| e-texts navigator |
| Wylie |
240b1 པ་སྟེ། དེ་བཞིན་གཤེགས་པ་ཐམས་ཅད་ལ་མཆོད་པ་ཆེན་པོའི་སྤྲིན་གྱིས་མཆོད་པར་འགྱུར་རོ། །དེ་ཀུན་གྱིས་ཀྱང་ལེགས་སོ་ཞེས་བྱ་བའི་སྒྲ་བརྗོད་པར་འགྱུར་རོ། །སེམས་ཅན་དེ་ནི་དེ་བཞིན་གཤེགས་པ་ཐམས་ཅད་ཀྱི་བདག
240b2 ཉིད་ལས་སྐྱེས་པའི་སྲས་སུ་རིག་པར་བྱའོ། །སྒྲིབ་པ་མེད་པའི་ཡེ་ཤེས་དང་ལྡན་ཞིང་བྱང་ཆུབ་ཆེན་པོའི་སེམས་ཀྱི་རྒྱན་དང་མཉམ་པ་ཐོབ་པར་འགྱུར་རོ། །དེ་ལ་གཟུངས་བསྒྲུབ་པའི་ཆོ་གའི་ཐབས་འདིས་ནི་ལྷའི་དབང་པོ
240b3 འགྲོ་བ་ཐམས་ཅད་ཀྱང་སེམས་ཅན་དམྱལ་བ་ལ་སོགས་པའི་ངན་འགྲོ་ལས་ཡོངས་སུ་ཐར་བར་འགྱུར་རོ། །དེ་དག་གི་འགྲོ་བ་ཐམས་ཅད་ཀྱང་ཡོངས་སུ་དག་པར་འགྱུར་རོ། །ཚེ་རིང་བར་འགྱུར་རོ། །ལྷའི་དབང་པོ་སོང་ལ་ལྷའི་བུ
240b4 བློ་གྲོས་ཤིན་དུ་བརྟན་པ་ལ་གཟུངས་འདི་རྗེས་སུ་སྟོན་ལ་སྒྲོགས་ཤིག་། ལྷའི་དབང་པོ་དེས་ན་ཞག་བདུན་ན་ལྷའི་བུ་ཤིན་དུ་བརྟན་པའི་འགྲོ་བ་ཐམས་ཅད་ཡོངས་སུ་དག་ཅིང་ཚེ་རིང་བར་འགྱུར་རོ། །སྟོབས་ཆེ་བར་འགྱུར
240b5 རོ། །དེ་ནས་ལྷའི་དབང་པོ་བརྒྱ་བྱིན་གྱིས་དེ་བཞིན་གཤེགས་པ་ལས་རྗེས་སུ་བསྟན་པ་འདི་བླངས་ཏེ། དེའི་གནས་སུ་ཕྱིན་ནས་ལྷའི་བུ་ཤིན་དུ་བརྟན་པ་ལ་གཟུངས་འདི་བྱིན་ནོ། །དེ་ནས་ལྷའི་བུ་དེས་ཉི་མ་བདུན་པའི་བར་དུ་ཉིན་དྲུག
240b6 མཚན་དྲུག་ཏུ་གཟུངས་འདི་ལ་བརྩོན་པར་བྱས་ན། དེའི་བསམ་པ་ཐམས་ཅད་ཕུན་སུམ་ཚོགས་ཏེ། འདི་ལྟ་སྟེ། ངན་འགྲོ་ལས་ནི་ཡོངས་སུ་ཐར། བདེ་བའི་ལམ་ལ་ཡང་གནས། ཚེ་རིང་བར་ཡང་གྱུར་ནས། ཨ་ལ་ལ་སངས་རྒྱས།
240b7 ཨ་ལ་ལ་ཆོས། ཨ་ལ་ལ་གཟུངས་འདི་ལྟ་བུ་འཇིག་རྟེན་དུ་བྱུང་སྟེ། དེས་བདག་འཇིགས་པ་ཆེན་པོ་ལས་ཡོངས་སུ་ཐར་ཏོ། །ཞེས་ཆེད་དུ་བརྗོད་པ་བརྗོད་དོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་དང་། ལྷའི་བུ་ཤིན་དུ
240b8 བརྟན་པ་འཁོར་ཆེ་བ་རྣམས་ཀྱིས་མེ་ཏོག་དང་། དྲི་དང་། བདུག་པ་དང་། ཕྲེང་བ་དང་། གདུགས་དང་། རྒྱལ་མཚན་དང་། བ་དན་དང་། གོས་ཀྱི་རྒྱན་བཟང་པོའི་བླ་རེ་དང་། ལྷའི་ཚོགས་ཀྱི་མཐུས་བཅོམ་ལྡན་འདས་ཀྱི་དྲུང་དུ་ཕྱིན་སྟེ
iiif viewer powered by OpenSeadragon
