| e-texts navigator |
| Wylie |
230a1 སྦྱིན་པ་ཡིས། །ཏིང་འཛིན་རྩེ་གཅིག་མི་གཡོ་བར་ཆད་སྤངས། །དགོས་འབྲེལ་ཚུལ་གྱིས་བསྟན་པ་སྐྱོང་མཛད་མ། །བྱིས་པ་འདུལ་མཛད་ཁྱོད་ལ་ཕྱག་འཚལ་བསྟོད། །ང་རྒྱལ་ཁེངས་སེམས་སྤངས་པའི་ཡོན་ཏན་གྱིས། །ཞི་བའི་ཚིག་འཇམ་ལྷ་མོ་དབྱངས
230a2 སྙན་མ། །ཚིག་རྩུབ་གཤེ་བའི་གཉེན་པོ་བྱེད་པ་སྟེ། །ངག་རྩུབ་འདུལ་མཛད་ཁྱོད་ལ་ཕྱག་འཚལ་བསྟོད། །རང་སེམས་བརྣབ་སེམས་སྤངས་པའི་ཁྱད་པར་ནི། །འཛིན་པའི་རྣམ་རྟོག་རྣམ་པར་སྤངས་པའི་རྟགས། །བདག་མེད་རྟགསུ་སེང་གེས་རྣ་བ་བརྒྱན། །བརྣབ་སེམས་སྤངས
230a3 པ་ཁྱོད་ལ་ཕྱག་འཚལ་བསྟོད། །གཟུང་བའི་ཡུལ་ལ་གནོད་སེམས་རྣམ་པར་སྤངས། །ཕྱི་རོལ་ཡུལ་འདི་གཉིས་མེད་ཆོསུ་གཟིགས། །གང་ལ་གནོད་སེམས་ཡང་དག་སྤངས་པའི་རྟགས། །སྦྲུལ་གྱི་རྣ་བརྒྱན་ཅན་ལ་ཕྱག་འཚལ་བསྟོད། །ལོག་པར་ལྟ་བའི་ཆོས
230a4 ཕྱོགས་རྣམ་སྤངས་ཏེ། །སངས་རྒྱས་ཆོས་ལས་འཁྲུངས་པའི་གཟུགས་བརྙན་ཁྱོད། །ལྟ་བ་རྣམ་པར་དག་པའི་ངང་ཚུལ་ཅན། །སྤྲོས་བྲལ་དོན་དམ་སྟོན་ལ་ཕྱག་འཚལ་བསྟོད། །འཇིག་རྟེན་འདི་ན་ལས་གཉིས་དག་མ་དག་།མ་དག་མི་དགེ་བཅུ་ལས་ངན་སོང་གྲུབ། །
230a5 དག་པའི་དགེ་བ་བཅུ་ལས་མཐོ་རིས་གྲུབ། །ལས་འདི་དགེ་བ་དང་པོར་རབ་སྦྱངས་པས། །གོ་ནས་གོང་མའི་ས་ལ་རབ་གནས་ཀྱང་། །དགེ་བ་བཅུ་ཡི་རྟགས་ནི་དམན་པའི་ཞིང་འདིར་བསྟན། །གདུག་པའི་ངང་ཚུལ་ཅན་གྱིས་འགྲོ་བ་འདྲེན་མཛད་མ། །བསྟོད་པར་འོས་པ
230a6 ཁྱོད་ལ་ཕྱག་འཚལ་བསྟོད། །དེ་ནས་དཔལ་ལྷ་མོ་ནག་མོ་ཆེན་མོ་ལ། གནོད་སྦྱིན་གྱི་རྒྱལ་པོ་རྣམ་ཐོས་སྲས་ཀྱིས་ལམ་རྣམ་པ་ལྔའི་ཚུལ་གྱིས་བསྟོད་པ། དམ་པ་རྣཾས་ཀྱིས་བགྲོད་པའི་ཁྱད་པར་ནི། །ཚོགས་ཀྱིས་སྦྱངས་ནས་དོན་དམ་མཐོང་བ་ཡི། །གཉེན་པོ་ཡེ
230a7 ཤེས་རིམ་པར་སྒོམ་པ་ལ། །མཐར་ཕྱིན་པ་ལ་གཤེགས་པའི་དོན་མཆོག་ལགས། །དེ་བས་ལྷ་མོ་ཁྱོད་ཀྱི་མཚན་ཉིད་ནི། །འདི་ལྟར་རབ་ལྡན་ཁྱོད་ཀྱི་ཁྱད་པར་ཏེ། །དང་པོའི་ཚོགས་ལས་ཡང་དག་རབ་བསགས་པས། །དང་པོ་ས་ལས་སྦྱོར་བའི་ཏིང་འཛིན་བརྙེས། །
230a8 རབ་ཏུ་དགའ་བའི་ས་ལ་དོན་དམ་ནི། །རྣམ་པར་མི་རྟོག་སྐྱེ་མེད་ཚུལ་གྱིས་གཟིགས། །དཔལྡན་བྱང་ཆུབ་སེམས་དཔའི་ཁྱད་པར་ནི། །རང་སེམས་ས་གཉིས་དག་ལ་རབ་བརྟེན་ནས། །དེ་བཞིན་ས་གསུཾ་དག་པའི་ཕ་རོལ་སོན། །རང་སེམས་བཞི་པའི་ས་ལ་ཆེར་བསྒོཾས་པས། །
iiif viewer powered by OpenSeadragon
