| e-texts navigator |
| Wylie |
240a1 དེ་དག་སེམས་ཅན་དམྱལ་བ་འམ། དུད་འགྲོའི་སྐྱེ་གནས་སམ། གཤིན་རྗེའི་འཇིག་རྟེན་ནམ། ཡི་དགས་སམ། དེ་ལས་གཞན་པའི་ངན་འགྲོ་རྣམས་སུ་སྐྱེས་པར་གྱུར་ཀྱང་རུང་སྟེ། དེ་དག་གཟུངས་འདིའི་མཐུས
240a2 ངན་འགྲོ་དེ་དག་ལས་ཐར་བར་འགྱུར་རོ། །དེ་དག་ལས་ཐར་ནས་ཀྱང་ལྷར་སྐྱེ་བར་འགྱུར་རོ། །སུ་ཞིག་འདི་ཉིན་གཅིག་བཞིན་དུ་ལན་ཉི་ཤུ་རྩ་གཅིག་རྩ་གཅིག་ཡོངས་སུ་བརྗོད་པ་དེ་འཇིག་རྟེན་པ་ཆེན་པོ་རྣམས
240a3 ཀྱིས་མཆོད་པའི་འོས་སུ་འགྱུར་རོ། །ཚེ་རིང་བར་འགྱུར་རོ། །ནད་མེད་པར་འགྱུར་རོ། །བདེ་བ་མྱོང་བར་འགྱུར་རོ། །རྟག་ཏུ་སྤྲོ་བ་དང་ལྡན་པ་དང་། མྱ་ངན་ལས་འདས་པ་ཆེན་པོ་ཐོབ་པར་འགྱུར་རོ། །ཤི་འཕོས་ནས་ཀྱང
240a4 འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །དེ་ནས་སངས་རྒྱས་ཀྱི་ཞིང་སྣ་ཚོགས་པ་ཐ་དད་དུ་འགྲོ་བར་འགྱུར་རོ། །དེར་ཡང་དེ་བཞིན་གཤེགས་པ་རྣམས་དང་ཕྲད་པར་འགྱུར་རོ། །དེ་བཞིན་གཤེགས
240a5 པ་ཐམས་ཅད་ཀྱིས་ཀྱང་དབུགས་འབྱིན་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་ཀྱང་ལུང་སྟོན་པར་འགྱུར་རོ། །སངས་རྒྱས་ཀྱི་ཞིང་ཐམས་ཅད་དུ་ཡང་འཇིག་རྟེན་ལ་སྣང་བ་བྱེད་པར་འགྱུར་རོ། །
240a6 ཕྱག་རྒྱ་བཅིང་བ་ནི་སོར་མོ་བཅུའི་ཐལ་མོ་ལ་བསྡིགས་མཛུབ་གཉིས་བཀུག་སྟེ་མཐེ་བོང་གཉིས་དང་སྦྱར་ལ། དེ་ནས་གཟུངས་འདི་དྲན་པར་བྱའོ། །དཀྱིལ་འཁོར་གྲུ་བཞི་པ་བྱས་ཏེ་མེ་ཏོག་སྣ་ཚོགས་བཀྲམ་ལ
240a7 སྣ་ཚོགས་པའི་བདུག་པས་བདུག་ཅིང་། པུས་མོ་གཡས་པའི་ལྷ་ང་ས་ལ་བཙུགས་ཏེ། དེ་བཞིན་གཤེགས་པ་ཐམས་ཅད་ཏིང་ངེ་འཛིན་གྱིས་དམྱིགས་ལ་ཕྱག་བྱ་ཞིང་། དེ་ནས་གཟུངས་བརྒྱད་བརྒྱ་བཀླག་པར་བྱའོ། །
240a8 དེ་ལྟར་ལན་གཅིག་བཀླགས་པ་ཙམ་གྱིས་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་བཅུ་རྩ་བརྒྱད་ཀྱི་གང་གཱའི་ཀླུང་གི་བྱེ་མ་དང་མཉམ་པའི་དེ་བཞིན་གཤེགས་པ་ཐམས་ཅད་ལ་མཆོད་ཅིང་བསྙེན་བཀུར་བ་དང་རི་མོར་བྱས
iiif viewer powered by OpenSeadragon
