| e-texts navigator |
| Wylie |
230b1 ལྔ་པའི་ས་ལ་བསམ་གཏན་ཕ་རོལ་སོན། །རང་སེམས་དྲུག་པའི་ས་ལ་ཆེར་སྦྱངས་པས། །བདུན་པ་ལ་ནི་ཐབས་ཀྱི་ཕ་རོལ་སོན། །རང་སེམས་བརྒྱད་པ་ཉིད་ལ་ཆེར་བསྒོམས་པས། །དཔལ་ལྡན་ལྷ་མོ་ནག་མོ་སྨོན་ལམ་ཉིད། །དགུ་པ་ལ་ཡང་སྟོབས་ཀྱི
230b2 ཡོན་ཏན་སྒྲུབ། །དེ་ཡི་སྟོབས་ཀྱི་ཡེ་ཤེས་འཕེན་པར་འགྲུབ། །འདི་དག་རྣམ་པར་རྫོགས་པར་བྱས་ནས་ནི། །སངས་རྒྱས་ས་ལ་སྨིན་པའི་སྨོན་ལམ་ཅན། །ས་བརྒྱད་ནོན་པས་གཞོན་ནུའི་ཚུལ་འཆང་མ། །འགྲོ་བ་འདུལ་ཕྱིར་དྲག་མོའི
230b3 ཚུལ་སྟོན་ཅིང་། །གདུག་པ་འདུལ་མཛད་ཁྱོད་ལ་ཕྱག་འཚལ་བསྟོད། །བདག་ཀྱང་ཁྱོད་ཀྱི་ལམ་ལྟར་མྱུར་འགྲུབ་ཤོག་།དེ་ནས་མི་འམ་ཅིའི་རྒྱལ་པོ་ལྗོན་པ་རྟ་མགོ་ཅན་གྱིས་དཔལ་ལྷ་མོ་ནག་མོ་ཆེན་མོ་ལ་གཉིསུ་མེད་པའི
230b4 བསྒོ་ནས་བསྟོད་པ། དཔལ་ལྡན་ལྷ་མོ་གཉིསུ་མེད་པ་སྟེ། །དོན་དམ་སྤྲོས་བྲལ་ཆོས་ཉིད་འདི་ལས་བརྩལ། །དོན་དམ་ཀུན་རྫོབ་གཉིསུ་མེད་པ་བདེན། །འཁོར་བ་མྱང་འདས་གཉིསུ་མེད་པས་ཟབ། །སེམས་ཅན་སངས་རྒྱས
230b5 གཉིསུ་མེད་པས་འཕགས། །ལས་དང་རྣམ་སྨིན་གཉིསུ་མེད་པས་བསྟོད། །རྒྱུ་དང་འབྲས་བུ་གཉིས་སུ་མེད་པས་སྨིན། །ཡུལ་དང་ཡུལ་ཅན་གཉིས་མེད་གཅིག་གི་ངང་། །སྤྲོས་དང་སྤྲོས་མེད་དོན་དམ་དབྱིངས་ཀྱིས་བསྡུས། །བསོད་ནཾས
230b6 ཡེ་ཤེས་གཉིས་མེད་ཚོགས་ཆེན་ཏེ། །མཐོང་དང་དམ་པ་གཉིས་མེད་དག་པས་བསྟོད། །བདག་དང་གཞན་གྱི་ཆོས་ནི་ངང་ཚུལ་གཅིག་།གཟུང་དང་འཛིན་པ་གཉིས་མེད་ཟབ་མོའི་མཐུ། །མཐོ་རིས་ངན་སོང་གཉིས་བྲལ་དག་པའི
230b7 ཞིང་། །བཟང་ངན་གཉིས་མེད་རང་བཞིན་གཅིག་གིས་བསྟོད། །བསྐྱེད་མེད་རྫོགས་པ་གཉིས་མེད་ལྷུན་གྲུབ་མཆོག་།སེམས་དང་ཕུང་པོ་གཉིས་མེད་སེམས་ཉིད་དེ། །སྒྲུབ་དང་བསྒྲུབ་བྱ་གཉིས་མེད་གྲུབ་པའི་ངང་། །བདགཞན
230b8 གཉིས་མེད་ཚུལ་མཆོག་གཅིག་གིས་བསྐྱོད། །ཡབ་དང་ཡུམ་མཁའ་གཉིས་མེད་བྱང་ཆུབ་སེམས། །ཐབས་དང་ཤེས་རབ་གཉིསུ་མེད་པའི་དོན། །སྟོང་དང་མི་སྟོང་གཉིས་མེད་ཞི་བའི་ངང་། །གྱུར་དང་འགྱུར་མེད་རྩོལ་བྲལ་ཕྱག་འཚལ
iiif viewer powered by OpenSeadragon
