱུར། །
iiif viewer powered by OpenSeadragon
