| e-texts navigator |
| Wylie |
247a1 མཉམ་པར་བཞག་ཅིང་གཙང་སྦྲས་རབ་ཏུ་འཇུག་པར་བྱའོ། །དེ་ལྟར་བྱས་ན་ཞག་བདུན་པའི་ཚེ་ལོ་བདུན་དུ་འཚོ་བར་འགྱུརོ། །ལོ་བདུན་པའི་ཚེ་ནི་དེ་ལྟར་ཚེ་མཆོག་འཐོབ་ཅིང་ནད་ལས་རྣམས་པར་གྲོལ་ནས་ལོ
247a2 བརྒྱར་འཚོ་བར་འགྱུར་རོ། །དུས་མ་ཡིན་པའི་འཆི་བ་ཡང་ཐམས་ཅད་དུ་རྙེད་པར་མི་འགྱུར་རོ། །དེ་ལྟ་བུའི་ཉེ་བར་སྤྱོད་པའི་རིམ་པ་ལས་གཞན་དུ་བྱས་ན་དེ་ཡི་འགྲུབ་པ་མ་ཡིན་ནོ། །རབ་དུ་བྱེད་པ་དང་པོའོ།། །།རྟོག་པ་འདི་ཡང
247a3 དག་པའི་དགེ་བའི་བཤེས་གཉེན་སྡོམ་བརྩོན་དམ་པ་འདུལ་བའི་གཙུག་ལག་ལ་ཟླ་མེད་པར་སྨྲ་བ་ནེའུ་མཁན་པོའི་གསུང་བཞིན་དུ། མང་དུ་ཐོས་པའི་ལོ་ཙྪ་བ་གནས་བརྟན་དཔལ་ཉི་མ་རྒྱལ་མཚན་བཟང་པོས་དཔལ་ཐར་པ་གླིང
247a4 གི་གཙུག་ལག་ཁང་དུ་རང་གིས་བསྒྱུར་བའོ། ། @#། །རྒྱ་གར་སྐད་དུ། སརྦ་ཏ་ཐ་ག་ཏ་ཨུཥྞཱི་ཥ་བི་ཛ་ཡ་ན་མ་ཧ་རི་ཎི་ཀལ་པ་ས་ཧི་ཏ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ་བ་ཞེས་བྱ་བའི
247a5 གཟུངས་རྟོག་པ་དང་བཅས་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར
247a6 རྫོགས་པའི་སངས་རྒྱས་ཚེ་དཔག་ཏུ་མེད་པ་བདེ་བ་ཅན་གྱི་ཆོས་ཡང་དག་པར་སྡུད་པའི་ཁང་བཟང་མཆོག་ན་ཉེ་བར་བཞུགས་སོ། །དེ་ནས་འཁོར་ཀྱི་དཀྱིལ་འཁོར་ལ་ཉེ་བར་གཟིགས་ཏེ། འཕགས་པ་སྤྱན་རས་གཟིགས་དབང
247a7 ཕྱུག་ལ་བཀའ་སྩལ་པ། ཀྱེ་བྱང་ཆུབ་སེམས་དཔའ་སེམས་དཔའ་ཆེན་པོ་རིགས་ཀྱི་བུ་དང་། རིགས་ཀྱིས་བུ་མོ་སྡུགས་བསྔལ་བ་ནད་ཀྱིས་ཡོངས་སུ་གཟིར་པའི་སེམས་ཅན་ཚེ་ཐུང་བ་རྣམ་ཡོད་དེ། དེ་རྣམ་ཀྱི་ཕྱིར་སེམས
247a8 ཅན་ཐམས་ཅད་ལ་ཀུན་དུ་གཟིགས་པའི་མཚན་གྱི་དཔལ་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམས་པར་རྒྱལ་བ་ཞེས་བྱས་བའི་གཟུངས་འདི་ཉིད་བཅང་བ་དང་བཀླག་པ་དང་། གཞན་ལ་རྒྱ་ཆེར་ཡང་དག་པར་བསྟན
iiif viewer powered by OpenSeadragon
