| e-texts navigator |
| Wylie |
158a1 ཁྱབ། །དེ་བཞིན་ཐུགས་ཀྱང་བསམ་མི་ཁྱབ། །སྟོང་ཉིད་བསྒོམས་པའི་བདག་ཉིད་ཅན། །སྟོང་པའི་ཆོས་དང་ཡང་དག་ལྡན། །སྟོང་པ་ཉིད་ལ་ལྷག་པར་མོས། །སྲིད་པ་གསུམ་པོ་སྟོང་པར་སྟོན། །ཐམས་ཅད
158a2 མཁྱེན་ཅིང་ཐམས་ཅད་གཟིགས། །ས་རྣམས་ཀུན་གྱི་བདག་དང་ལྡན། །སེམས་ཅན་ཀུན་གྱི་མཆོག་ཏུ་གྱུར། །སེམས་ཅན་ཀུན་ཀྱིས་ཕྱག་བགྱིས་པ། །ངན་འགྲོ་ཀུན་དང་དེ་བཞིན་དུ། །མུ་སྟེགས་ཅན་རྣམས་ཐམས་ཅད་འཇོམས། །
158a3 ཕས་ཀྱི་རྒོལ་བ་ཚར་གཅོད་པ། །སྨྲ་བའི་སེང་གེ་མི་ཡི་མཆོག་།དུལ་ཞིང་ཉོན་མོངས་རྣམས་དང་བྲལ། །སྒྲིབ་པ་དྲི་མ་ཀུན་མི་མངའ། །སེམས་ཅན་ཐམས་ཅད་ཡོངས་སུ་སྐྱོབ། །གྲོལ་ཞིང་འཇིག་རྟེན་གྲོལ་མཛད་པ། །རལ་པ་མུན་ཛ་བརྟུལ
158a4 ཞུགས་ཅན། །ཚངས་པ་ཚངས་པའི་གནས་ན་བཞུགས། །བགྲང་ནོར་ཐོགས་ཤིང་ཕྱག་མཁར་བསྣམས། །དག་ཅིང་དག་ལ་རྣམས་དང་ལྡན། །འཇམ་པའི་དབྱངས་ཅན་མངའ་དབང་མཛད། །པད་མ་ལས་འཁྲུངས་པད་མའི་སྤྱན། །
158a5 པད་མའི་ཟེ་བའི་ཁ་དོག་འདྲ། །བཞུགས་པའི་གདན་ཁྲི་པད་མ་ལགས། །གཙང་མ་ཨུད་པལ་སྔོན་པོ་བསྣམས། །བསམ་དག་ཞི་བའི་ཐུགས་དང་ལྡན། །ཁྱོད་ནི་སངས་རྒྱས་རང་སངས་རྒྱས། །ཁྱོད་ནི་དང་པོའི་སངས་རྒྱས
158a6 ལགས། །རྫུ་འཕྲུལ་ལྡན་ཞིང་མངའ་དབང་བརྙེས། །བདེན་པ་བཞི་དག་སྟོན་པ་པོ། །འཇིག་རྟེན་སྐྱོང་བ་སྤྱན་སྟོང་མངའ། །ཁྱོད་ནི་དབང་ཕྱུག་སྐྱེ་དགུའི་བདག་།ཁྱོད་ནི་ཞི་བའི་སེམས་ཅན་རྣམས། །ཀུན་གྱི་མངའ་བདག་ཡོན
158a7 ཏན་གཙོ། །ཁྱོད་ནི་ཁྱུ་མཆོག་སྐྱེ་དགུའི་གཙོ། །ཐུ་བོ་དེ་བཞིན་ཚེ་རབས་དགོངས། །རྣམ་པར་འདྲེན་དང་འདུལ་མཛད་པ། །རྒྱལ་སྲས་རྒྱལ་བ་ཉིད་ལས་འཁྲུངས། །འོད་ཟེར་སྟོང་ལྡན་ཉི་མ་ཁྱོད། །ཟླ་བ་དང་ནི་ཕུར་བུ
158a8 འང་ཁྱོད། །རྣམ་ཐོས་བུ་དང་ཆུ་ལྷའང་ལགས། །དབང་ཕྱུག་ཆེ་ཁྱོད་ཁྱབ་འཇུག་ཁྱོད། །ཀླུའི་རྒྱལ་པོ་མཐའ་ཡས་ཁྱོད། །དེ་བཞིན་སྡེ་དཔོན་སྐེམ་བྱེད་ལགས། །ལྷ་མིན་དབང་པོ་ཐགས་ཟངས་རིས། །མི་དམར་གཟའ་ལག
iiif viewer powered by OpenSeadragon
