| e-texts navigator |
| Wylie |
241b1 གསོལ་ཏེ་རང་གི་ཁྱིམ་དུ་བཞག་ལ་མཆོད་པ་རྒྱ་ཆེན་པོས་མཆོད་པ་བྱས་ན་རྟག་ཏུ་བསྲུང་བར་འགྱུར་རོ། །གཞན་ཡང་ཆོ་ག་ནི་ས་ལ་མ་ལྷུང་བའི་ལྕི་བས་མཎྜ་ལ་གྲུ་བཞིར་བྱས་ལ་མེ་ཏོག་དཀར་པོས་བཀྲམ་སྟེ། མཚམས་བཞིར་ཞུན
241b2 མར་གྱི་མར་མེ་བཞི་བཞག་ལ། ཨ་ཀ་རུ་དང་དུ་རུ་ཀའི་བདུག་པ་བྱས་ལ། དེ་བཞིན་དུ་དྲིའི་ཆུས་གང་བའི་སྣོད་མེ་ཏོག་དཀར་པོས་རྒྱན་ཏེ། གཟུངས་ཀྱི་སྙིང་པོ་ཅན་གྱི་མཆོད་རྟེན་ནམ་སྐུ་གཟུགས་དབུས་སུ་བཞུགས་སུ་གསོལ་ལ།
241b3 དེ་ལ་གཡོན་པའི་ལག་པས་རེག་སྟེ་གཡས་པའི་ལག་པ་ཕྲེང་བ་འཛིན་པས་ཉི་མ་རེ་རེ་ཞིང་ཉི་ཤུ་རྩ་གཅིག་རྩ་གཅིག་དུས་གསུམ་དུ་བཟླས་པ་བྱས་ལ། དེའི་ཆུ་ཁྱོར་བ་གསུམ་འཐུང་ན་ནད་མེད་པ་དང་། ཚེ་རིང་བ་དང་།
241b4 དགྲ་ཡོངས་ཉམས་པ་དང་། འཛིན་བློ་རྣོ་བ་དང་། ངག་བཙུན་པར་འགྱུར་རོ། །སྐྱེ་བ་ནས་སྐྱེ་བར་སྐྱེ་བ་དྲན་པར་འགྱུར་རོ། །དེའི་ཆུས་ཁང་པ་དང་། ཕྱུགས་ཀྱི་ར་བ་འམ། རྟའི་ར་བ་འམ། རྒྱལ་པོའི་ཁབ་ཏུ་གཏོར་ན། རྐུན
241b5 མ་དང་། སྦྲུལ་དང་། གནོད་སྦྱིན་དང་། སྲིན་པོ་ལ་སོགས་པའི་འཇིགས་པ་མི་འབྱུང་ཞིང་ནད་ཀྱིས་ཡོངས་སུ་གདུངས་པར་མི་འགྱུར་རོ། །མགོ་ལ་གཏོར་ན་དེ་ནད་དེ་ལས་གྲོལ་བར་འགྱུར་རོ། །དེ་ལྟར་ཚེ་དཔག་ཏུ་མེད་པའི་ཕན
241b6 ཡོན་ཆེ་བའི་གཟུངས་འདི་གང་དང་གང་དུ་རབ་ཏུ་སྦྱར་བའི། དེ་དང་དེ་རུ་ཞི་བ་ཆེན་པོར་འགྱུར་རོ། །སོ་ཤིང་ལ་ལན་ཉི་ཤུ་རྩ་གཅིག་ཡོངས་སུ་བཟླས་ཏེ། འཆོས་ན་ནད་མེད་པ་དང་། བློ་རྣོ་བ་དང་། ཚེ་རིང་བར་འགྱུར་རོ། །ཆུ་ཁྱོར་བ་གསུཾ
241b7 ལ་དུས་གསུམ་དུ་ལན་ཉི་ཤུ་རྩ་གཅིག་རྩ་གཅིག་ཡོངས་སུ་བཟླས་ཏེ་འཐུངས་ན་ནད་ཐམས་ཅད་ལས་ཡོངས་སུ་གྲོལ་ཞིང་ཡུན་རིང་དུ་འཚོ་བར་འགྱུར་རོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས
241b8 བཅོམ་ལྡན་འདས་ཚེ་དཔག་ཏུ་མེད་པ་ལ་བསྐོར་བ་བྱས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོས་མཆོད་རྟེན་གྱི་ལས་ཇི་ལྟར་བྱ། སྐུ་གཟུགས་ལ་སོགས་པ་སྒྲུབ་པ་ཇི་ལྟར་བྱ། འདིར་སྦྱིན་སྲེག་ཀྱང་ཇི་ལྟར་བགྱི།
iiif viewer powered by OpenSeadragon
