| e-texts navigator |
| Wylie |
216b1 བཅུ་གཉིས་པ་བྱས་པའི་དབུས་སུ་མཆོད་པར་བྱའོ། །ཁམ་པ་འམ། ཟངས་ལ་སོགས་པ་འམ། གསེར་དང་དངུལ་གྱི་སྣོད་དུ་མཆོད་ཡོན་ཕུལ་ནས། རེ་རེ་ལ་ཡང་བཟླས་བརྗོད་བརྒྱ་རྩ་བརྒྱད
216b2 བྱའོ། །ལག་ན་རྡོ་རྗེ་དེའི་འོག་ཏུ་གཟའ་རྣམས་ཀྱི་ཡུམ་ཞེས་བྱ་བའི་གཟུངས་ཀྱི་གསང་སྔགས་ཀྱི་ཚིག་ལན་བདུན་བརྗོད་པར་བྱའོ། །དེ་ནས་གཟའ་རྣམས་ཐ~ཾད་བསྲུང་བ་བྱེད་པར་འགྱུར་རོ། །
216b3 དབུལ་བའི་གདོན་ལས་ཐར་བར་འགྱུར་རོ། །ཚེ་ཟད་པ་ལས་ཚེ་རིང་པོར་བྱེད་པར་འགྱུར་རོ། །ལག་ན་རྡོ་རྗེ་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། གཞན
216b4 ཡང་སེམས་ཅན་གྱི་རིགས་གང་ཡིན་པ་དང་། གང་དག་གིས་རྣ་ལམ་དུ་གྲག་པ་དེ་དག་ཀྱང་དུས་མ་ཡིན་པར་འཆི་བའི་དུས་བྱེད་པར་མི་འགྱུར་རོ། །ཕྱག་ན་རྡོ་རྗེ་གཟའ་རྣམས་ཀྱི་དཀྱིལ་འཁོར་གྱི་དབུསུ
216b5 མཆོད་པར་བྱ་སྟེ། ཉིན་གཅིག་བཞིན་དུ་ཀློག་པར་བྱེད་པའི་ཆོས་སྨྲ་བ་གང་ཡིན་པ་དེ་ལ་གཟའ་ཐ~ཾད་བདག་ཉིད་ཀུན་གྱིས་བསམ་པ་ཐ~ཾད་ཡོངསུ་རྫོགས་པར་བྱེད་པར་འགྱུར་རོ། །དེ་དང་རིགས་གཅིག
216b6 པ་རྣམས་ཀྱི་དབུལ་བ་ཡང་སེལ་བར་བྱེད་དོ། །དེ་ནས་བཅྡོཾས་དེ་བཞིན་གཤེགས་པ་ཤཱཀྱ་ཐུབ་པས་གཟའ་རྣམས་ཀྱི་ཡུམ་ཞེས་བྱ་བ་བཀའ་སྩལ་པ། སངས་རྒྱས་ལ་ཕྱག་འཚལ་ལོ། །
216b7 རྡོ་རྗེ་འཆང་ལ་ཕྱག་འཚལ་ལོ། །པད་མ་འཆང་ལ་ཕྱག་འཚལ་ལོ། །བསམ་པ་ཐ~ཾད་ཡོངསུ་རྫོགས་པར་བྱེད་པའི་གཟའ་རྣམས་ལ་ཕྱག་འཚལ་ལོ། །རྒྱུ་སྐར་རྣམས་ལ་ཕྱག་འཚལོ། །
216b8 གཟའ་ཁྱིམ་བཅུ་གཉིས་པོ་རྣམས་ལ་ཕྱག་འཚལོ། །ཏད་ཡ་ཐཱ། བུད་དྷེ་བུད་དྷེ། བཛྲེ་བཛྲེ། པདྨེ་པདྨེ། ས་ར་ས་ར། པྲ་ས་ར་པྲ་ས་ར། སྨ་ར་སྨ་ར། ཀྲཱི་ཌཱ་ཡ་ཀྲཱི་ཌཱ་ཡ།
iiif viewer powered by OpenSeadragon
