| e-texts navigator |
| Wylie |
224b1 ཆོས་སྨྲ་བ་དེ་དག་རྗེསུ་ཡོངསུ་གཟུང་བ་དང་། དམ་པའི་ཆོས་ཅི་ནས་ཀྱང་ཡུན་རིང་དུ་གནས་པ་དང་། བདུད་ཐམས་ཅད་ཚར་བཅད་པའི་སླད་དུ་གཟུངས་ཀྱི་གསང་སྔགས་ཀྱི་གཞི་འདི་རྣམས་རྗེསུ་སྩལ་བར་འཚལ་ན། བཅོམ་ལྡན་འདས་ཀྱི
224b2 དེ་ལ་ལེགསོ་ཞེས་བགྱི་བ་གནང་བར་མཛད་དུ་གསོལ། དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ་བཞི་ལ་ཐུགས་བརྩེ་བའི་ཕྱིར་ཅང་མི་གསུང་བར་གྱུར་པས་གནང་སྟེ། རྒྱལ་པོ་ཆེན་པོ་བཞི་པོ་དེ་དག་གིས་ཀྱང་བཅྡོཾས་ཀྱིས་ཅང
224b3 མི་གསུང་བར་གྱུར་པར་གནང་བར་རིག་ནས་ཆེད་དུ་བརྗོད་པ་ཆེད་དུ་བརྗོད་དོ། །དེ་ནི་འདི་ལྟ་སྟེ། ད་ནཌྜེ། དེ་ནཌྜེ། མ་ཧཱ་ནཌྜེ། ཛམྦྷ་ནི། སྟམྦྷ་ནི། ཊ་ཊེ། ཊ་ཊ་ནེ། མ་ཧཱ་ཊ་ཊ་ནེ། ཀུཊྚེ། ཀུཊྚ་ནེ། མ་ཧཱ་ཀུཊྚ་ནེ། དྷརྨ་ལེ། ཙ་མ་ལེ་སྭཱཧཱ། བཅོམ་ལྡན
224b4 འདས་འདི་དག་ནི་གཟུངས་འདིའི་འཁོར་གྱི་ཚིག་ལྟ་བུར་གདའ་བ་ལགས་ཏེ། རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་གཟུངས་སྔགས་ཀྱི་གཞི་འདི་དག་འཛིན་པ་དང་། བཟླས་ཏེ་བཏོན་ནས་འཆང་བ་འདི་ནི་སྔོན་གྱི་ལས་མ་ཏོགས་པར
224b5 གཞན་གྱི་གནོད་པ་ཐམས་ཅད་ལས་འདའ་བ་དང་། འགྲོ་བ་ཐཾད་དང་རྗེསུ་འཐུན་པར་འགྱུརོ། །དེ་ལ་ནི་དམ་པའི་ཆོས་ཐཾད་ཡོངསུ་གཟུང་བ་ལ་ཡང་བར་ཆད་འབྱུང་བར་མི་འགྱུར་ལགསོ། །དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ
224b6 བཞི་པོ་དག་ལ་གྲོགས་པོ་དག་ཁྱོད་བསྟན་པ་ཡུན་རིང་དུ་གནས་པར་བྱ་བའི་ཕྱིར་ཞུགས་པ་ལེགསོ་ལེགསོ་ཞེས་བྱ་བ་བྱིན་ནོ། །དེ་ནས་བཅྡོཾས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་དེ་དག་རྫུ
224b7 འཕྲུལ་ཆེ་བར་འགྱུར་བ་དང་། ཕན་ཡོན་ཆེ་བ་དང་། བྱིན་ཆེ་བར་འགྱུར་བའི་ཕྱིར་གཟུངས་ཀྱི་ཆོས་ཀྱི་རྣམས་གྲངས་འདི་ཟུང་ཤིག་།ལོང་ཤིག་།ཆོངས་ཤིག་།ལྷོགས་ཤིག་།ཀུན་ཆུབ་པར་གྱིས་ཤིག་།གཞན་དག་ལ་ཡང་རྒྱ་ཆེར
224b8 རབ་ཏུ་སྟོན་ཅིག་གསོལ་པ། བཅྡོཾས་རྒྱས་པར་བགྱི་བའི་སླད་དུ་བདག་གིས་གཟུང་ལགས་སོ། །དེ་ནས་བཅོམ་ལྡན་འདས་ཀྱིས་དོན་འདི་ཉིད་རྒྱས་པར་བསྟན་པའི་ཕྱིར་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །
iiif viewer powered by OpenSeadragon
