| e-texts navigator |
| Wylie |
241a1 ཐད་དུ་ཕྱིན་པ་དང་། བཅོམ་ལྡན་འདས་ལ་མཆོད་པ་ཆེན་པོ་ལྷ་རྫས་ཀྱི་གོས་ཀྱི་རྒྱན་ལ་སོགས་པ་ཉེ་བར་མཁོ་བའི་མཆོད་པ་བརྒྱ་སྟོང་ཕུལ་ཏེ་བསྐོར་བ་བྱས་ནས་བཅོམ་ལྡན་འདས་ཀྱི་མདུན་དུ་འདུག་སྟེ། དེ་བཞིན་དུ་ཆེད
241a2 དུ་བརྗོད་པ་བྱས་ནས་བཅོམ་ལྡན་འདས་ཀྱི་མདུན་དུ་འདུག་སྟེ་ཆོས་ཉན་ཏོ། །དེ་ནས་བཅོམ་ལྡན་འདས་ཀྱིས་ཕྱག་གསེར་གྱི་མདོག་ཅན་བརྐྱང་སྟེ་ལྷའི་བུ་ཤིན་དུ་བརྟན་པ་དབུགས་ཕྱུང་ནས་ཆོས་སྟོན་པར་བྱེད་ཅིང་སངས
241a3 རྒྱས་ཀྱིས་བར་དུ་ལུང་སྟོན་ཏོ། །རིགས་ཀྱི་བུ་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ་བའི་གཟུངས་འདི་ནི་འཆི་བ་ཆེན་པོའི་དབྱུག་པ་འཛིན་པ་སྟེ། དག་བྱེད་འཇོམ་པར་བྱེད་པ་འདི་གྲོག་འམ། གཞན
241a4 ཞིག་ལ་བྲིས་ཏེ། མཆོད་རྟེན་གྱི་ནང་དུ་བཞག་ལ་རབ་ཏུ་རྒྱ་ཆེ་བའི་མཆོད་པ་ཇི་ལྟར་འབྱོར་པས་མཆོད་དེ་བསྐོར་བ་སྟོང་ཕྲག་བརྒྱ་བྱས་ན་མཆོག་གི་ཚེ་དང་བློ་རྣོ་བ་སྦྱིན་པར་བྱེད་པར་འགྱུར་རོ། །དེ་ལྟར་བྱས་པས་ཞག
241a5 བདུན་པའི་ཚེ་ནི་ལོ་བདུན་ཐུབ་བོ། །ལོ་བདུན་པའི་ཚེ་ནི་ལོ་བདུན་བཅུ་ཐུབ་བོ། །དེ་ལྟར་མཆོག་གི་ཚེ་ཐོབ་ཅིང་དྲན་པ་དང་ལྡན་པ་དང་། ནད་མེད་པ་དང་། སྐྱེ་བ་དྲན་པར་འགྱུར་རོ། །མཆོད་རྟེན་ལ་བཞུགས་སུ་གསོལ་ཏེ།
241a6 མགོ་ལ་བཅིངས་ན་ནད་ཆེན་པོ་ལས་གྲོལ་བར་འགྱུར་རོ། །གོས་སམ་ཤིང་ཤུན་ལ་འགི་ཧང་གིས་རང་གི་མིང་དང་བཅས་པར་གཟུངས་བྲིས་ཏེ། ཙན་དན་གྱི་རང་བཞིན་གྱི་མཆོད་རྟེན་ལ་བཞུགས་སུ་གསོལ་ནས། རང་གི
241a7 ཁྱིམ་དུ་བཞག་ལ་རྒྱ་ཆེ་བའི་སྟོང་གིས་མཆོད་པས་མཆོད་དེ། ཟླ་བ་རེ་རེ་ཞིང་བརྒྱ་ཕྲག་བརྒྱད་ཀྱི་བཟླས་པའི་མཆོད་པའི་ཆོ་ག་བྱས་ན་ནད་ལས་གྲོལ་ཞིང་ལོ་བརྒྱ་ཐུབ་པར་འགྱུར་རོ། །མེད་ན་འདམ་པའི་རང་བཞིན་ལ་ཡང་བྱའོ། །
241a8 ཡང་གོས་གཙང་མ་ལ་སྣ་ཚོགས་རྡོ་རྗེ་ལ་གནས་པའི་མཆོད་རྟེན་བྲིས་ལ། རྡོ་རྗེ་ཕྲེང་བས་བསྐོར་བས་བརྒྱན་པ་དེའི་ནང་དུ་རང་གི་མིང་དང་གཟུངས་ཀྱི་ཚིག་འདི་འགི་ཧང་གིས་བྲིས་ལ། ཁམ་ཕོ་ཁ་སྦྱར་གྱི་ནང་དུ་བཞུགས་སུ
iiif viewer powered by OpenSeadragon
