| e-texts navigator |
| Wylie |
153a1 ཕུན་སུམ་ཚོགས། །དཀོན་མཆོག་གསུམ་རིགས་དཔེ་མེད་པ། །རིན་ཆེན་མཐའ་ཡས་ཁྱོད་ཕྱག་འཚལ། །རྡོ་རྗེ་ཆེན་པོ་དྲི་མེད་མཆོག་།རྡོ་རྗེའི་མཚོན་བསྣམས་སྡིག་མི་མངའ། །ནམ་མཁའ་མ་ལུས་ཡུལ་དང
153a2 ལྡན། །ཡེ་ཤེས་སྤྱོད་ཡུལ་རྒྱ་མཚོ་མངའ། །དེ་བཞིན་གཤེག་དང་ཡུལ་གཅིག་པ། །སེལ་བ་པོ་སྟེ་དྲི་མ་སྦྱོང་། །ཤེས་རབ་ཆེན་པོ་རྒྱལ་བའི་སྲས། །སྲིད་བཅོད་ཁྱོད་ལ་ཕྱག་འཚལ་ལོ། །རྡོ་རྗེའི་དཀྱིལ་འཁོར་རྡོ་རྗེའི་མཆོག་།
153a3 རྡོ་རྗེས་འདུལ་བ་རྡོ་རྗེ་འཆང་། །རྡོ་རྗེ་རྩལ་ཅན་རྣམས་ཀྱི་རྩལ། །རྡོ་རྗེ་སྣང་བ་ཁྱོད་ཕྱག་འཚལ། །རིན་ཆེན་ཆེན་པོ་རིན་ཆེན་བློ། །རིན་ཆེན་རྡོ་རྗེ་འོད་ཆེ་བ། །རིན་ཆེན་འོད་མཛེས་རིན་ཆེན་འབྱུང་། །རིན་ཆེན་བསྟན་པ་བསྲུང་མཛད་པ། །
153a4 སྟོང་པ་ཉིད་ཀྱི་ཡུལ་བརྙེས་པ། །ཡེ་ཤེས་སྟོང་པ་ཉིད་ཀྱིས་སྟོན། །སྟོང་ཉིད་ལོངས་སྤྱོད་ཡུལ་དང་ལྡན། །སྟོང་ཉིད་མཆོག་ཁྱོད་ཕྱག་འཚལ་ལོ། །ཤེས་རབ་མཚུངས་མེད་ཤེས་རབ་ཅན། །དགེ་བ་རྣམ་དག་ས་དང་བྲལ། །
153a5 ཆོས་གཅིག་ལས་བྱུང་སྣང་བ་པོ། །འཇིག་རྟེན་འདས་པའི་ཚུལ་ཆེན་ལགས། །འཇིག་རྟེན་སྣང་མཛད་སྨྲ་མཁས་པ། །འཇིག་རྟེན་ཆོས་ལས་རྣམ་པར་འདས། །འཇིག་རྟེན་མཁྱེན་པའི་ཡོན་ཏན་བརྙེས། །
153a6 བརྒྱན་པར་མཛད་པ་དཀྱིལ་འཁོར་དག་།ཉེས་པ་མ་ལུས་བསལ་བ་ཏེ། །ཕལ་ཆེན་སྐྱེ་བོ་ཀུན་ལ་ཕན། །ས་འཛིན་རྣམ་པར་གྲགས་པ་པོ། །ཀུན་མཁྱེན་ཁྱོད་ལ་ཕྱག་འཚལ་ལོ། །དགའ་མཁྱེན་དགའ་ལ་ལོངས་སྤྱོད
153a7 པ། །དགའ་བའི་རིག་མཆོག་རྣམས་ཀྱི་མཆོག་།དགའ་བར་མཛད་པའི་རྟོག་པ་ཅན། །དགའ་ལ་སྣང་བ་ཁྱོད་ཕྱག་འཚལ། །སྒེག་ཆེན་འཇམ་ཞིང་དགོངས་པར་ལྡན། །རྣམ་པར་བསྒེག་ལ་སྤྱོད་པ་བརྟན། །
153a8 རྡོ་རྗེའི་རིག་པ་བསྒེག་པའི་མཆོག་།སྒེག་ཆེན་ཁྱོད་ལ་ཕྱག་འཚལ་ལོ། །སངས་རྒྱས་བྱང་ཆུབ་སེམས་དཔའི་མཆོག་།རྡོ་རྗེ་མཆོག་གི་དཀྱིལ་འཁོར་ཆེ། །ཐེག་པ་ཆེན་པོའི་ཚུལ་ལ་གནས། །
iiif viewer powered by OpenSeadragon
