| e-texts navigator |
| Wylie |
244b1 པའི་གཟུགས་འཛིན་པ་དང་། སྟོབས་ཆེ་ཞིང་གཞན་གནོན་པ་དང་། སེམས་ཅན་ཐམས་ཅད་ཀྱི་གཅིག་ཏུ་འདྲེན་པ་པོར་གྱུར་ནས་སྨན་པ་ཆེན་པོའི་མཆོག་ཚེ་དཔག་ཏུ་མེད་པར་འགྱུར་རོ། །དེ་ལྟར་རྡོ་རྗེ་དང་འཁོར་ལོ་དང་།
244b2 རྩེ་གསུམ་ལ་སོགས་པ་ལ་ཡང་སྒྲུབ་པར་བྱའོ། །དེ་ལྟར་ཕན་ཡོན་དཔག་ཏུ་མེད་པའི་གཟུངས་ཆེན་མོ་དེ་བཞིན་གཤེགས་པ་ཐམས་ཅད་ཀྱི་སྙིང་པོར་གྱུར་པ་མཆོག་ཏུ་རྙེད་པར་དཀའ་བ་འདི་ཇི་ལྟ་ཇི་ལྟར་སྦྱར་བ་དེ་ལྟ་དེ
244b3 ལྟར་ལས་འགྲུབ་པར་བྱེད་དོ། །གང་ཡང་དེ་བཞིན་གཤེགས་པ་ཐཾད་ཀྱི་གཙུག་ཏོར་རྣམ་པར་རྒྱལ་བ་ཞེས་བྱ་བའི་གཟུངས་འདི་ཉི་མ་རེ་རེ་ལ་དུས་གསུམ་དུ་ལན་ཉི་ཤུ་རྩ་གཅིག་བཟླས་པ་བྱ་ཞིང་། མཆོད་རྟེན་ཆེན་པོར
244b4 བྱས་ཏེ་ཡང་དག་པར་བཅངས་ལ་གཞན་ལ་ཡང་རྒྱ་ཆེར་གསལ་བར་བྱས་ན། དེ་སྐྱིད་པ་འཐོབ་ཅིང་སྟོབས་དང་ལྡན་པ་དང་། ནད་མེད་པ་དང་། ལོ་བརྒྱ་ཐུབ་པ་དང་། བློ་རྣོ་བ་དང་། སྐྱེ་བ་དྲན་པར་འགྱུར་རོ། །
244b5 གང་གི་ཚེ་འཆི་བའི་དུས་བྱས་པ་དེའི་ཚེ། སྦྲུལ་ཤུན་པ་བརྗེས་པ་དང་འདྲ་བར་རང་གི་ལུས་བོར་ཏེ་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །དམྱལ་བའི་སྒྲ་རྣ་བུག་ཏུ་ཡང་ཐོས་པར་མི་འགྱུར་ན
244b6 འབྲས་བུ་སྨིན་པར་ལྟ་ཡང་ག་ལ་འགྱུར། གང་དང་གང་དུ་སྐྱེས་པ་དེ་དང་དེ་རུ་སྐྱེ་བ་དྲན་པར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་།
244b7 མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ
244b8 བ་ཞེས་བྱ་བའི་གཟུངས་རྟོག་པ་དང་བཅས་པ་རྫོགས་སྷོ། ། །།པཎ་ཌི་ཏ་ཆོས་ཀྱི་སྡེ་དང་། ཁམས་པ་ལོ་ཙྪ་བ་དགེ་སློང་བ་རིས་བསྒྱུར་ཅིང་ཞུས་ཏེ། གཏན་ལ་ཕབ་པའོ། ། @#། །རྒྱ་གར་སྐད་དུ། སརྦ་ཏ་ཐཱ
iiif viewer powered by OpenSeadragon
