| e-texts navigator |
| Wylie |
246b1 བཞུགས་པར་བྱའོ། །ཤོག་གུ་འམ་ལོ་མ་ལ་སྔགས་ཀྱི་ཡི་གེ་སྒྲུབ་པ་པོའི་མིང་ཅན་ཡང་བཞུགས་པར་བྱའོ། །བུམ་པ་ཆུ་ཡིས་བཀང་བ་ཡང་བཞག་པར་བྱའོ། །པད་མའི་ཕྱི་རོལ་ཕྱོགས་བཞིར་བུམ་པ་བཞི་ཡང་བཞག་པར་བྱའོ། །
246b2 དར་གྱི་ལྡ་ལྡི་དང་གདུགས་དང་བ་དན་གྱིས་ཉེ་བར་མཛེས་པར་བྱས་ནས། ཡང་ཤར་དུ་བགེགས་རབ་ཏུ་འཇོམས་པའི་གཙུག་ཏོར་རྣམ་པར་རྒྱལ་བའི་ལྷ་མོ་དང་། ལྷོར་འཆི་བ་རབ་ཏུ་འཇོམས་པའི་གཙུག་ཏོར་རྣམ་པར་རྒྱལ་བའི་ལྷ་མོ་དང་།
246b3 ནུབ་ཏུ་ཉོན་མོངས་པ་རབ་ཏུ་འཇོམས་པའི་གཙུག་ཏོར་རྣམ་པར་རྒྱལ་བའི་ལྷ་མོ་དང་། བྱང་དུ་ཕུང་པོའི་ནད་རབ་ཏུ་འཇོམས་པའི་གཙུག་ཏོར་རྣམ་པར་རྒྱལ་བའི་ལྷ་མོ་དང་། མེར་རྡོ་རྗེ་ཕྲེང་བ་ཚེ་སྦྱིན་མ་དང་། བདེན་བྲལ་དུ་སྒྱུ་མ་ཆེན་མོ་དང་།
246b4 རླུང་དུ་གསེར་འོད་མ་དང་། དབང་ལྡན་དུ་གསེར་གྱི་ཕྲེང་བ་ཅན་ཚེ་སྦྱིན་མའོ། །སྣོད་བཞི་ཆུ་དྲི་བཟང་དང་བཅས་པས་བཀང་སྟེ། མེ་ཏོག་གི་ཕྲེང་བ་འཕྱང་དུ་གཞུག་པར་བྱའོ། །འདིའི་མཐར་རེ་ཁ་གསུམ་རྡུལ་ཚོན་གྱིས་བྲི་བར་བྱའོ། །ཕྲེང་དང
246b5 པོ་ལ་སྐྲ་ལ་སོགས་པ་མེད་པའི་འཇིམ་པ་རློན་པ་ལ་བྱས་པའི་སཙྪ་སྟོང་ཕྲག་གཅིག་བསྒྲིག་པར་བྱའོ། །མ་གྲུབ་ན་བརྒྱ་ངེས་པར་བཞུགས་པར་བྱའོ། །ཕྱོགས་བཞིར་བཀུར་སྟི་དང་སྟི་ཏང་དང་ཆེན་པོའི་མཆོད་པ་བྱས་ནས། ཚིག་གཞན་མི་སྨྲ
246b6 བའི་དམ་བཅའ་འཛིན་པའི་ཆོས་སྨྲ་བ་རྣམས་ཀྱིས་གཟུངས་འདི་བཀླག་པར་བྱའོ། །ལན་རེ་རེ་ཞིང་མཆོད་རྟེན་གྱི་དབུར་མཆོད་ཅིང་རབ་ཏུ་གནས་པར་བྱའོ། །སྟོང་ཕྲག་གཅིག་ཏུ་གློག་པས་དབུས་ཀྱི་མཆོད་རྟེན་གྱི
246b7 དབུར་ལག་པ་བསྐྱོད་ཅིང་མཆོད་པར་བྱའོ། །མེ་ཏོག་དང་། བདུག་སྤོས་དང་། མར་མེ་དང་། དྲི་ཆབ་དང་། ལྷ་བཤོས་ལ་སོགས་པ་མཆོད་པ་ཐམས་ཅད་སྟོང་ཕྲག
246b8 སོ་སོར་མཆོད་རྟེན་གྱི་ཕྲེང་བའི་རྣམ་པར་བྱས་ནས་མཆོད་པ་བྱའོ། །ཇི་སྲིད་ཡོངས་སུ་མ་རྫོགས་པ་དེ་སྲིད་དུ་མར་མེའི་ཕྲེང་བ་རླུང་གིས་མི་ཉམས་པ་སྦར་བར་བྱའོ། །
iiif viewer powered by OpenSeadragon
