| e-texts navigator |
| Wylie |
215b1 བྱས་ཏེ་ཕྱག་འཚལ་ནས་སྤྱན་སྔར་འདུག་སྟེ། སྙེམས་པ་དང་བཅས་པས་སྐྱིལ་མོ་དཀྲུང་ལེགས་པར་བཅས་ནས། འཁོར་དེ་དག་ལ་འགྱིང་བག་ཏུ་བལྟས་ཏེ། རྡོ་རྗེའི་ཐལ་མོ་རང་གི་སྙིང་གར་བཞག
215b2 ནས། བཅྡོཾས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གཟའ་མི་བཟད་པ། མི་བཟད་པའི་གཟུགས་ཅན། དྲག་ཤུལ་གྱི་སེམས་དང་ལྡན་པ། ཁྲོ་བ། ཁྲོ་བའི་གཟུགས་ཅན་དག་སེམས
215b3 ཅན་ཐ~ཾད་ལ་འཚེ་བར་བགྱིད་པ། ཐོ་འཚམ་པར་བགྱིད་པ། མདངས་ཀྱང་འཕྲོག་པར་བགྱིད་ཅིང་། ཁ་གཅིག་ནོར་ཟས་འཕྲོག་པར་བགྱིད། ཁ་ཅིག་ནི་སྲོག་འཕྲོག་པར་བགྱིད། སེམས་ཅན་ཚེ་རིང་བ་ཁ་ཅིག་ནི་ཚེ་ཐུང་ངུར་བགྱིད
215b4 དོ། །དེ་ལྟར་སེམས་ཅན་ཐམས་ཅད་ལ་གནོད་ཅིང་འཚེ་བར་བགྱིད་པ་དེ་རྣམས་ཀྱི་སླད་དུ་བཅོམ་ལྡན་འདས་ཀྱིས་ཆོས་ཀྱི་རྣམས་གྲངས་གང་གིས་སེམས་ཅན་ཐཾད་ལ་བསྲུང་བར་འགྱུར་བ་བཤད
215b5 དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། གང་ཡང་ཁྱོད་ཀྱིས་སྙིང་རྗེ་བསྐྱེད་པས་སེམས་ཅན་ཐམས་ཅད་ལ་ཕན་པར་བྱ་བའི་ཕྱིར་གསང་ཆེན་བས་ཀྱང་ཆེས་གསང་བ་དེ་བཞིན་གཤེགས
215b6 པ་ལ་ཞུ་བར་བྱེད་པ་ལེགས་སོ་ལེགས་སོ། །དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། གཟའ་མི་བཟད་པའི་གཟུགས་ཅན་ཤིན་དུ་ཁྲོ་བ་དང་། ཤིན་དུ་འཇིགས་པར་བྱེད་པ
215b7 རྣམས་ཀྱིས་མཆོད་པ་དང་། མཆོད་ཡོན་དང་། བཟླས་བརྗོད་བཟང་པོ་གསང་བ་བས་ཀྱང་ཆེས་གསང་བ་ངས་བཤད་དོ། །དེ་དག་མཆོད་པས་མཆོད་གྱུར་ཅིང་། །གནོད་པ་བྱས་ན་གནོད་བྱེད་དང་། །
215b8 གཟའ་དེ་ཀུན་གྱི་ཁ་དོག་དང་། །ཇི་ལྟ་བུར་ནི་འགྱུར་བ་དང་། །ལྷ་རྣམས་དང་ནི་ལྷ་མིན་དང་། །མི་འམ་ཅི་དང་ཀླུ་དག་དང་། །གནོད་སྦྱིན་རྣམས་དང་སྲིན་པོ་དང་། །མི་རྣམས་དང་ནི་མི་མ་ཡིན། །དྲག་པོ
iiif viewer powered by OpenSeadragon
