| e-texts navigator |
| Wylie |
151a1 ཆོས་ཀྱིས་སྤྲིན། །ས་ཆེན་དམ་པ་དེ་དག་ཀྱང་། །གང་ཞིག་ངེས་གནས་འདོད་པ་ཡི། །སེམས་ཅན་ཆེན་པོས་མི་ཐོགས་པར། །ཚེ་ཟད་ནས་ནི་ཐོབ་པར་འགྱུར། །སྡིག་པ་ཐམས་ཅད་རྣམ་དག་དང་། །སེམས་ཅན་ཀུན
151a2 ལ་སྡུག་པ་དང་། །སྤྲོས་པ་ཐམས་ཅད་ཞི་བ་ཡི། །བྱང་ཆུབ་བླ་མེད་ཐོབ་པར་འགྱུར། །རིག་སྔགས་འཆང་ཀུན་བསྐྱེད་པ་དང་། །སྡིགས་པ་ཐམས་ཅད་ཞི་བྱེད་ཅིང་། །བཀྲ་ཤིས་མཆོག་ཏུ་དགེ་བ་ཡི། །མིང་བརྒྱ་ཙ་བརྒྱད་ཡིད་འོང
151a3 འདི། །སོར་མོ་བཅུ་ཡི་ཐལ་སྦྱར་ནས། །འཇམ་པའི་དབྱངས་ཀྱིས་མདུན་འདུག་ལ། །ཤིན་ཏུ་དང་བའི་སེམས་ཀྱིས་སུ། །ནང་པར་ལངས་ནས་སུ་བརྗོད་པ། །དེ་ལ་རིག་སྔགས་འཆང་ཀུན་དང་། །དེ་བཞིན་ལྷའི་བདག
151a4 པོ་རྣམས། །གནོད་སྦྱིན་སྲིན་པོ་མང་པོ་དག་།རྟག་ཏུ་ཡང་ནི་བསྲུང་བར་བྱེད། །དེ་བཞིན་གཤེགས་པའི་སྲས་ཀུན་དང་། །དེ་བཞིན་གཤེགས་པ་ཉིད་རྣམས་དང་། །དེ་བཞིན་རྡོ་རྗེའི་མཚོན་འཆང་རྣམས། །དེ་ལ་ངེས་པར
151a5 བསྲུང་བར་བྱེད། །དེ་ནས་སངས་རྒྱས་སྐུར་བཞུགས་ཤིང་། །མཉམ་པར་བཞག་པར་སྣང་བར་འགྱུར། །གནོད་སྦྱིན་ལྷའི་བདག་པོ་རྣམས། །བགེགས་དང་ལོག་འདྲེན་ཆེན་པོ་དག་།དགའ་ཞིང་བསམ་པ་དམ་པ་ཡིས། །
151a6 རྒྱང་མ་དག་ནས་ཕྱག་ཀྱང་འཚལ། །དེ་ཕྱིར་བགེགས་རྣམས་དགའ་གྱུར་པས། །འཚེ་བར་བྱེད་ཀྱང་མི་ནུས་སོ། །ལན་གཅིག་ཀླགས་ན་ཚངས་ཆེན་དང་། །བསོད་ནམས་མཉམ་པ་ཐོབ་པར་འགྱུར། །
151a7 ཤེས་རབ་ཆེན་པོ་གང་ཞིག་གིས། །ཉིན་རེ་མཚན་མཆོག་བརྗོད་བྱས་ན། །དྲི་མ་མེད་ཅིང་རབ་དག་ལ། །རབ་ཏུ་འོད་གསལ་སྒྲ་སྙན་དང་། །སེམས་ཅན་ཐམས་ཅད་དགའ་བའི། །ཡིད་དུ་འོང་བའི
151a8 གནས་ཀྱང་འཐོབ། །མཚུངས་པ་མེད་ཅིང་སྟོབས་བསྐྱེད་ལམ་མཆོག་འགྲོ་བ་དང་། །འོད་གསལ་དམ་ཚིག་ཅན་གྱི་ལྷ་རྣམས་ཀྱིས་བསྟོད་ཅིང་། །ཡིད་འཕྲོག་ལྷ་དང་ལྷ་མིན་ཚོགས་ཏེ་འདུན་པ་ཡི། །
iiif viewer powered by OpenSeadragon
