| e-texts navigator |
| Wylie |
223b1 གཞི་འདི་དག་འཛིན་པ་ཡང་ཤིན་ཏུ་རྙེད་པར་དཀའོ། །ཀུན་དགའ་བོ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་གཟུངས་ཀྱི་གསང་སྔགས་ཀྱི་གཞི་འདི་དག་འཛིན་པ་དང་། ལེན་པ་དང་། འཆང་བ་དང་། ཀློག་པ་དང་། ཀུན་ཆུབ་པར
223b2 བྱེད་པ་དང་། གཞན་དག་ལ་ཡང་རྒྱ་ཆེར་རབ་ཏུ་སྟོན་པ་དེ་ནི་ཚེ་རབས་ཉི་ཤུ་རྩ་གཅིག་ཏུ་ཚེ་རབ་དྲན་པར་འགྱུརོ། །ཚེ་འདི་ཉིད་ལ་ཡང་སྔོན་གྱི་ལས་མ་གཏོག་པར་གཞན་གྱི་གནོད་པ་ཐཾད་ལས་འདའ་བ་དང་། འགྲོ་བ་ཐཾད་དང་རྗེསུ་འཐུན
223b3 པར་འགྱུརོ། །གང་ལ་ལ་ཞིག་ལ་བསྲུང་བ་བྱས་ན་དེ་ལ་ཡ~ཾ་འབྱུང་པོ་ཐཾད་ཀྱིས་མི་ཚུགསོ། །ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནཾཁའ་ལྡེང་དང་། མི་འཾ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་ཐཾད
223b4 ཀྱིས་མི་ཚུགསོ། །སྦྲུལ་དང་། སྲིན་བུ་དང་། སྲིན་བུ་ལུ་ཏ་དང་། སྦྲང་བུ་ལྕགས་ཕྱེ་ཐཾད་ཀྱིས་མི་ཚུགསོ། །རིམས་རླུང་དང་། མཁྲིས་པ་དང་། བད་ཀན་དང་། འདུས་པ་དང་། དུས་ཚིགས་འགྱུར་བ་ལས་བྱུང་བ་ཐཾད་ཀྱིས་མི་ཚུགསོ། །ཞག་ཅིག
223b5 པ་འཾ། ཞགཉིས་པ་འམ། ཞག་གསུམ་པ་འཾ། ཞག་བཞི་པ་འཾ། ཞག་བདུན་པ་འཾ། ཟླ་བ་ཕྱེད་པ་འཾ། ཟླ་བ་གཅིག་པ་འཾ། ལོ་གཅིག་པ་འཾ། ནད་རྒྱུན་རིངས་སཾ། སྐད་ཅིག་པ་རྣམས་ཀྱིས་མི་ཚུགསོ། །འབྲས་སམ།
223b6 ཕོལ་མིག་གམ། རྐང་ཤུ་འམ། ལྷོག་པ་འམ། མེ་དབལ་ལཾ། ཤུ་བ་འམ། ཁྱི་རྔོ་འམ། གཡན་པ་འམ། མཛེ་ཐཾད་དམ། གློག་པ་ཐམས་ཅད་དམ། གཤེད་བྱེད་ཐཾས་ཅད་དམ། སྒྱུར་བའི་ལས་ཐམས་ཅད་དམ། བྱད་ཐཾད་དང་།
223b7 རོ་ལངས་ཐཾད་ཀྱིས་ཀྱང་མི་ཚུགསོ། །ཀུན་དགའ་བོ་གཟུངས་ཀྱི་གསང་སྔགས་ཀྱི་གཞི་འདི་དག་ནི་སངས་རྒྱས་བྱེ་བ་ཕྲག་དགུ་བཅུ་རྩ་དགུས་གསུངས་ཏེ། གང་གཟུངས་ཀྱི་གསང་སྔགས་ཀྱི་གཞི་འདི་དག་ལས་འདའ་བར་བྱེད་པ་དེ་ནི་དེ
223b8 དག་ཐམས་ཅད་ལ་འཁུས་པ་ཡིན་ནོ། །ཀུན་དགའ་བོ་གཟུངས་ཀྱི་གསང་སྔགས་ཀྱི་གཞི་འདི་དག་ནི་རྒྱལ་པོའི་ཕོ་བྲང་ན་འདུག་ན་ཡང་ཡིད་ལ་བྱའོ། །ཆོམ་རྐུན་གྱི་ནང་ན་འདུག་ན་ཡང་ཡིད་ལ་བྱའོ། །སྲིན་པོའི་ན~ཾ་ན་འདུག་ན་ཡ~ཾ་ཡིད་ལ་བྱའོ། །
iiif viewer powered by OpenSeadragon
